ԵՐԵՎԱՆ, 3 փետրվարի. /Նովոստի–Արմենիա/. Հայ օգտատերերի շրջանում ամենատարածված սոցցանցերի մասին է պատմել մեդիափորձագետ, տեղեկատվական անվտանգության փորձագետ Սամվել Մարտիրոսյանը։
Facebook սոցցանցն առաջատար դիրքեր ունի Հայաստանում, հայտնել է նա։
Նա նշել է, որ Facebook սոցցանցը վերջին 10 տարիներին հայկական շուկայից դուրս է մղել բոլոր տեղային սոցցանցերը, և նմանատիպ իրավիճակ է դիտվում գրեթե բոլոր երկրներում, որտեղ կա Facebook–ը։
«Մինչ օրս Facebook–ն առաջատարի դիրքը զիջում էր միայն Հայաստանում, Բելառուսում, Ռուսաստանում, ինչպես նաև այն երկրներում, որտեղ գործում է դրա օգտագործման արգելք` Չինաստան, Իրան։ Սակայն արդեն այժմ Հայաստանում դիտվում է սոցցանցի օգտատերերի աճի միտում»,– ասաց Մարտիրոսյանը։
Ինչպես նշում է փորձագետը, Հայաստանի հետ հարևան երկրներում Facebook–ն արդեն առաջատար դիրքերում է, միաժամանակ Վրաստանում ներթափանցման ամենաբարձր մակարդակն է, իսկ Ադրբեջանում այն յուրահատուկ է նրանով, որ սոցցանցում կանայք ավելի քիչ են, քան տղամարդիկ։
Ըստ նրա, այսօր Facebook–ի հայկական սեգմենտի ակտիվ օգտատերերի թիվն աճում է և արդեն ամսական հասնում է 1.1 մլն–ի, ընդ որում, նկատվում է օգտատերերի արտահոսք «Օդնոկլասնիկի» սոցցանցից։
Նա միաժամանակ ավելացրել է, որ Հայաստանում առավել ակտիվ աճ է գրանցել Instagram–ը, որի օգտատերերի թիվը վերջին ժամանակներում աճել է 2.5 անգամ և հասել է 0.5 մլն–ի։ Սոցցանցը դարձել է տարածաշրջանում ամենաարագ աճողներից մեկը։
Загружается новость ...
"Право"
Օգտատերերի արտագաղթի նման միտումները մեդիափորձագետը բացատրում է հետաքրքրությունների փոփոխությամբ։
«Այսօր հիմնականում Instagram է անցնում մինչև 35 տարեկան երիտասարդությունը, որին հետաքրքիր չեն քաղաքական բանավեճերը, քանի որ դրանք քիչ չեն Facebook–ում։ Նրանք չեն օգտվում նաև «Օդնոկլասնիկի» սոցցանցից, որից հիմնականում օգտվում են ԱՊՀ տարածքում ապրող ընկերների հետ շփվելու համար»,– ասել է Մարտիրոսյանը։
Նրա խոսքով, երիտասարդությանն ավելի շատ հետաքրքրում են լուսանկարներն ու տեսանյութերը, սեփական Stories–ներ ներկայացնելու հնարավորությունը, ինչից այդքան էլ գլուխ չի հանում ավելի ավագ սերունդը։
Ինչպես նշել է մեդիափորձագետը, Instagram–ի ակտիվությունը և այդ ցանցի ներսում շփման աճը թույլ է տալիս այնտեղ տեղափոխել գովազդի շուկան։
Ինչ վերաբերում է «ՎԿոնտակտե»–ին, ապա, նրա խոսքով, Հայաստանի բնակիչները հիմնականում օգտվում են այս սոցցանցից երաժշտություն լսելու և ֆիլմեր դիտելու համար։
Խոսելով Twitter–ի մասին` նա նշել է, որ այդ սոցցանցը, հիմնականում, շփման հարթակ է, սակայն, ինչպես ցույց է տալիս վիճակագրությունը, առավելապես բարձր ինտելեկտուալ, բայց ավելի «դեպրեսիվ» զանգվածի համար։ -0-