ԵՐԵՎԱՆ, 11 սեպտեմբերի. /Նովոստի–Արմենիա/. The Business of Fashion հեղինակավոր պարբերականի նորաձևության ոլորտի ամենաազդեցիկ մարդկանց BoF 500 թարմացված ցուցակի շնորհանդեսն է անցկացվել Նյու Յորքում։
Այդ ցուցակում, ի թիվս այլոց, նաև Ուկրաինայի երկու ներկայացուցիչներ են` Ասյա Մխիթարյանը և Դմիտրի Եվենկոն, գրում է
bykvu.com–ը։
Այդ մասին ինքը` Մխիթարյանը, տեղեկացրել է Facebook–ում։
Պետք է նշել, որ նշված ցուցակում են աշխարհի 40 երկրների ներկայացուցիչներ։
Загружается новость ...
"Право"
«Երեկ Նյու Յորքում կայացել է Business of Fashion–ի BoF 500 նորաձևության ոլորտի ամենաազդեցիկ մարդկանց նորացված ցուցակի շնորհանդեսը։ Դրանում ընդգրկվել են աշխարհի 40 երկրների ներյակայացուցիչներ։ Նրանց թվում ենք նաև ես ու Դիման` Ուկրաինայի միակ ներկայացուցիչները, որպես Asthik, Buro 24/7 Ուկրաինայի և Ienki Ienki–ի հիմնադիրներ»,– գրել է Մխիթարյանը։
Ասյա Մխիթարյանն Asthik ընկերության և Buro 24/7 Ուկրաինա առցանց ամսագրի հիմնադիրն է, Asthik մուլտիբրենդային խանութի և Valentino և Agent Provocateur մոնոբրենդային խանութների սեփականատերը։ Դմիտրի Եվենկոն Asthik–ի կառավարիչ գործընկերն է և Ienki Ienki ապրանքանիշի հիմնադիրը։ Մխիթարյանն ու Եվենկոն ամուսիններ են։
«Ուկրաինական ազդեցիկ ամուսիններն արագ տեմպերով դառնում են երկրի գլխավոր ֆեշն գործարարներ` հիմնելով Asthik–ը և Ienki Ienki–ն», – ասվում է Business of Fashion–ի պաշտոնական հայտարարությունում, որը մեջբերում է Buro24/7–ը։ -0-