ԵՐԵՎԱՆ, 25 փետրվարի. /Նովոստի-Արմենիա/. Հետաքրքիր է՝ ինչպե՞ս են տղամարդիկ պատկերացնում իրենց համար իդեալական կնոջը: Արդյո՞ք, մտավոր կարողություններն ընտրյալի լավագույն որակների ամենավերին հորիզոնականում են:
Ոչ ոքի համար գաղտնիք չէ, որ ինտելեկտը շատ արժեքավոր որակ է: Իսկ նոր հետազոտությունը ցույց է տալիս, որ կնոջ բարձր ինտելեկտի առկայությունն ընդունակ է երկարացնել նրա ընտրյալի կյանքը և կանխարգելել թուլամտությունը, գրում է
iheartintelligence.com-ը:
Գիտնականները պարզել են, որ այն տղամարդիկ, ովքեր նախընտրում են ամուսնությունը խելացի կանանց հետ, ավելի երկար և երջանիկ են ապրում և ավելի հազվադեպ են տառապում Ալցհայմերի հիվանդությունից:
Օրինակ, ինտելեկտուալ բարդ խաղերը, խթանելով ուղեղը, կանխարգելում են թուլամտությունը: Այդ իսկ պատճառով տրամաբանական է, որ իր ինտելեկտը մշտապես մարզով երկրորդ կեսը կարող է ազդել ամուսնու մտավոր կարողությունների վրա: Անհավանական է, բայց խելացի կանանց ամուսինների ուղեղի լուսանցման ժամանակ հայտնաբերվել են ուղեղի «թուլություններ», բայց միաժամանակ նրանք չեն ունեցել հիվանդության որևէ ախտանիշներ:
Նրանք վստահ էին, որ բարձր ինտելեկտ ունեն և միանգամայն աշխատունակ են: Աբերդինի համալսարանի հոգեկան առողջության վաստակավոր պրոֆեսոր Լորենս Ուոլին (Lawrence Whalley) ասել է. «Եթե տղամարդը ցանկանում է երկար կյանք ապրել, ապա մի բան, որ նա պետք է անել, դա խելացի կնոջ հետ ամուսնանալն է: Չկա ավելի լավ պաշտպանություն (թուլամտությունից), քան ինտելեկտը»:
Այն աղջիկները, ովքեր հպարտանում են իրենց ինտելեկտով, ավելի պատասխանատու և անկախ են մեծանում: Տղաները, ովքեր կիսում են այսպիսի մտածելակերպը, ամենալավ հարաբարություններն են ունենում կանանց հետ և ավելի բարենպաստ մթնոլորտ են ստեղծում իրենց կանանց և դստրերի համար:
Իհարկե, բարդ է հասկացնել մարդկանց, որ կնոջ խելացիությունը պետք է գեղեցկությունից բարձր գնահատվի: Այդ իսկ պատճառով այս հետազոտությունը կարծես ակնարկում է, որ տղամարդը, ով նշանակություն է տալիս ինտելեկտին կին ընտրելիս, կարող է նախապես հոգ տանել իր ֆիզիկական և հոգեկան առողջության մասին: -0-
