481.79
+0.02
538.93
-1.33
8.53
+0.03
+14
Եղանակը Երևանում
Հայ
ՀՀ նախագահ. այսօր մենք ավելի քան հաստատակամ ենք և քաջ գիտակցում ենք մեր վաղվա անելիքները
19:33
07 Սեպտեմբերի 2015

ԵՐԵՎԱՆ, 7 սեպտեմբերի. /Նովոստի–Արմենիա/. ՀՀ նախագահ Սերժ Սարգսյանը ողջույնի խոսք է հղել Հայ մարմնակրթական ընդհանուր միության 11-րդ պատգամավորական ժողովի մասնակիցներին, որտեղ նշվում է, որ այսօր հայ ժողովուրդն ավելի քան հաստատակամ է և քաջ գիտակցում է իր վաղվա անելիքները։

«Խորհրդանշական այս տարում, երբ համայն հայությունն աշխարհի առաջադեմ մարդկության հետ միասին նշում է Հայոց ցեղասպանության 100-րդ տարելիցը, մենք մեկ անգամ ևս ապացուցեցինք, որ անկոտրում է հայի կամքը, և վճռական՝ նրա ոգին, քանզի հաղթում են այն ժողովուրդները, որոնց պայքարն արդարացի է, և նպատակները՝ արդարացված», – նշվում է հաղորդագրության մեջ։

«Արցախյան հերոսամարտը ասածիս փայլուն վկայություններից է։ Այսօր մենք ավելի քան հաստատակամ ենք և քաջ գիտակցում ենք մեր վաղվա անելիքները, որոնք կյանքի պիտի կոչենք միասնաբար, ուս ուսի տված ջանադիր աշխատանքով», – նշել է ՀՀ նախագահը։

Նա ավելացրել է, որ համահայկական տարբեր կառույցների ընդհանուր ժողովների գումարումը չափազանց կարևոր և գնահատելի երևույթ է։ Հայ մարմնակրթական ընդհանուր միությունը ևս անմասն չէ այդ որդեգրած դիրքորոշումից։ Սա Հայաստան-սփյուռք գործակցության լավագույն օրինակներից է։

«Մենք մշտապես եղել ենք հայկական կազմակերպությունների կողքին և ամեն ինչ անելու ենք հայրենիքի հետ կապն ավելի ամրապնդելու, հայրենիքի շուրջ համախմբվելու և հայաստանակենտրոն գործունեությունն առավել խթանելու համար», – նշել է նախագահը։

Նա ընդգծել է, որ գրեթե մեկդարյա գոյության ընթացքում Հայ մարմնակրթական ընդհանուր միությունը բազմիցս ապացուցել է իր անմնացորդ նվիրումն աշխարհի տարբեր ծայրերում ապրող հայ երիտասարդների հայեցի դաստիարակության և հայապահպանության շնորհակալ գործին։

««Բարձրացիր, բարձրացուր»՝ ահա այն վեհ գաղափարը, որը Միության հենքը հանդիսանալով՝ տակավին արդիական է մնացել այսօր։ Հայոց պետության, Արցախ աշխարհի և սփյուռքի առջև ծառացած նոր մարտահրավերներն ավելի քան երբևէ ենթադրում են ուժերի համախմբում և խոհեմ գործելակերպ։ Մեր արդար դատի ճանապարհը համատեղ ենք անցնելու, մեր հաղթանակի կերտման ուղին միասին ենք հարթելու», – նշել է Սարգսյանը։

Նա հավատացած է, որ պատգամավորական ժողովի ընթացքում ծավալված քննարկումները և կայացված որոշումները մեծապես կնպաստեն մեր ազգային առաջնահերթ խնդիրների լուծմանը՝ հօգուտ Հայաստան-Արցախ-սփյուռք եռամիասնության հզորացման, ի շահ համայն հայության։

«Մաղթում եմ ձեզ նորանոր հաջողություններ և արդյունավետ աշխատանք», – նշել է ՀՀ նախագահը։ –0–

Loading...
Թեմատիկ նյութեր
Բաժնի այլ նյութեր
20:57
29 Մայիսի 2017
«Երևանյան ամառ 2017»–ի անմոռանալի միջոցառումներ են սպասվում մայրաքաղաքում
Մարզամշակութային շուրջ 60 միջոցառումներ կանցկացվեն Երևանում «Երևանյան ամառ 2017» ծրագրի շրջանակում:
20:41
29 Մայիսի 2017
Թոմ Քաթինա. մենք այնտեղ ենք, որ օգնենք մարդկանց, մնացածն Աստծո գործն է
Aurora Prize-2017 մարդասիրական մրցանակի թափնեկիր, բժիշկ Թոմ Քաթինան երկուշաբթի հյուրընկալվել է «Թումո» ստեղծարար տեխնոլոգիաների կենտրոնում։
13:10
29 Մայիսի 2017
UFC մարտիկը ռինգում հաղթանակից անմիջապես հետո ամուսնության առաջարկ է արել սիրելիին (ՏԵՍԱՆՅՈՒԹ)
Խառը ոճի շվեդ մարտիկն ընկերուհուն ամուսնության առաջարկ է արել ռինգում։
11:22
29 Մայիսի 2017
«Արթիկ» ՔԿՀ–ի դատապարտյալը ռեկորդ է սահմանել (ԼՈՒՍԱՆԿԱՐՆԵՐ)
Ռեկորդը գրանցելու համար նյութերը կուղարկվեն «Դյուցազնագիրք» ասոցացիա ՀԿ:
20:05
28 Մայիսի 2017
Քառօրյա դիետա. ապշեցուցիչ արդյունք 4 օրում
Ներկայացնում ենք ընդամենը 4 օր տևող դիետա։
18:55
28 Մայիսի 2017
Կինն անսովոր կերպով է արձագանքում սեփական մեքենայի առևանգմանը (ՏԵՍԱՆՅՈՒԹ)
ԱՄՆ–ում կինն անսովոր կերպով է արձագանքում` տեսնելով, որ իր մեքենան առևանգում են։
17:43
28 Մայիսի 2017
3 պտուղ, որ պետք է ուտել ամեն օր
Այդ մթերքները պարունակում են նյութեր, որոնք վերականգնում են միջողային սկավառակների հյուսվածքների փափուկ բաղադրիչները:
21:56
27 Մայիսի 2017
Բագրատունյաց պողոտայում վրաերթի ենթարկված 4–ամյա փոքրիկը միացված է արհեստական շնչառության
Նախօրեին Երևանի Բագրատունյաց պողոտայում բեռնատարի կողմից վրաերթի ենթարկված 4–ամյա երեխայի վիճակը ծայրահեղ ծանր է:
20:25
27 Մայիսի 2017
Կեղծարարները բանկային քարտից գումար շորթելու նոր միջոց են գտել
Օգտատերերին խաբելու համար հաքերներն օգտագործում են մի քանի սխեմա:
19:13
27 Մայիսի 2017
Հայտնի է կնոջ ամենասեքսուալ հասակն ու քաշը
Գիտնականները պնդում են, որ ուղղակի կապ են գտել կնոջ մարմնի ծավալի և սեքսուալության միջև։
18:04
27 Մայիսի 2017
Ի՞նչ է նշանակում ձեր փոքրիկի ծննդյան ժամը
Երեխայի լույս աշխարհ գալու ժամը մեծ ազդեցություն է ունենում ապագայում նրա անձի ձևավորման վրա։
15:28
27 Մայիսի 2017
3 նիհարեցնող և օգտակար ամառային կոկտեյլներ (ՏԵՍԱՆՅՈՒԹ)
Ամռանը հաշված օրեր են մնացել, և եթե ցանկանում եք շտկել ձեր կազմվածքը, կարող եք ամառային կոկտեյլներ խմել նախաճաշին: