482.36
-0.38
568.99
-1.66
8.19
-0.05
+6
Եղանակը Երևանում
Հայ
Հայաստանի նախագահը պարգևներ ու մեդալներ է հանձնել միջազգային օլիմպիադաներում հաղթած դպրոցականներին
17:13
27 Օգոստոսի 2015

ԵՐԵՎԱՆ, 27 օգոստոսի. /Նովոստի–Արմենիա/. ՀՀ նախագահ Սերժ Սարգսյանը հյուրընկալել է 2014-2015 ուսումնական տարում բարձր առաջադիմություն ցուցաբերած` հանրապետության հանրակրթական ուսումնական հաստատությունների մեդալակիր շրջանավարտներին, ինչպես նաև դպրոցականների միջազգային առարկայական օլիմպիադաներում 2015թ. հաջողությունների հասած՝ մայրաքաղաքի և մարզերի աշակերտներին, «Կենգուրու» միջազգային մաթեմատիկական մրցույթում  և հայոց լեզվի «Մեղու» մրցույթում հաղթող աշակերտներին:

Նախագահը ողջունել է հանդիպման մասնակիցներին իր նստավայրում, նշելով, որ մեդալակիրների և պարգևների արժանացած դպրոցականների քանակն ամեն տարի աճում է։

«Եթե առարկայական օլիմպիադաներում մենք նույնիսկ մեդալներ չշահեինք, մենք էլի պետք է բավարարված լինեինք, որ մեր աշակերտները մասնակցում են այդ օլիմպիադաներին, բայց արդյունքները, իրոք, փառահեղ են. մեր աշակերտներն այդ օլիմպիադաներից վերադարձել են 20 մեդալով՝ 5 արծաթե և 15 բրոնզե», – ընդգծել է նախագահը։

Նա նաև նշել է, որ հայկական դպրոցականների արդյունքներում կայունություն է նկատվում, և որ այդ արդյունքները պատահականություն չեն։

«Հայաստանի Հանրապետության աշակերտները առարկայական օլիմպիադաներին մասնակցում են 1993 թվականից, և գրեթե ամեն տարի մենք առաջընթաց ենք ունեցել: Բայց վերջին չորս տարիների արդյունքները, իրոք, գալիս են հաստատելու, որ այդ արդյունքները պատահականություն չեն, այլ դժվարին, բայց անհրաժեշտ բարեփոխումների ու նաև, անշուշտ, մեր ուսուցիչների, մեր ծնողների աշխատանքի բարելավման արդյունք են», – ավելացրել է Սարգսյանը։

Նա նաև ընդգծել է, որ այս տարի ավելացել է հանրակրթական դպրոցները ոսկե մեդալով ավարտածների թիվը, և շատ լավ է, որ գնալով այդ թիվն ավելանում է նաև մեր մարզերում սովորող աշակերտների շնորհիվ։

«Սա նշանակում է, որ մեր մարզերում գտնվող դպրոցներում ևս կան լավ մասնագետներ, որ մեր մարզերի բնակչությունը ևս շատ կարևորում և գնահատում է մեր աշակերտների գիտելիք ձեռք բերելու անհրաժեշտությունը», – նշել է Սարգսյանը։

Նա ընդգծել է, որ Հայաստանի Հանրապետությունը ոչինչ չի խնայելու, որպեսզի դպրոցականները գիտելիք ստանան, որպեսզի կատարելագործվեն, ավելացնեն իրենց պաշարը և դառնան լավ մասնագետներ։

Նախագահի խոսքով` Հայաստանի պետական բյուջեի առյուծի բաժինը հատկացվում է պաշտպանությանն ու կրթությանը:

Արդեն ավանդական դարձած հանդիպման ժամանակ աշակերտները ստացել են իրենց պարգևները՝ մեդալները, հավաստագրերն ու նվերները: -0-

Loading...
Թեմատիկ նյութեր
Բաժնի այլ նյութեր
21:05
16 Դեկտեմբերի 2017
Ինչպես նվեր փաթեթավորել արագ և պարզ. ֆոտոուղեցույց
Անկասկած, մենք բոլորս սիրում ենք նվերներ ստանալ:
19:23
16 Դեկտեմբերի 2017
Սնունդն ազդում է մարդու տրամադրության վրա
Պարզվում է` սնունդն ազդում է մարդու տրամադրության վրա։
17:58
16 Դեկտեմբերի 2017
Պարզվել է միկրոալիքային վառարանի նոր վտանգը
Բացահայտվել է միկրոալիքային վառարանի նոր վտանգը:
16:41
16 Դեկտեմբերի 2017
Ինչո՞վ է վտանգավոր քնի պակասը
Պարզվել է` ինչի կարող է հանգեցնել քնի պակասը։
11:48
16 Դեկտեմբերի 2017
Հնդկաձավարով նախաճաշ` արագ նիհարելու համար
Ո՞վ չի ուզում արագ նիհարել և միաժամանակ համեղ սնվել:
17:51
15 Դեկտեմբերի 2017
Santa–ն Հայաստանում. հայ երեխաներն առանձնահատուկ են (ՖՈՏՈ)
Սանտա Կլաուսը ուրբաթ Լապլանդիայից եկել է Հայաստան։
15:53
14 Դեկտեմբերի 2017
Նիկոլ Փաշինյանը բացել է հայկական խորհրդարանի գաղտնիքը (ՖՈՏՈ)
Հայ ընդդիմադիր պատգամավոր, «Ելք» խմբակցության ղեկավար Նիկոլ Փաշինյանը բացել է հայկական խորհրդարանի գաղտնիքը։
20:45
13 Դեկտեմբերի 2017
«ՎԻԱ ԳՐԱ»–ի Բրեժնևան` հայ դիզայների զգեստով (ՎԻԴԵՈ)
«ՎԻԱ ԳՐԱ»–ի նախկին մենակատար Վերա Բրեժնևան ելույթ է ունեցել հայ դիզայներ Հայկ Ավանեսյանի զգեստով «Необыкновенный огонек»–ի ընթացքում։
20:10
13 Դեկտեմբերի 2017
Հազվագյուտ կենդանիներով բացառիկ էկզոտարիում է բացվել Երևանում (ՖՈՏՈ)
«Զուլանդիա» էկզոտարիումը բացումը կայացավ Երևանի «ՌԻՈ» առևտրի կենտրոնում։
16:42
13 Դեկտեմբերի 2017
Ի գիտություն տանտիրուհիների. ի՞նչ պետք է դնել սեղանին Դեղին հողե շան տարում
Տոնական սեղանը Նոր տարվա ամենակարևոր բաղկացուցիչներից է։
15:54
12 Դեկտեմբերի 2017
ՎՏԲ-Հայաստան Բանկը գործարկել է նոր հիփոթեքային պրոդուկտ
ՎՏԲ-Հայաստան Բանկը գործարկել է նոր հիփոթեքային պրոդուկտ, որը թույլ է տալիս հաճախորդներին ձեռք բերել անշարժ գույք ընդամենը 3% կանխավճարով:
11:08
11 Դեկտեմբերի 2017
Դավիթ Այվազյանն ու Աստղիկ Մխիթարյանը գերել են ռուսական «Ты супер! Танцы» շոուի ժյուրիին և հանդիսատեսին (ՎԻԴԵՈ)
17–ամյա Դավիթ Այվազյանն ու 15–ամյա Աստղիկ Մխիթարյանը փայլուն ելույթ են ունեցել «Ты супер! Танцы» միջազգային շոուի կիսաեզրափակչում։