484.96
+0.3
573.47
-1.05
8.22
-0.04
-2
Եղանակը Երևանում
Հայ
Երևանում անցկացվում է Հայոց ցեղասպանությունը վերապրած դերասանուհի Ավրորա Մարդիգանյանի հիշատակին նվիրված ցուցահանդես
11:50
16 Հուլիսի 2015

ԵՐԵՎԱՆ, 16 հուլիսի. /Նովոստի–Արմենիա/. 1915 թվականի Օսմանյան կայսրությունում Հայոց ցեղասպանությունից փրկված Դերասանուհի Ավրորա (Արշալույս) Մարդիգանյանի հիշատակի ցուցահանդեսը նախօրեին բացվել է Հայոց ցեղասպանության թանգարան–ինստիտուտում։

Ցուցադրությունում ներառվել են 26 պաստառներ Մարդիգանյանի կյանքի և 20-րդ դարասկզբի Ցեղասպանության վայրագությունների մասին իր սեփական հիշողությունների հիման վրա նկարահանված հոլիվուդյան ֆիլմի  մասին։

Հենց իր կյանքի պատմությունն է ընկած «Հոշոտած Հայաստան» ֆիլմի հիմքում։ Այդ ֆիլմը Հայոց ցեղասպանության մասին առաջին գեղարվեստական ֆիլմն է, որում գլխավոր դերը կատարել է հենց ինքը` Ավրորան։

«2015 թվականը Հայաստանի համար խորհրդանշական տարի է, և Երևանի «Ոսկե ծիրան» միջազգային կինոփառատոնի ղեկավարության աջակցությամբ այն համալրվել է «Այլևս երբեք» նոր հարթակով, որի խորհրդանիշն է դարձել Ավրորա Մարդիգանյանը», –լրագրողներին ասաց Հայոց ցեղասպանության թանգարան–ինստիտուտի տնօրեն Հայկ Դեմոյանը։

Նա նշեց երկու բացառիկ փաստ, որոնք բացահայտվել են ցուցահանդեսին նախապատրաստվելու ընթացքում։ Առաջինը` Երևան է բերվել բացառիկ ցուցանմուշ` ճամպրուկ, որը պատկանել է Մարդիգանյանին և որը հրաշքով է պահպանվել այսքան տարիների ընթացքում։

«Մեկ այլ մեր հայրենակցուհու օգնությամբ մեզ հաջողվեց գտնել ուրիշ բացառիկ ցուցանմուշ`Մարդիգանյանի հուշագրերի ճապոնական թարգմանությունը, որը հրատարակվել է 1923 թվականին», – ընդգծել է Դեմոյանը։

Նա նաև ավելացրել է, որ մի շարք օրիգինալ նյութեր են ներկայացված Փարիզի քաղաքապետարանում անցնող Հայոց ցեղասպանության 100-րդ տարելիցին նվիրված ցուցահանդեսին, որի ավարտին դրանք կվերադարձվեն Ցեղասպանության թանգարան–ինստիտուտ։

Ցուցահանդեսի շրջանակում Հայոց ցեղասպանության թանգարան–ինստիտուտի տնօրեն Հայկ Դեմոյանը Ավրորա Մարդիգանյանի անվան պատվավոր մեդալներով պարգևատրել է «Ոսկե ծիրան» կինոփառատոնի հիմնադիր–տնօրեն, ռեժիսոր Հարություն Խաչատրյանին, VivaCell-MTS–ի գլխավոր տնօրեն Ռալֆ Յիրիկյանին, Ռուս քննադատ Կիրիլ Ռազլոգովին (Rwusastan), կինոռեժիսոր Ռոբ Նիլսոնին (ԱՄՆ), հատուկ հանձնարարությունների դեսպան Լևոն Սարգսյանին, բարերարներ` Ռայմոնդ Եզեգուլյանին (Ֆրանսիա), Պավել Մարգարյանին (Հայաստան) և Խաչիկ Մանուկյանին (Հայաստան)։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Հոլանդիան, ԱՄՆ նահանգների մեծամասնությունը, ինչպես նաև Ավստրիայի, Չիլիի, Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի  խորհրդարանները, Շվեյցարիայի Ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։ –0–


 

Loading...
Թեմատիկ նյութեր
Բաժնի այլ նյութեր
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։
19:20
03 Դեկտեմբերի 2017
Կառլես Պույոլ. «Հայերը շատ ուժեղ մարդիկ են՝ ուժեղ բնավորությամբ» (ՎԻԴԵՈ)
Հայտնի ֆուտբոլիստ, «Բարսելոնայի» նախկին պաշտպան Կառլես Պույոլը հյուրընկալվել է «Պրոժեկտորպերիսհիլթոն» ծրագրում:
15:27
03 Դեկտեմբերի 2017
Նախաճաշից հրաժարվելը կարող է հանգեցնել մի շարք հիվանդությունների
Պարզվել է, թե ինչ հետևանքների կարող է հանգեցնել նախաճաշից հրաժարվելը։
20:41
02 Դեկտեմբերի 2017
Մոսկվացի տատիկը 5 մլն ռուբլով անմահության բուժահեղուկ է գնել
Մոսկվայում 72-ամյա թոշակառու կինը խարդախների զոհ է դարձել:
19:27
02 Դեկտեմբերի 2017
Օծանելիքի բույրի տևողությունը երկար պահելու պարզ հնարք
Յուրաքանչյուր կին չի պատկերացնում իրեն առանց սիրելի բույրի, քանի որ օծանելիքի օգտագործումն անբացատրելի հաճույք է պատճառում։
18:07
02 Դեկտեմբերի 2017
Ակնոց կրող մարդկանց ինտելեկտն ավելի բարձր է
Պարզվել , որ ակնոց կրող մարդկանց ինտելեկտն ավելի բարձր է։
16:51
02 Դեկտեմբերի 2017
Դեմքի արդյունավետ դիմակ ձմռանը չքնաղ տեսք ունենալու համար
Ներկայացնում ենք լավագույն միջոցը, որի օգնությամբ դուք ցուրտ ձմռանը կունենաք հարթ, փափուկ և չքնաղ մաշկ։