482.89
-0.16
541.32
+2.38
8.54
+0.08
+20
Եղանակը Երևանում
Հայ
Ոստիկանությունը խոստանում է, որ ուժ չի կիրառի ցուցարարների դեմ
13:20
06 Հուլիսի 2015

ԵՐԵՎԱՆ, 6 հուլիսի. /Նովոստի–Արմենիա/. ՀՀ փոխոստիկանապետ Հունան Պողոսյանը վստահեցրել է ընդդիմադիր պատգամավոր Նիկոլ Փաշինյանին, որ իրավապահ մարմինները ուժ չեն կիրառի ցուցարարների դեմ Բաղրամյան պողոտայում։

«Մենք խնդրում և կոչ ենք անում բոլորին` ազատել պողոտայի երթևեկելի հատվածն ու տեղափոխվել մայթ»,  – ասաց Պողոսյանը։ 

Երևանի փոխոստիկանապետ Վալերի Օսիպյանը կոչ արեց լրագրողներին երթևեկելի հատվածից տեղափոխվել մայթ։

Ավելի վաղ ոստիկաններն ու «Սանիթեք» ընկերության աշխատակիցները բեռնատարների միջոցով հեռացրեցին Բաղրամյան պողոտայում գտնվող աղբամանները, որոնք ծառայում էին որպես բարիկադ։

Երկու ժամ առաջ ոստիկանությունը հայտարարություն էր տարածել, որտեղ կոչ էր արել էլեկտրաէներգիայի թանկացման դեմ բողոքի ակցիայի մասնակիցներին մինչև ժամը 12։30–ը բացել Բաղրամյան պողոտան, հակառակ դեպքում իրավապահ մարկինները հայտարարում են, որ դա կանեն իրենց վերապահված լիազորությունների միջոցով։

Էլեկտրաէներգիայի թանկացման դեմ բողոքի ակցիայի մասնակիցները հունիսի 22–ից փակել են Բաղրամյան պողոտան, որտեղ գտնվում է ՀՀ նախագահի նստավայրը, խորհրդարանի, Սահմանադրական դատարանի և մի շարք դեսպանատների շենքերը։ Որպես բարիկադներ ցուցարարներն օգտագործում են աղբամանները։

«ՀՀ ոստիկանությունը պատրաստվում է այսօր վերականգնել Բաղրամյան պողոտայի շուրջ երկու շաբաթ խաթարված երթևեկությունը, այդ թվում՝ դրան խոչընդոտող առարկաները պողոտայի երթևեկելի հատվածից հեռացնելու միջոցով», – նշվում է հայտարարության մեջ։

Հայտարարության մեջ նաև նշվում է, որ չնայած այն հանգամանքին, որ ՀՀ ոստիկանությունը անօրինական հավաքի կազմակերպիչներին և մասնակիցներին առաջարկել էր ինքնակամ վերացնել Բաղրամյան պողոտայի արգելափակումը, այդ հորդորները վերջին մի քանի օրերի ընթացքում ամբողջությամբ անտեսվել են:

«ՀՀ ոստիկանությունը ևս մեկ և վերջին անգամ, առաջարկում է հավաքի կազմակերպիչներին և մասնակիցներին` այսօր մինչև ժամը 12.30-ը ինքնակամ վերացնել Բաղրամյան պողոտայի արգելափակումը: Հակառակ դեպքում, ժամը 12.30-ից սկսած ՀՀ ոստիկանությունը դա կիրականացնի իրեն վերապահված լիազորությունների գործադրման միջոցով», – նշվում է ոստիկանության հայտարարության մեջ։

Ոստիկանությունից ընդգծեցին, որ նշված գործողությունները նպատակաուղղված չեն լինելու հավաքի դադարեցմանը, եթե այն շարունակվելու է Բաղրամյան պողոտայի ոչ երթևեկելի հատվածում և չի խոչընդոտելու դրա բնականոն ընթացքին:

Շաբաթ օրը ակցիայի համակարգող խմբի ներկայացուցիչ Դավիթ Սանասարյանը հայտարարել էր, որ եթե իշխանությունները չկատարեն իրենց պահանջները մինչև երկուշաբթի ժամը 21։00–ն, ապա նրանք կսկսեն «Քայլ առաջ» նոր ակցիան։ Սանասարյանը, մասնավորապես, սպառնացել է, որ ցուցարարներն  ամեն օր մեկ քայլ առաջ կտանեն որպես բարիկադ ծառայող աղբամանները:

Հունիսի կեսին Հայաստանի հանրային ծառայությունները կարգավորող հանձնաժողովը որոշում ընդունեց 16 տոկոսով բարձրացնել էլեկտրաէներգիայի սակագինը, ընդ որում «Հայաստանի էլեկտրական ցանցեր» ընկերությունն իր հայտում մտադիր էր սակագինը բարձրացնել 40,8 տոկոսով։ Այս ամենը հանգեցրեց բողոքի ակցիայի, որը սկսվեց Երևանում հունիսի 19–ին և հունիսի 22–ին վերածվեց քայլերթի դեպի նախագահի նստավայր` Մարշալ Բաղրամյան պողոտա։

Հունիսի 23–ի գիշերը ոստիկանները հատուկ տեխնիկայի կիրառմամբ ցրեցին ցուցարարներին։ Ոստիկանական բաժանմունքներ տեղափոխվեց գրեթե 240 մարդ, այդ թվում` լրագրողներ։ 25 մարդ դիմեց բուժօգնության։

Օրերս հայկական իշխանություններն առաջարկեցին իրականացնել «Հայաստանի էլեկտրական ցանցեր» ընկերության աուդիտ, իսկ այդ ժամանակահատվածում իշխանությունները կսուբսիդավորեն բարձրացված սակագները։ –0–

Loading...
Թեմատիկ նյութեր
Բաժնի այլ նյութեր
10:23
23 Մայիսի 2017
Հզոր պայթյուն Մանչեսթերում. 19 մարդ զոհվել է
Մեծ Բրիտանիայի մեծ մարզադաշտում պայթյուն է որոտացել:
11:22
22 Մայիսի 2017
Անձրևները չեն զիջում դիրքերը Հայաստանում
Անձրևն ու ամպրոպը չեն զիջում դիրքերը Հայաստանում։
10:26
22 Մայիսի 2017
Արմեն Մուրադյանը վիրահատվել է
ՀՀ առողջապահության նախկին նախարար Արմեն Մուրադյանը վիրահատվել է։
19:36
21 Մայիսի 2017
Ճարպն այրող վեց մթերք
Թեթև ուտեստները կօգնեն ոչ միայն ազատվել քաղցի զգացումից, այլև վերահսկել սեփական քաշը։
18:25
21 Մայիսի 2017
Լուրերի հաղորդավարուհին շոկի մեջ է ընկել ստուդիայում հայտնված շան պատճառով (ՏԵՍԱՆՅՈՒԹ)
«Мир 24» հեռուստաալիքի լուրերի հաղորդավարուհին վախեցել է սև շան պատճառով, որը ուղիղ եթերի ընթացքում հայտնվել է սեղանի տակից:  
17:13
21 Մայիսի 2017
Մոռացեք հիվանդությունների մասին. երեխայի իմունիտետն ամրապնդելու 5 պարզ կանոն
Ներկայացնում ենք 5 պարզ կանոն, որոնք կօգնեն ամրապնդել երեխայի իմունիտետն և մոռանալ հիվանդությունների մասին։
13:07
21 Մայիսի 2017
«Լուռ մարդասպաններ». 6 հիվանդություններ, որոնք ընթանում են առանց ախտանիշերի
Գոյություն ունեն հիվանդություններ, որոնց ընթանում են գրեթե առանց ախտանիշերի, և մի գեղեցիկ օր բացահայտում են իրենց:
10:30
21 Մայիսի 2017
Հայաստանին հզոր ցիկլոն է մոտենում. մի շարք մարզերում սպասվում են ինտենսիվ տեղումներ
Հայաստանի տարածքը գտնվելու է հզոր ցիկլոնի ազդեցության գոտում։
20:22
19 Մայիսի 2017
Սուրենյան. Երևանը հրաշքով փրկվեց պտտահողմից (ԼՈՒՍԱՆԿԱՐ)
Երևանն այսօր հրաշքով փրկվեց եղանակային աղետից։
18:55
19 Մայիսի 2017
Հրապարակվել է տեսանյութ, որն ապացուցում է Էրդողանի ներգրավվածությունը ԱՄՆ–ում խաղաղ ցուցարարների ծեծին
Տեսագրությունն անուղղակիորեն մատնանշում է Թուրքիայի նախագահ Ռեջեփ Թայիփ Էրդողանի ներգրավվածությունը Վաշինգտոնում հայ, քուրդ և եզդի խաղաղ ցուցարարների դաժան ծեծին:
15:47
19 Մայիսի 2017
Փորձագետ. հայկական սփյուռքը պետք է դաժան արձագանքի Վաշինգտոնում Էրդողանի կողմանիցների կողմից ցուցարարների ծեծին
ԱՄՆ-ի հայկական համայնքը պետք է ամենադաժան կերպով արձագանքի Ռեջեփ Էրդողանի կողմնակիցների կողմից Վաշինգտոնում հայ, քուրդ, եզդի խաղաղ ցուցարարների ծեծին:
12:09
18 Մայիսի 2017
Երևանում երկու նոր արագաչափ կգործարկվի
Երևանում կգործարկվի երկու նոր արագաչափ։