480.39
+0.17
536.6
+0.48
8.07
+0.03
+20
Եղանակը Երևանում
Հայ
Արտասահմանյան ԶԼՄ–ները չեն արտացոլում Հայաստանի իրադարձությունների իրական պատկերը. փորձագետ
18:35
24 Հունիսի 2015

ԵՐԵՎԱՆ, 24 հունիսի. /Նովոստի–Արմենիա/. Հայաստանի իրավիճակի վերաբերյալ արտասահմանյան ԶԼՄ–ների տեղեկատվությունները ոչ միշտ են արտացոլում իրադարձությունների իրական պատկերը, չորեքշաբթի լրագրողներին ասել է տեղեկատվական անվտանգության փորձագետ Սամվել Մարտիրոսյանը։

«Ո՛չ թալանին» քաղաքացիական շարժման ներկայացուցիչները հունիսի 19-ից Ազատության հրապարակում եռօրյա նստացույց էին անցկացնում։ Երկուշաբթի երեկոյան նրանք շարժվել էին դեպի ՀՀ նախագահի նստավայր, սակայն ոստիկանները կանգնեցրել էին նրանց Մարշալ Բաղրամյանի պողոտայի սկզբում` չթողնելով առաջ շարժվել։ Երեքշաբթի վաղ առավոտյան ոստիկանները ջրցան մեքենաների միջոցով ցրել են էլեկտրաէներգիայի թանկացման դեմ պայքարող և Մարշալ Բաղրամյան պողոտան փակած ցուցարարներին։ Շուրջ 240 մարդ բերման է ենթարկվել ոստիկանական բաժիններ, 25 մարդ դիմել է բժշկական օգնության։

«Այս տեղեկատվական խաղին մասնակցում է, ամենաքիչը, երկու կողմ։ Ադրբեջանն ակտիվորեն փորձում է օգտվել ստեղծված իրավիճակից։ Հայ ոստիկանների գործողություններից հետո ադրբեջանցիները փորձեցին համացանց լցնել առավելագույն քանակությամբ կեղծ տեղեկատվություն», – ասել է նա։

Մարտիրոսյանի խոսքերով` ադրբեջանական քարոզչամեքենան սկսել է օգտագործել այդ մեխանիզմները դեռևս 2013 թվականից։ «Մեծ քանակությամբ իշխանամետ երիտասարդական կազմակերպություններ նստած են Twitter սոցցանցում և գեներացնում են այս ողջ տեղեկատվական աղբը», – ավելացրել է նա։

Ըստ նրա` նմանատիպ գործողությունները վերջին երկու տարվա ընթացքում  պարբերական բնույթ են կրում, և հենց որ Հայաստանը հայտնվում է միջազգային հանրության ուշադրության կենտրոնում, Ադրբեջանի «կլոնների բանակը» միանգամից գործի է անցնում։

«Ուկրաինայից և Ռուսաստանից տեղեկատվական հոսքը նույնպես շատ հակասական է։ Ուկրաինական ԶԼՄ–ները շատ ոգևորված են Հայաստանում տեղի ունեցածով։ Նրանց խոսքերով` Հայաստանում հեղափոխություն է հասունանում, ևս մեկ մայդան է ծնվում, և երկրում ամեն ինչ ընթանում է ուկրաինական սցենարով։ Եվ եթե հիմնվենք միայն ուկրաինական ԶԼՄ–ների վրա, տպավորություն կստեղծվի, որ Հայաստանում իրավիճակը հսկողությունից դուրս է եկել և երկիրը փլուզման եզրին  է», – ասել է Մարտիրոսյանը։

Միանգամայն այլ իմաստ են, նրա խոսքերով, դնում այս իրադարձությունների մեջ ռուսական ԶԼՄ–ները։ Նրանց տեղեկատվությամբ` Հայաստանում իրականացվում է «գունավոր» հեղափոխություն, որը ֆինանսավորվում է ԱՄՆ–ի կողմից, երկրում ձևավորվում է հերթական մայդանը, և մտավախություններ են հնչում, որ Ադրբեջանը կարող է օգտվել իրավիճակից և ռազմական գործողություններ սկսել Հայաստանի դեմ։

Նա ավելացրել է, որ սխալ տեղեկատվության տարածման պատճառը թաքնված է նաև նրանում, որ հայկական ԶԼՄ–ներից շատերը չեն ապահովում տեղեկատվական հոսքի անհրաժեշտ մակարդակ ռուսերեն և անգլերեն լեզուներով` աշխատելով հիմնականում ներքին ընթերցողի համար։

«2005-2007 թվականներին մեր առցանց լրատվությունն աշխատում էր արտաքին ընթերցողի համար, իսկ հիմա` մեծամասամբ ներքին լսարանի», – ասել է նա։

Փորձագետի խոսքերով` կա ևս մեկ կարևոր փաստ, որի շնորհիվ հայկական տեղեկատվական հոսքը «կորչում է» ինտերնետի տիրույթում և դուրս չի բերվում որոնողական միջոցների միջոցով. հայկական ԶԼՄ–ները, ի տարբերություն ադրբեջանականների, սկզբունքորեն հղումներ չեն անում միմյանց, արդյունքում ավտոմատացված համակարգն ընտրում է այն նյութերը, որտեղ ավելի շատ հղումներ կան` համարելով դրանք ավելի հավաստի։

Այդ համատեքստում, նրա խոսքերով, ադրբեջանական աղբյուրներն անհամեմատ ավելի առաջ են անցնում հայկականներից։ -0-

Loading...
Թեմատիկ նյութեր
Բաժնի այլ նյութեր
16:37
25 Հունիսի 2017
ՌԴ-ում հոգեբանությունը կարող է ընդգրկվել դպրոցական ծրագրում
Դպրոցական ծրագրում Ռուսաստանում մինչև 2020 թվականը կարող է հոգեբանություն ընդգրկվել: 
15:08
25 Հունիսի 2017
iOS–ում նոր էմոտիկոններ կհայտնվեն
Նոր էմոտիկոնները կարող են հայտնվել iOS–ի թարմացումներից մեկում։
12:45
25 Հունիսի 2017
«Ժպտա, որ հաղթես». հայ աստղերը` քաղցկեղով հիվանդ երեխաներին նվիրված նոր տեսահոլովակում (ՎԻԴԵՈ)
Հայկական շոու–բիզնեսի աստղերը նոր տեսահոլովակ են նվիրել քաղցկեղով հիվանդ հայ երեխաներին։
20:35
24 Հունիսի 2017
Հայտնի է հոգնածությունից ազատվելու ամենաարդյունավետ միջոցը
Լոնդոնի Մարիա  թագուհու համալսարանի գիտնականները գտել են քրոնիկ հոգնածությունից ազատվելու  ամենաարդյունավետ միջոցը:  
19:45
24 Հունիսի 2017
Ինչպե՞ս ճիշտ կազմակերպել հանգիստը. խորհուրդ է տալիս հոգեբանը
Լավագույն հանգիստը գործունեության փոփոխությունն է:
18:30
24 Հունիսի 2017
Ուզու՞մ եք 5 օրում ազատվել ավելորդ 10 կգ-ից` գինի խմեք
Պարզվում է, որ գինին ոչ միայն համեղ ալկոհոլային ըմպելիք է, այլև կազմվածքը կարգի բերելու հիանալի միջոց:
15:58
24 Հունիսի 2017
Կոստա Ռիկայի նախագահը պատահաբար իշամեղու է կուլ տվել հարցազրույցի ժամանակ (ՎԻԴԵՈ)
Կոստա Ռիկայի նախագահ Լուիս Գիլյերմո Սոլիս Ռիվերան պատահաբար իշամեղու է կուլ տվել հարցազրույցի ժամանակ։
14:35
24 Հունիսի 2017
Ընտանեկան հայհոյանքն օրենքով կպատժվի Ռուսաստանում
Պետդումայի օրենսդրության կոմիտեն հավանություն է տվել ընտանեկան հայհոյությունների համար պատասխանատվությունը խստացնող օրինագծին:
13:10
24 Հունիսի 2017
Սուրենյանը պատմել է բնության «վախենալու գեղեցկության մասին» (ՖՈՏՈ)
Գագիկ Սուրենյանը հրապարակել է եղանակային բացառիկ երևույթի հետաքրքիր լուսանկար։
11:17
24 Հունիսի 2017
Սուրենյան. այսօրվանից անցնում ենք բուն ամառային ռեժիմի
Ամառը կրկին վերադառնում է։
16:19
23 Հունիսի 2017
Քանյե Ուեսթը նշել է, թե քանի երեխա է ուզում ունենալ Քիմ Քարդաշյանից
Հայտնի ռեփեր Քանյե Ուեսթը խոստովանել է, թե քանի երեխա է ուզում ունենալ իր կնոջից` ամերիկահայ հեռուստաաստղ Քիմ Քարդաշյանից:  
14:51
23 Հունիսի 2017
ՀՀ ԿԳՆ–ն պարզում է իսրայելցի շրջանավարտներին հայկական կեղծ դիպլոմներ տալու սկանդալի մանրամասները
Հայաստանի կրթության և գիտության նախարարությունը դիմել է երկրի արտգործնախարարությանը: