486.21
-0.98
517.62
-1.72
8.15
+0.04
-7
Եղանակը Երևանում
Հայ
Տարբեր երկրների հայտնի գործիչները պատասխանում են Պոզների` Աստծուն վերաբերող հարցին
19:48
05 Հունիսի 2015

ԵՐԵՎԱՆ, 5 հունիսի. /Նովոստի–Արմենիա/. Ողջ աշխարհում հայտնի շուրջ 180  արվեստագետներ, շոու բիզնեսի ներկայացուցիչներ, քաղաքագետներ և լրագրողներ պատասխանել են հայտնի ռուս հեռուստալրագրող Վլադիմիր Պոզների գլխավոր հարցին` «եթե հանդիպեք Աստծուն, ի՞նչ կասեք նրան»։ «Նովոստի Արմենիա» գործակալությունը ներկայացնում է ամենահետաքրքիր պատասխանները։

Ռուս և խորհրդային էստրադայի արտիստ, թատրոնի և կինոյի դերասան Գենադի Խազանովը կասեր Աստծուն. «Միշտ չէ, որ իմ ասածները ճիշտ են մեկնաբանել, այդ պատճառով կցանկանայի ինքս պարզաբանումներ ներկայացնել»։

Ռեժիսոր, սցենարիստ և հասարակական գործիչ Անդրեյ Կոնչալովսկին կխոստովաներ Աստծուն, որ չգիտեր Նրա գոյության մասին։

Գրող–երգիծաբան, փիլիսոփա Միխայիլ Ժվանեցկին պատասխանել է այսպես. «Ես` որպես ինտելիգենտ մարդ, կսպասեի, թե ինչ կհարցնի նա»։

Դերասան, հեռուստահաղորդավար, երաժիշտ, շոումեն Իվան Ուրգանտը կհարցներ. «Իսկ հե՞տո ինչ կլինի»։

Ամերիկացի քաղաքագետ Հիլարի Քլինթոնը ուրախությամբ կասեր, որ շատ խնդիրներ է կարողացել հաղթահարել։

Ռուս երաժիշտ–վիրտուոզ և հասարակական գործիչ Դենիս Մացուևը պատրաստվում է հարցնել Աստծուն. «Աստված իմ, արդյո՞ք ես լուրջ սխալներ եմ գործել»։

Ռուս և խորհրդային քաղաքական գործիչ Վլադիմիր Ժիրինովսկին պատրաստվում է ասել, որ իր կարողությունների սահմանում ամեն բան արել է, և կխնդրեր իրեն հետ ուղարկել։ «Ես կշարունակեմ պայքարը, օգնել աղքատներին, բոլոր տանջվողներին, պայքարել այն ամենի դեմ, ինչը մեզ խանգարում է ապրել։ Հե՛տ ուղարկեք ինձ։ Ինձ հետդարձի տոմս է հարկավոր։ Ես չեմ ուզում պառկել այստեղ` դրախտային այգում։ Ավելի լավ է` ես տայգայում քաղցած ապրեմ, բայց օգնեմ մարդկանց»։

Թատրոնի և կինոյի դերասան Վլադիմիր Մաշկովին մտահոգում է այն հանգամանքը, որ կարող է իրեն միանգամից չթողնեն Աստծու մոտ։ Հրեշտակներին ողջունելուց հետո նա կփորձի տեղում կողմնորոշվել` ելնելով հանգամանքներից։

Ռուս լրագրող Ալեքսեյ Վենեդիկտովը, հավատարիմ մնալով իր մասնագիտությանը, կասեր. «Ի սկզբանե Բանն էր։ Տվեք հարցազրույց «Էխո Մոսկվա»–ին»։

Ռուս և խորհրդային պոետ և երաժիշտ Բորիս Գրեբենշիկովը կարծում է, որ «մենք անընդհատ Աստծու առջև ենք կանգնած, ամեն վայրկյան, այդ պատճառով ոչինչ չկա ասելու»։

Ռուս և խորհրդային թատրոնի և կինոյի դերասան, թատրոնի ռեժիսոր Օլեգ Տաբակովը կարծում է, որ ինքը գիտի, թե ինչպես կարդարանա Աստծու առաջ։

Թատրոնի և կինոյի դերասան Կոնստանտին Ռայկինը կցանկանար ասել. «Աստված իմ, ինչ ուրախ եմ, որ Դու կաս։ Ինչ երջանկություն է, որ Դու կաս։ Ես այնպես էի վախենում Քո չլինելուց։ Խնդրում եմ, ների՛ր ինձ դրա համար»։

Ռուս և խորհրդային թատրոնի և կինոյի դերասան Սերգեյ Մակովեցկին պատրաստվում է ասել. «Բարեգութ Աստված, ների՛ր մեզ` մեղսավորներիս, քանի որ չենք գիտակցում` ինչ ենք անում»։

Ուկրաինացի քաղաքագետ Վիտալի Կլիչկոն պատրաստվում է միայն մեկ հարց ուղղել Տիրոջը. «Ինչու՞»։

Խորհրդային և ռուսական էստրադային երգչուհի, կոմպոզիտոր–երգահան Ալլա Պուգաչովան շատ ասելիք ու խնդրանք ունի։ Նա պատրաստվում է շնորհակալություն հայտնել հետաքրքիր կյանքի համար, ինչպես նաև խնդրել, որ Տերը նրան մտերիմների և երկրի պահապան հրեշտակ դարձնի։

Ռուս և խորհրդային կինոյի ռեժիսոր, սցենարիստ, պրոդյուսեր Կարեն Շահնազարովը պատրաստվում է լռել. «Այդպիսի հանդիպումների ժամանակ գերադասելի է լռելը»։

Ռուսաստանի վարչապետ Դմիտրի Մեդվեդևը խոստովանել է, որ հավատացյալ մարդ է և պատրաստվում է Աստծուց ներողություն խնդրել այն ամենի համար, ինչ արել է։

Ռուս գրող, սցենարիստ Լյուդմիլա Ուլիցկայան կցանկանար Աստծուն անեկդոտ պատմել Էյնշտեյնի մասին։

Խորհրդային և ռուս դիրիժոր Վալերի Գերգիևը պատրաստվում է խնդրել Տիրոջը, որ նա երաժշտությունը դպրոց վերադարձնի։

Խորհրդային և ռուս թատերական ռեժիսոր Յուրի Լյուբիմովը Աստծուն միայն մի բան կասեր. «Ես ջանացել եմ»։

Ֆրանսիական շանսոնյե, կոմպոզիտոր, պոետ, դերասան Շառլ Ազնավուրը պատրաստվում է ասել Աստծուն. «Բարև՛։ Էլ ի՞նչ կարող եմ ասել նրան։ Բացի այդ, նա պետք է խոսի, քանի որ ես գուցե սխալներ եմ գործել, սակայն ինքն էլ է շատ սխալներ թույլ տվել։ Թող նա ինձ բացատրի, թե ինչու»։

Իսկ Հայաստանի նախագահ Սերժ Սարգսյանը պատրաստվում է լուռ խոնարհվել Աստծու առաջ։ -0-

Loading...
Թեմատիկ նյութեր
Բաժնի այլ նյութեր
19:25
21 Հունվարի 2017
ԱՄՆ-ում շունը փրկել է տիրոջը ցրտահարությունից` շուրջ 20 ժամ նրա վրա պառկելով (ԼՈՒՍԱՆԿԱՐՆԵՐ)
ԱՄՆ-ում ոսկեգույն ռետրիվեր ցեղատեսակի շունը կարողացել է փրկել իր տիրոջ կյանքը` շուրջ 24 ժամ նրա վրա պառկելով։
18:10
21 Հունվարի 2017
Իտալիայում կարապների պատկերով «կենդանի» որմնանկար է ստեղծվել (ՏԵՍԱՆՅՈՒԹ)
Էրոն մականվամբ իտալացի գրաֆիտի նկարիչը Իտալիայի Սան Կլեմենտե քաղաքում ստեղծել է «կենդանի» որմնանկար, որտեղ պատկերել է կարապների երամ:
17:03
21 Հունվարի 2017
Մեծ Բրիտանիայում բորտուղեկցորդուհուն հեռացրել են աշխատանքից բուտերբրոդ ուտելու համար
EasyJet ընկերության բորտուղեկցորդուհին հեռացվել է աշխատանքից բեկոնով բուտերբրոդ գողանալու մասին ծառայողական քննության ավարտից հետո։
16:35
21 Հունվարի 2017
Սախալինում կինը գտել է կես մլն եվրո և ողջ գումարը վերադարձրել տիրոջը
Սախալինում կինը գտել է կես մլն եվրո, 15 հազար դոլար և 1,5 մլն ռուբլի ու ողջ գումարը վերադարձրել է տիրոջը։
14:56
19 Հունվարի 2017
Զգուշացում. այս օրերին հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն
Տեղեկատվության անվտանգության փորձագետ Սամվել Մարտիրոսյանը զգուշացնում է, որ այսօր և վաղը հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն:
11:23
19 Հունվարի 2017
Մոսկվայաբնակ հայ գործարարի առևանգված դստերը գտել են Հայաստանում
Իրավապահները պարզել են Մոսկվայաբնակ հայ գործարարի 16–ամյա դստեր գտնվելու վայրը։
20:11
18 Հունվարի 2017
Երևանում նախօրեին եռյակ է ծնվել
Նախօրեին` հունվարի 17-ին, Երևանում եռյակ է ծնվել։
14:34
18 Հունվարի 2017
ՌԴ Կենտրոնական բանկը հայկական թեմայով հուշադրամներ կթողարկի
Ռուսաստանի Կենտրոնական բանկը 2017 թվականին հայկական թեմայով հուշադրամներ կթողարկի։
14:24
18 Հունվարի 2017
Մառա Բաղդասարյանն արժանի է բանտի. Ժիրինովսկի
ՌԱԴԿ առաջնորդ Վլադիմիր Ժիրինովսկին լրագրողների հետ զրույցում ասել է, որ ավտոմրցավազորդ Մառա Բաղդասարյանն արժանի է պատժի:
13:50
18 Հունվարի 2017
Մերձմոսկվայի հայ գործարարի դստերը կարող էին առևանգել կոլեկտորները կամ նախկին գործընկերը
Մերձմոսկովյան Սոլնեչնոգորսկի շրջանի հայ գործարարի տասնվեցամյա դստերը կարող էին առևանգել կոլեկտորները կամ հոր նախկին գործընկերը:
21:16
17 Հունվարի 2017
Գիտնականներ. հայհոյախոսությունը կապված է ազնվության հետ
Հոգեբանների միջազգային խումբը պարզել է, որ հաճախ հայհոյող մարդիկ ավելի ազնիվ են։
18:04
17 Հունվարի 2017
Մառա Բաղդասարյանի հայրը նախատել է դստերը դատարանում
Սավյոլովի դատարանի նիստի ժամանակ Մառա Բաղդասարյանի հայրը նախատել է աղջկան: