485.16
+0.79
562.93
-1.22
8.23
-0.05
+8
Եղանակը Երևանում
Հայ
Հայաստանի արդարադատության նախարարության պատվիրակությունը մասնակցում է Պետերբուրգի միջազգային իրավաբանական համաժողովին
21:22
27 Մայիսի 2015

ԵՐԵՎԱՆ, 27 մայիսի. /Նովոստի–Արմենիա/. Հայաստանի Հանրապետության արդարադատության նախարար Հովհաննես Մանուկյանի գլխավորած պատվիրակությունը մայիսի 27-30–ը մասնակցում է Պետերբուրգի միջազգային իրավաբանական ֆորումին, հայտնում է գերատեսչության մամուլի ծառայությունը։

«Եվրասիական ինտեգրացիա. Եվրասիական տնտեսական միության պայմանագրի ստորագրումից մեկ տարի անց» թեմայով համաժողովի շրջանակում ելույթ ունեցավ Հայաստանի արդարադատության փոխնախարար Վիգեն Քոչարյանը։

«Այս օրերին լրանում է մեկ տարի Եվրասիական տնտեսական միության պայմանագրի ստորագրման պահից, որը նշանավորել է եվրասիական ինտեգրման նոր, ավելի խորը մակարդակի գործնական անցում։ Ինչպես հայտնի է, այս պահից ինտեգրացիոն գործընթացը սկսել է ընդլայնվել` այս տարվա հունվարի 2–ից Հայաստանը Ռուսաստանի Դաշնությանը, Ղազախստանին և Բելառուսին զուգընթաց, դարձավ Եվրասիական տնտեսական միության լիիրավ անդամ»,– ասաց Քոչարյանը։

Նա հիշեցրեց նաև, որ ընթացքի մեջ է Ղրղըզստանի միացումը միությանը, իսկ մոտ ապագայում ակնկալվում է Վիետնամի հետ ազատ առևտրի գոտու մասին համաձայնագրի ստորագրում։

«Մենք բոլորս շատ դինամիկ ինտեգրացիոն գործընթացի վկաներ և մասնակիցներ ենք, որն ունի երկու չափում` տնտեսական ինտեգրման ֆիզիկական սահմաններն ընդլայնող աշխարհագրական, և բովանդակային, որի ընթացքում համատեղ կեցության իրավական և միասնական ապրանքներով, ծառայություններով, կապիտալով և աշխատուժով ընդհանուր տնտեսական տարածքի շրջանակում գործակցության հիմք է դրվում»,– ասաց Քոչարյանը։

Փոխնախարարը նշեց, որ համաձայն է այն պնդման հետ, որ կատարած և շարունակվող համապատասխան աշխատանքի տեմպը շատ բարձր է։ Նա ընդգծեց, որ պետք է անել ամեն ինչ, որպեսզի նոր մեխանիզմներն ու ինստիտուտները հնարավորինս արագ աշխատեն ամբողջ հզորությամբ, որ միության անդամ ժողովուրդները հնարավորինս արագ և ավելի առարկայական զգան համատեղ կյանքի դրական արդյունքներն ինտեգրացիոն նոր միավորման շրջանակում։

Քոչարյանը ներկայացրեց նաև իր որոշ դատողությունները, որոնք, ըստ նրա, կարող են օգտակար լինել համատեղ իրավաստեղծ և իրավակիրառական աշխատանքում Եվրասիական միության շրջանակում։

«Կարծում եմ, որ ինտեգրացիոն նորմաստեղծման, ԵՏՄ–ի նորմատիվ ակտերի նախաձեռնման և մշակման ընթացքում հարկ է հիմք ընդունել անհրաժեշտ բավարարության սկզբունքը և յուրաքանչյուր առանձին դեպքում ձգտել համամասնական հավասարակշռության պահպանման լուծումների ընդունման ազգային, միջկառավարական և անդրազգային մակարդակների միջև։ «Հետադարձ կապի» մեխանիզմների ճկունությունը, համամսնությունը և զգայունությունը պետք է էապես բարձրացնի եվրասիական իրավական կարգավորման արդյունավետությունն ու «օգտակար գործողության գործակիցը»»,– ավելացրեց նա։

Ըստ նրա` Եվրասիական միությունը, լինելով տնտեսական միավորում, իր գործունեությունում առաջնորդվում է անդամ պետությունների տնտեսությունների շահերով և այդ պատճառով արդար կարելի է համարել «ինչ լավ է բիզնեսի համար, այն էլ լավ է Եվրասիական միության համար» սկզբունքով։ Այսպիսով, թափանցիկության և կանխատեսելիության ապահովումը ԵՏՄ շրջանակում նորմատիվ կարգավորման հարցում թերևս մեր աշխատանքի հրամայականներից է։

Նա ավելացրեց նաև, որ Հայաստանը, լինելով Եվրասիական միության անդամ,  չունի ընդհանուր սահմաններ ԵՏՄ-ի հետ: «Որքանով ինձ հայտնի է` այսպիսի իրավիճակը բացառիկ է համաշխարհային տնտեսական միությունների փորձում, ինչն իրենով աշխարհաքաղաքական իրականության կողմից նետված օբյեկտիվ մարտահրավեր է»,– նշեց Քոչարյանը։

Նա ավելացրեց, որ այսպիսի իրավիճակը ստեղծում է որոշակի բարդություններ և խնդիրներ, սակայն Հայաստանը տրամադրված է հաղթահարելու դրանք բոլոր գերատեսչությունների հետևողական աշխատանքի, ինչպես նաև՝ բոլոր գործընկերների կողմից այդ իրականությունը հասկանալու և հաշվի առնելու շնորհիվ»։

Նա վստահություն է հայտնել, որ համատեղ աշխատանքն ու համակարգված ջանքերը կապահովեն ցանկալի արդյունք՝ արդյունավետ իրավական ինտեգրացիա և մեր երկրների բարօրության համար աշխատող իրավական համակարգ: -0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։