478.73
-0.03
561.07
+4.18
8.06
+0.07
+24
Եղանակը Երևանում
Հայ
Հայ վետերանները կմասնակցեն է «Պատերազմի վետերանների ընկերության գնացք՝ ընդդեմ նացիզմի» սոցիալական ակցիային
17:04
15 Մայիսի 2015

ԵՐԵՎԱՆ, 15 մայիսի. /Նովոստի–Արմենիա/. «Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը մայիսի 15-ին հանդիպել է Հայրենական Մեծ պատերազմի վետերանների հետ, ովքեր կմասնակցեն «Ռուսական երկաթուղիներ» ԲԲԸ-ի կողմից կազմակերպված «Պատերազմի վետերանների ընկերության գնացք՝ ընդդեմ նացիզմի» սոցիալական ակցիային, հաղորդում է ՀԿԵ մամուլի ծառայությունը։

Վետերան-երկաթուղայիններ Վարդգես Ստեփանյանը և Արտուշ Մկրտչյանը, Պատերազմի և ՀՀ ԶՈՒ վետերանների կոմիտեի նախագահ, հասարակական գործիչ, փոխգնդապետ Պետրոս Պետրոսյանը մեկնում են Մոսկվա, որտեղից մայիսի 20 – 23-ին գնացքով կուղևորվեն Մոսկվա-Մինսկ-Բրեստ-Մոսկվա երթուղով:

«ՀԿԵ» ՓԲԸ–ն կազմակերպել է վետերանների և իրենց ուղեկցող անձանց մասնակցությունը՝ իր վրա վերցնելով բոլոր ծախսերը:

Ռեբեցը նշել է, որ ընկերությունը սկսել է պատրաստվել Հաղթանակի տոնին նախօրոք՝ կազմակերպելով մի շարք միջոցառումներ: Մայիսի 7-ին Կոտայքի մարզի Սոլակ գյուղում վերանորոգումից հետո բացվել էր վետերան-երկաթուղային Գերասիմ Մարգարյանի տունը, որը վերակառուցվեց երկաթուղու միջոցներով։ Մայիսի 8-ին Գյումրիի լոկոմոտիվային դեպոյի տարածքում բացվել էր Հիշատակի և պատվի ծառուղին, որտեղ տեղադրված են Հայրենական Մեծ պատերազմի մասնակից և Սոցիալիստական Աշխատանքի հերոսի կոչմանն արժանացած հայ երկաթուղայինների անուններով վահանակներ: Մայիսի 9-ին վետերանները և ՀԿԵ աշխատակիցները հարգեցին զոհվածների հիշատակը՝ այցելելով զոհված երկաթուղայինների հուշարձանը և Անհայտ զինվորի գերեզմանը Հաղթանակի զբոսայգում: Իսկ Հաղթանակի օրվա նախօրեին ՀԿԵ–ի աջակցությամբ բացվել է «Միասնությամբ ձեռք բերված Մեծ հաղթանակ» թանգարանային ցուցադրությունը։

Վետերանների հետ հանդիպման ժամանակ ՀԿԵ ղեկավարը ներկայացրել է սոցիալական ակցիայի ծրագիրը` նշելով, որ Ընկերության գնացքը կմեկնի մայիսի 20-ին Մոսկվայի Բելառուսյան կայարանից, որտեղից Հայրենական Մեծ պատերազմի տարիներին ռազմաճակատ էին մեկնում ռազմական էշելոնները և որտեղ 1945 թվականի մայիսի 9-ից հետո վերադառնում էին հաղթանակած զինվորները։ Ինչպես տեղեկացրել է Վիկտոր Ռեբեցը, վետերանները կայցելեն Մինսկում գտնվող Հաղթանակի հուշահամալիրը և թանգարանը, «Բրեստի հերոսական բերդ» հուշահամալիրը։ Ռեբեցն ավելացրել է, որ Մինսկում վետերաններին կդիմավորեն ԱՊՀ և Բալթյան երկրների երկաթուղիների ղեկավարները, ովքեր այդ օրերին գտնվելու են Բելառուսի մայրաքաղաքում՝ Երկաթուղային տրանսպորտի հարցերով Համագործակից երկրների խորհրդի նիստին:

90-ամյա Վարդգես Ստեփանյանը 1941 թվականին թողնելով դպրոցը՝ աշխատանքի էր անցել Գյումրիի շոգեքարշերի դեպո և փոխարինել ռազմաճակատ մեկնած բանվորներին: 1943 թվականի սեպտեմբերին նա զորակոչվեց բանակ և մասնակցել էր Վելիկիե Լուկի քաղաքի և Բելառուսի ազատագրմանը։

Մի քանի անգամ վիրավորվել էր, սակայն բուժումն ավարտելուց հետո վերադարձել բանակ:

Հաղթանակից հետո Վարդգես Ստեփանյանը տեղափոխվել էր Արևելյան Պրուսիայում գտնվող Գումբինեն քաղաք, որտեղ մարտերը դեռ շարունակվում էին:

Պատերազմից հետո Ստեփանյանը մնացել է ԽՍՀՄ Պաշտպանության նախարարության հատուկ շարքերում և մինչև 1950 թ.–ը ծառայել է որպես հրամանատար 52-րդ հրետանային գնդում։ 1950 թ.–ի մայիսին նա զորացրվել է և վերադարձել հայրենի Լենինական` աշխատանքի անցնելով լոկոմոտիվային դեպոյում, որտեղ աշխատել են նրա հայրն ու երեք եղբայրները։

Այստեղ նա աշխատել էր որպես շոգեքարշի, այնուհետև՝ էլեկտրաքարշի մեքենավարի օգնական, մեքենավար։

Վարդգես Ստեփանյանը պարգևատրվել է Հայրենական պատերազմի շքանշանով, Կարմիր աստղի շքանշանով, Փառքի շքանշաններով, «Հայրենական Մեծ պատերազմում Հաղթանակի 25-ամյակ» և «Հայրենական Մեծ պատերազմում Հաղթանակի 30-ամյակ» մեդալներով։ Պատվավոր երկաթուղային է, Աշխատանքի վետերան:

2005 թ.–ին նա պատիվ է ունեցել մասնակցելու Մոսկվայի Կարմիր հրապարակում կազմակերպված Հաղթանակի շքերթին։

91-ամյա Արտուշ Մկրտչյանը զորակոչվել էր 1942 թվականին, ծառայում էր Ուկրաինական և Բելառուսական ճակատներում: Հաղթանակը գվարդիայի ավագ սերժանտ Մկրտչյանը դիմավորեց Էլբայում։ Պարգևատրվել է Կարմիր աստղի շքանշանով, Կարմիր դրոշի շքանշանով, «Արիության համար» մեդալով, «1941 – 1945 թթ. Հայրենական Մեծ պատերազմում Հաղթանակի համար» մեդալով։ Աշխատանքի վետերան է:

92-ամյա Պետրոս Պետրոսյանը ճակատ մեկնել էր 1942 թվականին, առանձին հակատանկային դիվիզիոնի հրետամարտկոցի հրամանատար էր: Մասնակցել էր Ուկրաինայի, Ռումինիայի, Բուլղարիայի, Հունգարիայի, Չեխոսլովակիայի ազատագրմանը: Երեք անգամ վիրավորվել էր, իսկ մայիսի 9-ը դիմավորել էր Բեռլինում: 1949 թվականին աշխատանքի էր անցել պետական անվտանգության համակարգում: Աշխատել էր Մերձավոր Արևելքում, Եգիպտոսում, Եվրոպայում, Ամերիկայում: Զբաղեցրել էր արտաքին հետախուզության պետի պաշտոնը:

«ՀԿԵ» ՓԲԸ-ն «Ռուսական երկաթուղիներ» ԲԲԸ-ի 100% դուստր ընկերությունն է և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով: --0—

Loading...
Թեմատիկ նյութեր
Բաժնի այլ նյութեր
20:26
27 Հուլիսի 2017
Երևանում կանցկացվի առաջին Food Fest–ը
Food Fest սննդի փառատոնն առաջին անգամ կանցկացվի Երևանում:
17:58
27 Հուլիսի 2017
Ջորջ Քլունիի դեմքն ամենագեղեցիկն է ճանաչվել հայտնի տղամարդկանց շարքում
Ամերիկացի դերասան Ջորջ Քլունիի դեմքը ճանաչվել է աշխարհում ամենագեղեցիկը հայտնի տղամարդկանց շարքում։
12:34
26 Հուլիսի 2017
«Ռուկի վվերխ» խմբի երևանյան համերգը չի կայանա
«Ռուկի վվերխ» ռուսական խմբի երևանյան համերգը չեղարկվել է։
10:25
26 Հուլիսի 2017
Հայկական ազգային խոհանոցը կներկայացվի միջազգային մրցույթի շրջանակում
Ռուս զինվորական խոհարարները կպատրաստեն հայկական, եգիպտական, հնդկական, ղազախական, տաջիկական և ուզբեկական ազգային կերակրատեսակներ։
21:05
25 Հուլիսի 2017
Դաշնային խորհրդի խոսնակը հիմարություն է անվանել ինքնաթիռում հեռախոսի և վերնազգեստի վճարովի տեղափոխումը
Վալենտինա Մատվիենկոն հիմարություն է անվանել ինքնաթիռում հեռախոսի և վերնազգեստի վճարովի տեղափոխումը։
19:37
25 Հուլիսի 2017
ՌԴ–ում կարող է վճարովի դառնալ ինքնաթիռում հեռախոսի և վերնազգեստի տեղափոխումը
Ռուսաստանում բջջային հեռախոսների և վերնազգեստի տեղափոխումը ինքնաթիռով  կարող են վճարովի դառնալ:
18:38
25 Հուլիսի 2017
Ռեժիսոր Արիկ Մանուկյանին սպառնում է տուգանք և ազատազրկում մզկիթ նկարահանելու համար
Ռուսաստանաբնակ  ռեժիսոր Արիկ Մանուկյանին կալանավորել են Աբու Դաբիում շեյխ Զայդայի մզկիթի հարևանությամբ դրոնով նկարահանում կատարելու համար։
17:21
25 Հուլիսի 2017
Արջերը «զբոսնում են» Երևանի Ազատության հրապարակում (ՖՈՏՈ)
Երևանի քաղաքապետարանի նախաձեռնությամբ հերթական անակնկալն է մատուցվել մայրաքաղաքի բնակիչներին և հյուրերին:
14:05
25 Հուլիսի 2017
Հայազգի դիզայները ստեղծել է հավաքածու` ոգեշնչված Փարաջանովի արվեստից (ՖՈՏՈ, ՎԻԴԵՈ)
Ռուսաստանաբնակ հայազգի դիզայներ Վարդուհի Նազարյանը տպավորվել է Երևանի Սերգեյ Փարաւջանովի տուն–թանգարան այցելուցունից։
21:00
24 Հուլիսի 2017
Forbes–ը պատմել է Ջորջիո Արմանիի հայկական արմատների մասին
Forbes Woman նորաձևության հայտնի ամսագիրը պատմել է Ջորջիո Արմանիի հայկական արմատների և հաջողության պատմությունը։
20:07
24 Հուլիսի 2017
Հայերենը հնչել է Օդեսայի առաջին գրական ֆլեշմոբում (ՎԻԴԵՈ)
Հուլիսի կեսերին Օդեսայում անցկացվել է «Օդեսան կարդում է. Օդեսային կարդում են» առաջին գրական ֆլեշմոբը:
16:45
24 Հուլիսի 2017
Թուրքիայում Հայոց Ցեղասպանության մասին եզակի փաստաթուղթ է հրապարակվել (ՖՈՏՈ)
Հրապարակվել է իրաքյան Մոսուլ քաղաքում Հայոց Ցեղասպամության մասին եզակի փաստաթուղթ։