482.13
-0.46
538.83
-4.47
8.55
+0.02
+12
Եղանակը Երևանում
Հայ
Ռադիոն ավելի ինտելեկտուալ ԶԼՄ է, քան հեռուստատեսությունը. փորձագետ
21:33
07 Մայիսի 2015

ԵՐԵՎԱՆ, 7 մայիսի. /Նովոստի–Արմենիա/. Ռադիոն ավելի ինտելեկտուալ ԶԼՄ է, քան հեռուստատեսությունը, «Sputnik-Արմենիա» ռադիոկայանի եթերում ասաց «Տոսպա» ռադիոընկերության տնօրեն Արամ Չախոյանը։

«Ի տարբերություն հեռուստատեսության` այստեղ դու զրկված ես տեսաէֆեկտներից, և հիմնական շեշտադրումը պետք է լինի խոսքի գրագիտության, լավ դրված ձայնի և մտքերի հետաքրքիր կառուցման վրա»,– ասաց Չախոյանը։

Ըստ նրա` այսօր տեղեկատվության տարածման միջոցներն ընդլայնվում են, և թվում է, թե ինտերնետը «խլել է» ռադիոյի և, մասամբ, հեռուստատեսության «հացը», բայց «մեքենայի ղեկին» ռադիոն առաջնահերթ է։

«Իմ կարծիքը սուբյեկտիվ է, բայց ես շարունակում եմ ինձ հետաքրքրող նյութերը ռադիոյից ստանալ։ Ռադիոն ինձ համար ավելի ինտելեկտուալ և հարուստ ԶԼՄ է մնում։ Ռադիոյում և՛ ճաշակը, և՛ պրոֆեսիոնալիզմն ավելի բարձր են, քան հեռուստատեսությունում։ Ինձ համար ռադիոն ավելի հետաքրքիր է»,– ասաց Չախոյանը։

Չախոյանի խոսքով` ռադիոն այսօր ոչ միայն չի կորցնում իր հետաքրքրությունը, այլ նաև կան այդ ոլորտով հետաքրքրվող մարդիկ, պրոֆեսիոնալ լրագրողներ, հաղորդավարներ։

«Այսօր կան ռադիոկայաններ, որոնք գործում են պրոֆեսիոնալ հիմքի վրա։ Կան մարդիկ, ովքեր դրանով ապրում են, ինչպես ես սկսեցի ապրել 1995 թվականից, և այդ սերը մինչ օրս չի մարել։ Ես մենակ չեմ, կան մարդիկ, ովքեր սիրում և ապրում են ռադիոյով, և այդ սերը շարունակական կլինի»,– ընդգծեց Չախոյանը։

Ամեն տարի մայիսի 7–ին Ռուսաստանում նշվում է Ռադիոյի օրը։ Այս տոնի հիմքում ընկած իրադարձությունը կապված է հռչակավոր ռուս ֆիզիկոս և գյուտարար Ալեքսանդր Պոպովի (1859-1905) գործունեության հետ։

1895 թ.–ի մայիսի 7–ին (հին օրացույցով` ապրիլի 25–ին) Ալեքսանդր Պոպովը ներկայացրեց աշխարհում առաջին կայծային անլար ընդունիչ–փոխանցող ռադիոհամակարգը, որը նախատեսված էր տեղեկատվական ազդանշանների հուսալի փոխանակման համար։ Սա ռադիոկապի սկիզբն էր։

Ռուսաստանում առաջին ոչ կանոնավոր ռադիոհեռարձակող հաղորդումներն իրականացվել են 1919թ.–ից, իսկ 1920թ.–ից Մոսկվայում, Կազանում և ուրիշ քաղաքներում սկսեցին գործել փորձնական ռադիոհեռարձակող կայաններ։

Ռադիոն հիմք դրեց նաև նավիգացիոն համակարգերին, բջջային կապին, հեռուստատեսությանը, տվյալների փոխանցման անլար ցանցերին և համացանցին, առանց որոնց անհնար է պատկերացնել ժամանակակից կյանքը։ –0–

Loading...
Թեմատիկ նյութեր
Բաժնի այլ նյութեր
14:06
24 Մայիսի 2017
Քիմ Քարդաշյանի մայրն ու քույրը մրցակցում են Քիմի և Քանյեի երեխայի փոխնակ մայրը դառնալու իրավունքի համար (ԼՈւՍԱՆԿԱՐՆԵՐ)
Քիմը նշել է, որ նա և Քանյեն ցանկանում են երրորդ երեխան ունենալ, սակայն առողջական խնդիրների պատճառով Քիմն ինքը չի կարող կրել փոքրիկին:
11:54
24 Մայիսի 2017
5–ժամյա ջրանջատում է նախատեսված Նոր Նորքում
Վթարային ջրանջատում կիրականացվի Երևանի Նոր Նորք վարչական շրջանում։
10:59
24 Մայիսի 2017
Հայտնի են նոր մանրամասներ ՀՀ–ում վաճառված ադրբեջանական խնձորների իրական ծագման մասին
Ադրբեջանական ծագմամբ խնձորների թեման դեռևս չի փակվել:
19:14
23 Մայիսի 2017
Հայտնի է «Արաբկիր» ԲԿ–ում 2 տարեկան երեխայի մահվան պատճառը
Նախօրեին «Արաբկիր» ԲԿ–ում երկու տարեկան երեխա է մահացել։
17:10
23 Մայիսի 2017
Հայտնաբերվել է Հրազդանում նորածնի դին փողոցում թողած կինը. նա մանրամասներ է ներկայացրել
Հայտնաբերվել է Հրազդանում նորածնի դին փողոցում թողած կինը։
13:56
23 Մայիսի 2017
Հայաստանի գյուղերից մեկի բնակիչները փակել են գյուղի ճանապարհը
Երեքշաբթի Արարատի մարզի Նորաբաց գյուղի բնակիչները փակել են  գյուղի ճանապարհը:
13:38
23 Մայիսի 2017
Հենրիխ Մխիթարյան. Գոտեպնդվիր, Մանչեսթեր
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը սրտակցություն է հայտնել Մանչեսթերում տեղի ունեցած ողբերգությունից տուժածներին:
10:23
23 Մայիսի 2017
Հզոր պայթյուն Մանչեսթերում. 19 մարդ զոհվել է
Մեծ Բրիտանիայի մեծ մարզադաշտում պայթյուն է որոտացել:
11:22
22 Մայիսի 2017
Անձրևները չեն զիջում դիրքերը Հայաստանում
Անձրևն ու ամպրոպը չեն զիջում դիրքերը Հայաստանում։
10:26
22 Մայիսի 2017
Արմեն Մուրադյանը վիրահատվել է
ՀՀ առողջապահության նախկին նախարար Արմեն Մուրադյանը վիրահատվել է։
19:36
21 Մայիսի 2017
Ճարպն այրող վեց մթերք
Թեթև ուտեստները կօգնեն ոչ միայն ազատվել քաղցի զգացումից, այլև վերահսկել սեփական քաշը։
18:25
21 Մայիսի 2017
Լուրերի հաղորդավարուհին շոկի մեջ է ընկել ստուդիայում հայտնված շան պատճառով (ՏԵՍԱՆՅՈՒԹ)
«Мир 24» հեռուստաալիքի լուրերի հաղորդավարուհին վախեցել է սև շան պատճառով, որը ուղիղ եթերի ընթացքում հայտնվել է սեղանի տակից: