482.36
-0.38
568.99
-1.66
8.19
-0.05
+2
Եղանակը Երևանում
Հայ
«Մեծ Հաղթանակ` նվաճված միասնությամբ» թանգարանային ցուցադրություն է բացվել Զբոսաշրջության հայկական ինստիտուտում
20:22
06 Մայիսի 2015

ԵՐԵՎԱՆ, 6 մայիսի. /Նովոստի–Արմենիա/. Հայրենական մեծ պատերազմում Հաղթանակի 70–ամյակին նվիրված «Մեծ Հաղթանակ` նվաճված միասնությամբ»  թանգարանային ցուցադրություն է բացվել Զբոսաշրջության հայկական ինստիտուտում։ 

Ցուցահանդեսի գաղափարախոսական հիմքը ԽՍՀՄ ժողովուրդների նվաճած հաղթանակն է ֆաշիզմի նկատմամբ։ Ցուցադրված լուսանկարները, փաստաթղթերը, նամակները և ՀՄՊ ժամանակահատվածի այլ ցուցանմուշներ արտացոլում են ֆաշիզմի դեմ պայքարում պատերազմի մասնակից բոլոր ժողովուրդների միասնությունը։

Ցուցադրությունում ներկայացված են «Մայր Հայաստան» զինվորական հայկական թանգարանի, Հայրենական մեծ պատերազմի կենտրոնական թանգարանի, «Ստալինգրադի հերոսամարտ» պատմամշակութային թանգարան–արգելոցի և Բելառուսի ՀՄՊ պետական թանգարանի տրամադրած նյութերը։

«Մենք բոլորս հստակ գիտենք, թե ինչ քրտինքով և հերոսությամբ է նվաճվել այդ Հաղթանակը։ Մենք պետք է արժանի կերպով տանենք սերունդներին մեր ընդհանուր Հայրենիքի պաշտպանության պատմությունը։ Պետք է պահպանել խաղաղությունը միաբանության ճանապարհով»,– ցուցահանդեսի բացմանն ասաց Զբոսաշրջության հայկական ինստիտուտի ռեկտոև Ռոբերտ Մինասյանը։

Նա նշեց, որ ինստիտուտի դռները բաց կլինեն բոլոր դպրողականների, ուսանողների համար, ովքեր կկարողանան ծանոթանալ պատմությանը, քանի որ դռանց դրա անհնար է ապագա կառուցել։

Հայաստանում ՌԴ արտակարգ և լիազոր դեսպան Իվան Վոլինկինն ավելացրեց, որ Հաղթանակի տոնն ամենասրտատրոփ և սիրված տոներից է յուրաքանչյուր հայ և ռուս ընտանիքում, քանի որ այն դժվարությամբ է նվաճվել, պատերազմի ընթացքում Խորհրդային Միությունը հսկայական կորուստներ է կրել։

«Կցանկանայի ընդգծել, որ մենք այն կոչում ենք Հայրենական Մեծ պատերազմ, այլ ոչ թե Երկրորդ համաշխարհային, ինչպես շատերն ասում են աշխարհում, որովհետև մենք կռվում էինք` մեր Հայրենիքի ազատությունն ու անկախությունը պահպանելու համար, այնուհետև արդեն ազատում էինք Եվրոպան և ողջ աշխարհը «դարչնագույն ժանտախտից»»,– նշեց Վոլինկինը։

Նա ավելացրեց նաև, որ այդ տոնն ամենապատվելի, պատերազմին մասնակցած մարդկանց հիշողություններով լի տոն է, ովքեր աներևակայելի ջանքերի և զոհերի գնով մեզ ապագա են տվել։ «Մեր գլխավոր խնդիրն այժմ այդ պատմությունը պահպանելն ու այն մեր երեխաներին և թոռներին հասցնելն է»,– ասաց ռուս դիվանագետը։

Առանձին ներկայացված է նաև Հավաքական անվտանգության պայմանագրի կազմակերպության` պոտենցիալ մարտահրավերներին և սպառնալիքներին արձագանքելու հավաքական կառույցի գործունեությունը։

Ցուցահանդեսն անցկացվում է Հայաստանի Ազգային ժողովի, Հայաստանում ՌԴ դեսպանության հովանու ներքո, «ՀԿԵ» ՓԲԸ, «Գազպրոմ Արմենիա» ՓԲԸ, «ՎՏԲ–Հայաստան Բանկ» ՓԲԸ և Հայաստանում Ռոսսոտրուդնիչեստվոյի ներկայացուցչության օժանդակությամբ։ Ցուցահանդեսը կտևի կես տարի։

Ցուցադրության կազմակերպիչներն են` «Պատմություն և միաբանություն» ՀԿ–ն, Զբոսաշրջության հայկական ինստիտուտը և Հայաստանի պաշտպանության նախարարության «Մայր Հայաստան» զինվորական թանգարանը։

 Ռուսական հետք

Ցուցահանդեսի բացման ընթացքում ներկայացվել է «Ռուսաստան–Հայաստան ռուսական հետք։ Զբոսաշրջային նշանակությունների գիտական հետազոտություններ» գիրքը։

Գիրքը լույս է տեսել Ռուսաստանի զբոսաշրջության միջազգային ակադեմիայի և ԶՀԿ 2012-2014 թվականների երեք գիտական արշավների արդյունքներով Ռուսական աշխարհագրական միության զբոսաշրջության զարգացման հանձնաժողովի օժանդակությամբ և քաղաքական գիտությունների դոկտոր, ՌԶՄԱ ռեկտոր Եվգենի Նիկոլաևիչ Տրոֆիմովի խմբագրմամբ։

Գրախոս` ՌԳԱ ակադեմիկոս, Ռուսական աշխարհագրական միության պատվավոր նախագահ, ՌԱՄ զբոսաշրջության զարգացման հանձնաժողովի նախագահ Վլադիմիր Կոտլյակով։

Գրքում զետեղվել են մոտ երկու տասնյակ հոդվածներ, այդ թվում` ԶՀԻ և ՌԶՄԱ ռեկտորների, ինչպես նաև մանկավարժների, գիտնականների, գիտությունների դոկտորների, երկու բուհերի շրջանավարտների հոդվածները։

Հեղինակների ուշադրության կենտրոնում Հայաստանի հեռանկարային նշանակությունների գործնական ուսումնասիրությունն է և դրանցում պատմական իրադարձությունների ու երկու բարեկամական ժողովուրդների սխրանքների հետ կապված պահպանված հուշարձանների, մշակութային օբյեկտների և գտածոների ուսումնասիրությունը։ Դիտարկված են գիտազբոսաշրջային արշավախմբերի կազմակեիպման տեսական և կիրառական ասպեկտները։

Գիրքը նախատեսված է ուսանողների, մագիստրանտների, ասպիրանտների, բուհերի դասախոսների և այս թեմատիկայով հետաքրքրվող լայն շրջանակի մարդկանց համար։ -0-


 

Loading...
Թեմատիկ նյութեր
Բաժնի այլ նյութեր
16:51
17 Դեկտեմբերի 2017
Ընտրվել է տարվա բառը
Օքսֆորդի բառարանն ընտրել է տարվա բառը:
21:05
16 Դեկտեմբերի 2017
Ինչպես նվեր փաթեթավորել արագ և պարզ. ֆոտոուղեցույց
Անկասկած, մենք բոլորս սիրում ենք նվերներ ստանալ:
19:23
16 Դեկտեմբերի 2017
Սնունդն ազդում է մարդու տրամադրության վրա
Պարզվում է` սնունդն ազդում է մարդու տրամադրության վրա։
17:58
16 Դեկտեմբերի 2017
Պարզվել է միկրոալիքային վառարանի նոր վտանգը
Բացահայտվել է միկրոալիքային վառարանի նոր վտանգը:
16:41
16 Դեկտեմբերի 2017
Ինչո՞վ է վտանգավոր քնի պակասը
Պարզվել է` ինչի կարող է հանգեցնել քնի պակասը։
11:48
16 Դեկտեմբերի 2017
Հնդկաձավարով նախաճաշ` արագ նիհարելու համար
Ո՞վ չի ուզում արագ նիհարել և միաժամանակ համեղ սնվել:
17:51
15 Դեկտեմբերի 2017
Santa–ն Հայաստանում. հայ երեխաներն առանձնահատուկ են (ՖՈՏՈ)
Սանտա Կլաուսը ուրբաթ Լապլանդիայից եկել է Հայաստան։
15:53
14 Դեկտեմբերի 2017
Նիկոլ Փաշինյանը բացել է հայկական խորհրդարանի գաղտնիքը (ՖՈՏՈ)
Հայ ընդդիմադիր պատգամավոր, «Ելք» խմբակցության ղեկավար Նիկոլ Փաշինյանը բացել է հայկական խորհրդարանի գաղտնիքը։
20:45
13 Դեկտեմբերի 2017
«ՎԻԱ ԳՐԱ»–ի Բրեժնևան` հայ դիզայների զգեստով (ՎԻԴԵՈ)
«ՎԻԱ ԳՐԱ»–ի նախկին մենակատար Վերա Բրեժնևան ելույթ է ունեցել հայ դիզայներ Հայկ Ավանեսյանի զգեստով «Необыкновенный огонек»–ի ընթացքում։
20:10
13 Դեկտեմբերի 2017
Հազվագյուտ կենդանիներով բացառիկ էկզոտարիում է բացվել Երևանում (ՖՈՏՈ)
«Զուլանդիա» էկզոտարիումը բացումը կայացավ Երևանի «ՌԻՈ» առևտրի կենտրոնում։
16:42
13 Դեկտեմբերի 2017
Ի գիտություն տանտիրուհիների. ի՞նչ պետք է դնել սեղանին Դեղին հողե շան տարում
Տոնական սեղանը Նոր տարվա ամենակարևոր բաղկացուցիչներից է։
15:54
12 Դեկտեմբերի 2017
ՎՏԲ-Հայաստան Բանկը գործարկել է նոր հիփոթեքային պրոդուկտ
ՎՏԲ-Հայաստան Բանկը գործարկել է նոր հիփոթեքային պրոդուկտ, որը թույլ է տալիս հաճախորդներին ձեռք բերել անշարժ գույք ընդամենը 3% կանխավճարով: