480.74
+0.03
511.65
+0.46
7.48
-0.03
+2
Եղանակը Երևանում
Հայ
«Գրական տապան. ապրիլ» փառատոնի շրջանակում գրողներն ընթերցել են Հայոց ցեղասպանության զոհ դարձած գրողների ստեղծագործությունները
19:20
21 Ապրիլի 2015

ԵՐԵՎԱՆ, 21 ապրիլի. /Նովոստի–Արմենիա/. Ապրիլի 21–ին «Գրական տապան. ապրիլ» ամենամյա միջազգային փառատոնի հանդիսավոր բացման ժամանակ մասնակիցներն ընթերցել են Հայոց ցեղասպանության հետևանքով տուժած հայ գրողների ստեղծագործությունները։

Փառատոնի հայ և օտարերկրյա մասնակիցներն ընթերցել են Հայոց ցեղասպանության զոհ դարձած տասը հայ գրողների ստեղծագործությունները, որոնց թվում են` Սիամանթոն, Դանիել Վարուժանը, Գրիգոր Զոհրապը, Ռուբեն Սևակը։

Հայաստանն այս նախաձեռնությամբ միանում է Համաշխարհային գրական ընթերցումներին, որոնք անցկացվում են Բեռլինի պոեզիայի  փառատոնի ու «Լեպսիուսի տուն» գերմանական հետազոտական կենտրոնի կազմակերպած միջոցառումների շրջանակում։ Միջոցառումները նվիրված են Հայոց ցեղասպանության 100–րդ տարելիցին։ 

ՀՀ մշակույթի փոխնախարար Ներսես Տեր–Վարդանյանը նշեց, որ փառատոնը հատուկ տեղ է զբաղեցնում երկրի գրական կյանքում։

Նա ասաց, որ 2015 թվականը խորհրդանշական է Հայաստանի համար, և ողջ տարվա ընթացքում կազմակերպվել են բազմաթիվ մշակութային միջոցառումներ` համերգներ, ցուցահանդեսներ, ֆիլմերի շնորհանդեսներ, թատերական ներկայացումներ։ «Այս ամենը միայն մեկ նպատակ ունի` իրազեկել համաշխարհային հանրությանը նախորդ դարի իրադարձությունների մասին` օգտագործելով մշակույթի բոլոր ուղղությունները», – ավելացրեց Տեր–Վարդանյանը։

«Գրականությունն օգտագործում ենք որպես հասարակությանն իրազեկելու միջոց և գործիք, գրականության միջոցով մենք փորձում ենք գտնել առօրյա կյանքում մեզ շրջապատող հերոսներին և հակառակը` փորձում ենք գտնել գրքերում հանդիպած կերպարներին», – ընդգծեց փոխնախարարը։

«Խոսքը հանուն կյանքի» նշանաբանը կրող փառատոնը նվիրված է Հայոց ցեղասպանության 100–րդ տարելիցին և կտևի մինչև ապրիլի 29–ին։ Գրական այս նախաձեռնությունն ընթերցասեր հանրությանն է ներկայացնում Հայոց ցեղասպանության թեմայով հրատարակված օտարալեզու ստեղծագործությունները, որոնց հեղինակներին էլ հյուրընկալել է փառատոնը:

«Գրական տապան. ապրիլ» փառատոնի հյուրերն են հայտնի գրողներ Յուբիցա Միլետիչը (Սերբիա), Ալան Ուայթհորնը (Կանադա), Մարսելա Փոլեյնը (Ավստրիա),  Մելինե Թումանին (ԱՄՆ), Սերժ Վենտուրինին (Ֆրանսիա), Հարրի Ցիթենը (Գերմանիա), Մարկ Մորտեն (Իսպանիա),  Բերնար Վերբերը (Ֆրանսիա), Դանա Ուոլրըթը (ԱՄՆ),  Թոմաս Հարթվիգը (Գերմանիա), Յուրգեն Յանկովսկին (Գերմանիա), Մարկ Մուստյանը (ԱՄՆ)։  Այս գրողները Հայոց ցեղասպանության թեմային նվիրված ստեղծագործությունների հեղինակներ են, նրանց գրքերը թարգմանվել են տարբեր լեզուներով, այդ թվում` հայերեն։ Փառատոնի շրջանակում Երևանում անցկացվել է Մարկ Մուստյանի «Ժանդարմ» գրքի թարգմանված տարբերակի շնորհանդեսը։

Հրավիրված գրողները կմասնակցեն ապրիլի 22–23–ն անցկացվող «Ընդդեմ ցեղասպանության հանցագործության» գլոբալ համաժողովին, ինչպես նաև կկազմակերպեն վարպետության դասեր, կմասնակցեն կլոր սեղանների և քննարկումների, ինչպես նաև այլ միջոցառումների։

Մտավորականները կանցկացնեն վարպետության դասեր, հայ ուսանողներին կներկայացնեն ժամանակակից գրական աշխարհի միտումներն ու զարգացումները։ Ավանդույթի համաձայն՝ նրանք կմասնակցեն կլոր սեղանների, քննարկումների, մշակութային այլ նախաձեռնությունների։

Փառատոնի հյուրերը կայցելեն Հայաստանի տեսարժան վայրեր, թանգարաններ, կծանոթանան մեր պատմամշակութային ժառանգությանն ու ավանդույթներին:

«Գրական տապան. ապրիլ» միջազգային փառատոնն իրականացնում է Արտասահմանյան երկրների հետ մշակութային համագործակցության հայկական հասարակական կազմակերպությունը (ԱՕԿՍ)` ՀՀ մշակույթի նախարարության եւ Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի աջակցությամբ:

Փառատոնն առաջին անգամ անցկացվել է 2001 թ.–ին։–0–

Loading...
Թեմատիկ նյութեր
Բաժնի այլ նյութեր
20:25
03 Դեկտեմբերի 2016
Սուպերմոդելները «հարձակվել են» բուրգերների և ալկոհոլի վրա Victoria's Secret–ի շոուից հետո (ՏԵՍԱՆՅՈւԹ)
Փարիզում կայացած շոուից հետո Victoria's Secret–ի «հրեշտակները» գնացել են ռեստորան, որտեղ պատվիրել են կալորիաներով հարուստ ուտելիք, այդ թվում` բուրգեր, կարտոֆիլ «ֆրի» և ալկոհոլային կոկտեյլներ։
19:00
03 Դեկտեմբերի 2016
Մեր մոլորակի համար ամենավտանգավոր ժամանակն է. Սթիվեն Հոքինգ
Բրիտանացի ֆիզիկոս–տեսաբան Սթիվեն Հոքինգը կարծում է, որ այժմ «մեր մոլորակի ամենավտանգավոր ժամանակն է»։
18:15
03 Դեկտեմբերի 2016
Գիտնականները նշել են, թե ինչու է երեխաներին անհրաժեշտ օրվա խիստ ռեժիմ
Ծնողներին դժվար է լինում հետևել կարգապահության երեխայի դաստիարակության հարցում: Սակայն հոգեբանները վստահ են, որ ծնողները պետք է ձգտեն կարգուկանոնի, քանի որ օրվա ռեժիմին հետևելը շատ կարևոր է երեխաների համար երկարաժամկետ հեռանկարում։
11:22
03 Դեկտեմբերի 2016
Հայաստանի որոշ ճանապարհներ դժվարանցանելի են. Ջերմուկում ձնաբուք է
Լարսի անցակետը փակ է բոլոր տեսակի ավտոմեքենաների համար:
10:30
03 Դեկտեմբերի 2016
Հայաստանում ձյան տեսքով տեղումներ են սպասվում
Հաջորդ շաբաթվանից Հայաստանի գրեթե ողջ տարածքում սպասվում են ձյան տեսքով տեղումներ։
16:57
02 Դեկտեմբերի 2016
«Շոկոլադի բանկը» քաղցրավենիք կհավաքի Գյումրիի տնակներում բնակվող երեխաների համար
Նոր տարվա կապակցությամբ` Հայ օգնության ֆոնդն իրականցնում է «Շոկոլադի բանկ» նախաձեռնությունը` Գյումրիի տնակներում բնակվող երեխաների համար:
15:55
02 Դեկտեմբերի 2016
Արագածոտնի մարզում թույլ ձյուն է. Լարսի անցակետը փակ է
Դեկտեմբերի 2-ի ժամը 15.00-ի դրությամբ ՀՀ տարածքում ավտոճանապարհներն հիմնականում անցանելի են:
15:32
02 Դեկտեմբերի 2016
Քիմ Քարդաշյանը 2016 թ.-ին Instagram-ի ամենաճանաչված աստղերի հնգյակում է
Ամերիկահայ հեռուստաաստղ Քիմ Քարդաշյանը ներառվել է Instagram-ի ամենաճանաչված աստղերի հնգյակում:

12:33
02 Դեկտեմբերի 2016
Սեռական բնույթի գործողություններ են կատարվել 50-ամյա տղամարդու նկատմամբ Երևանում
50-ամյա տղամարդը հայտարարել է, որ 2 տղամարդիկ իր նկատմամբ սեռական բնույթի գործողություններ են կատարել:
20:26
01 Դեկտեմբերի 2016
Մառա Բաղդասարյանը հորն է ուղարկել դատարան իր փոխարեն
Սավյոլովի հաշտարար դատարանի նիստին չի ներկայացել մրցավազորդուհի Մառա Բաղդասարյանը։

19:40
01 Դեկտեմբերի 2016
Victoria’s Secret 2016 շոու (ԼՈՒՍԱՆԿԱՐՆԵՐ)
Փարիզի Grand Palais–ում անցկացվել է Victoria's Secret Fashion Show 2016–ը։
15:59
01 Դեկտեմբերի 2016
Հայկական Beeline-ը սմարթֆոնների նախատոնական վաճառք է անցկացնում
Beeline-ը հայտարարում է սմարթֆոնների վաճառքի նախատոնական ակցիայի անցկացման մասին։