483.58
+0.74
513.85
-7.76
7.67
+0.05
-2
Եղանակը Երևանում
Հայ
«Հիշում եմ։ Հպարտանում եմ» ավտոակցիան է մեկնարկել Երևանում Հաղթանակի 70–ամյակի տոնակատարության շրջանակում
13:45
07 Ապրիլի 2015

ԵՐԵՎԱՆ, 7 ապրիլի. /Նովոստի–Արմենիա/. «Հիշում եմ։ Հպարտանում եմ» ավտոակցիան է մեկնարկել երեքշաբթի Երևանում Հաղթանակի 70–ամյակի տոնակատարության շրջանակում։ 

Միջոցառման կազմակերպիչ «Ռուս–Հայկական երիտասարդական միասնությունը» նշում է, որ ակցիայի գլխավոր նպատակը նոր սերունդներին թույլ չտալն է մոռանալ նախորդ դարի ամենասարսափելի պատերազմում Մեծ հաղթանակի գինը, որի ժառանգորդն ենք այսօր, հիշեցնել, թե ինչով և ումով պետք է հպարտանանք և չմոռանանք։

Гоар Гумашян«Ավտոարշավը կազմակերպել են մեր կազմակերպության ակտիվիստները, և այն անցկացվում է «Հիշում եմ։ Հպարտանում եմ», «Շնորհակալություն պապիս` հաղթանակի համար», «Շնորհակալություն վետերաններին» կարգախոսներով»,– լրագրողներին ասաց «Ռուս–Հայկական երիտասարդական միասնություն» հասարակական կազմակերպության ղեկավար Գոհար Ղումաշյանը։

Ըստ նրա` ակցիան անցկացվում է առավոտից մայրաքաղաքի տարբեր անկյուններում։

«Մեզ համար շատ կարևոր է երիտասարդության և մեր երկրի քաղաքացիների շրջանում տարածել այն գաղափարը, որ Հայաստանը Հայրենական մեծ պատերազմի ակտիվ մասնակից է, և որ հայերը հիշում և պատվում են այդ օրը»,– ասաց Ղումաշյանը։

Նմանատիպ ակցիաներ, ըստ նրա, նաև ծրագրվում է անցկացնել Գյումրիում, Վանաձորում և այլ քաղաքներում։ Դրանք, հավանաբար, կանցկացվեն ապրիլի կեսերին և մայիսի սկզբին։

«Մենք երիտասարդության և ավագ սերնդի մարդկանց շրջանում սոցիալական հարցում ենք անցկացրել։ Նրանք, ովքեր ավելի շատ են շփվում ավագ սերնդի հետ, լավ են իրազեկված, մանրամասն գիտեն պատերազմի մասին։ Բայց, ցավոք, երիտասարդության մեծ մասը չգիտի ինչի մասին է խոսքը, և դա շատ վատ է»,– նշեց Ղումաշյանը։

Ըստ նրա, ծրագրվում է նաև Հաղթանակի 70–ամյակին նվիրված մի շարք այլ միջոցառումների անցկացում, որոնք կոչված են իրազեկելու երիտասարդությանն այն մասին, թե ինչ է կատարվել իրականում և ինչ ակտիվ դեր է խաղացել Հայաստանը, ինչ մեծ ավանդ ունի Հաղթանակի մեջ։

«Ապրիլի 9–ին կկայանա Հայրենական մեծ պատերազմում Հաղթանակի թեմային նվիրված կլոր սեղան, որին կմասնակցեն վետերաններ»,– ասաց Ղումաշյանը։

Ավտոմոբիլային ակցիան մեկնարկել է երեքշաբթի ժամը 11։00–ին Ազատության հրապարակից։

акция в честь 70-летия ПобедыՄիջոցառման շրջանակում ակտիվիստներն անցորդներին և ավտոտրանսպորտի սեփականատերերին «Գեորգիևյան ժապավեններ» են բաժանում, ինչպես նաև փակցնում են «Հիշում եմ։ Հպարտանում եմ», «Շնորհակալություն պապիս` Հաղթանակի համար» գրություններ մայրաքաղաքի կենտրոնական փողոցներում ճանապարհային երթևեկության մասնակիցների ավտոմեքենաների ապակիներին։

Գեորգիևյան ժապավենն արտաքին տեսքով և գուներանգով համապատասխանում է «1941- 1945 թթ.–ների Հայրենական մեծ պատերազմում Գերմանիայի նկատմամբ տարած հաղթանակի» մեդալի ժապավենի գույներին։ Հենց այդ պատճառով էլ գեորգիևյան ժապավենը 21–րդ դարում դարձել է նացիզմի նկատմամբ հաղթանակի խորհրդանիշ։

Ակցիան տեղի կունենա «Պապիս Հաղթանակն իմ Հաղթանակն է», «Կապիր. Եթե հիշում ես», «Հիշում եմ։ Հպարտանում եմ», «Մենք Մեծ հաղթանակի ժառանգներն ենք», «Շնորհակալություն պապիս` Հաղթանակի համար» կարգախոսներով։ 

Ակցիայի կազմակերպիչը «Ռուս–Հայկական երիտասարդական միասնություն» հասարակական կազմակերպությունն է` Երևանում ԳՄՌԿ–ի տեղեկատվական աջակցությամբ։ Միջոցառմանը կմասնակցեն Հայաստանի երիտասարդական և վետերանների կազմակերպությունների մասնակիցները։

Երկրորդ համաշխարհային պատերազմի տարիներին հայ ժողովուրդը ռազմաճակատ է ուղարկել 600 հազ. զինվոր, որոնցից 300 հազարը չի վերադարձել։

Պատերազմի տարիներին հայ ժողովուրդը 106 հերոս է ունեցել։ Երկրորդ համաշխարհային պատերազմի խոշորագույն զինվորական հրամանատարներն են  Խորհրդային միության կրկնակի հերոս, մարշալ Իվան (Հովհաննես) Բաղրամյանը, զրահատանկային զորքի գլխավոր մարշալ Համազասպ Բաբաջանյանը, ավիացիայի մարշալ Սերգեյ Խուդյակովը (Արմենակ Խամփերյանց), ԽՍՀՄ նավատորմի ծովակալ Իվան Իսակովը։ Հայ ժողովուրդը պատրաստել և ռազմաճակատ է ուղարկել վեց մոտոհրաձգային դիվիզիա, իսկ Թամանյան 89-րդ դիվիզիան հասել է մինչև Բեռլին։-0-

Loading...
Թեմատիկ նյութեր
Բաժնի այլ նյութեր
21:17
10 Դեկտեմբերի 2016
Հայաստանի որոշ ճանապարհներին ձնաբուք է
Ստեփանծմինդա-Լարս ավտոճանապարհը բաց է միայն մարդատար ավտոմեքենաների համար:
19:15
10 Դեկտեմբերի 2016
Մահացել է հայտնի ռեժիսոր Սերգեյ Միքայելյանը
94 տարեկանում Սանկտ Պետերբուրգում կյանքից հեռացել է «Լենֆիլմ» կինոստուդիայի ռեժիսոր, Ռուսաստանի ժողովրդական արտիստ Սերգեյ Միքայելյանը:
22:09
09 Դեկտեմբերի 2016
LinkedIn–ը պաշտոնապես Microsoft-ին է պատկանում
Microsoft ընկերությունն ավարտել է 26,2 մլրդ դոլարով LinkedIn սոցիալական ցանցի գնման գործարքը:
15:35
09 Դեկտեմբերի 2016
Անակնկալ է սպասվում Ամանորի տոնավաճառի բացման արարողության մասնակիցներին Երևանում
Երևանում դեկտեմբերի 10-ին ժամը 17։00-ին տեղի կունենա Ամանորի և Սուրբ Ծննդյան տոնավաճառի պաշտոնական բացումը:
12:29
09 Դեկտեմբերի 2016
Մոսկվայի շապիտո կրկեսը երևանցիներին «Ամանորյա անակնկալներ» կմատուցի
Մոսկվայի շապիտո կրկեսը Երևանում ելույթ կունենա «Ամանորյա անակնկալներ» ծրագրով:
11:39
09 Դեկտեմբերի 2016
Հայաստանում հանգստյան օրերին ձյան տեսքով տեղումներ են սպասվում
Հայաստանի մի շարք մարզերում և Երևանում թույլ ձյուն է կանխատեսվում։
20:57
08 Դեկտեմբերի 2016
Business Insider-ը նշել է 2016 թվականի ամենավատ ֆիլմերը
Business Insider պորտալը կազմել է 2016 թվականի 25 ամենաձախողված ֆիլմերը։
18:20
08 Դեկտեմբերի 2016
Beeline-ը հայտարարել է Drive բջջային ինտերնետի սակագնային փաթեթների պայմանների բարելավման մասին
«ԱրմենՏել» ՓԲԸ-ն (ապրանքանիշը` Beeline) հայտարարում է Drive բջջային ինտերնետի հետվճարային սակագնային փաթեթների (ՍՓ) պայմանների բարելավման մասին։
17:51
08 Դեկտեմբերի 2016
Քիմ Քարդաշյանը Քանյեից ապահարզան կպահանջի վերջինիս ապաքինումից հետո
Քիմ Քարդաշյանն ապահարզան կպահանջի Քանյե Ուեսթից, երբ նա ապաքինվի նյարդային հյուծվածությունից:
16:50
08 Դեկտեմբերի 2016
Մուսլիմ Մագոմաևի մոտ հայկական արմատներ են հայտնաբերվել
ԽՍՀՄ ժողովրդական արտիստ, հանրաճանաչ երգիչ Մուսլիմ Մագոմաևի մոտ հայկական արմատներ են հայտնաբերվել:
12:55
08 Դեկտեմբերի 2016
Վեցամյա պոլիգլոտ Սաշա Բեյլերյանը հավաստիացրել է հայրենակիցներին, որ շատ լավ տիրապետում է հայերենին (ՏԵՍԱՆՅՈւԹ)
Վեցամյա պոլիգլոտ Ալեքսանդր Բեյլերյանը, ով «Ամենից լավը» հեռուստանախագծում իր ելույթով ցնցել է ռուսական Առաջին ալիքի հեռուստադիտողին, վստահեցրել է իր հայրենակիցներին, որ շատ լավ տիրապետում է հայերեն լեզվին:
12:11
08 Դեկտեմբերի 2016
«Նովոստի–Արմենիա» գործակալությունը տոնում է իր 11–ամյակը
Այսօր «Նովոստի–Արմենիա» գործակալությունը առիթ ունի շնորհավորելու իր բոլոր հավատարիմ ընթերցողներին գործակալության հերթական` արդեն 11–րդ տարեդարձի կապակցությամբ։