480.74
+0.03
511.65
+0.46
7.48
-0.03
+3
Եղանակը Երևանում
Հայ
Հայաստանում հազվագյուտ հիվանդություններից տառապող երեխաների ընտանիքների ասոցիացիա կստեղծվի. փորձագետ
18:14
20 Մարտի 2015

ԵՐԵՎԱՆ, 20 մարտի. /Նովոստի–Արմենիա/. Հայաստանում հազվագյուտ հիվանդություններից տառապող երեխաների ընտանիքների ասոցիացիա կստեղծվի, ուրբաթ լրագրողներին ասաց Բժշկական գենետիկայի և առողջության առաջնային պահպանման կենտրոնի գենետիկ–մանկաբույժ Գոհար Շահսուվարյանը Դաունի համախտանիշ ունեցող մարդկանց համաշխարհային օրվան նվիրված մամուլի ասուլիսի ժամանակ։

«Բժշկական գենետիկայի և առողջության առաջնային պահպանման կենտրոնում վերջերս տեղի է ունեցել սիմպոզիում` նվիրված հազվագյուտ հիվանդություններին։ Սիմպոզիումի ժամանակ գաղափար է ծագել ստեղծել Հազվագյուտ հիվանդություններից տառապող երեխաների ընտանիքների ասոցիացիա, և այս պահին իրականացվում են բոլոր անհրաժեշտ միջոցառումները», – նշեց Շահսուվարյանը։

Նրա խոսքերով` ասոցիացիան արդեն գրեթե ձևավորվել է։ «Մենք ունենք բավականին ակտիվ ծնողներ, ովքեր պատրաստ են դիմել բոլոր անհրաժեշտ ատյաններին, նրանք ի վիճակի են օգնել երեխաների առողջության բարելավման հարցում։ Նրանք նաև համագործակցում են օտարերկրյա, մասնավորապես, ռուսական նմանատիպ ասոցիացիաների հետ», – ավելացրեց Շահսուվարյանը։

Փորձագետը նշեց, որ շատ կարևոր է համակողմանի աջակցություն ցուցաբերել հազվագյուտ հիվանդություններ ունեցող երեխաների ծնողներին, այդ հիվանդություններից մեկը Դաունի համախտանիշն է։

«Այս հիվանդությունը ժառանգական չէ, այն ամբողջովին պատահական գործընթաց է։ Սակայն, այդուհանդերձ, գոյություն ունեն որոշակի գործոններ, որոնք կարող են ազդել այդ համախտանիշով երեխայի լույս աշխարհ գալու վրա, և դա հիմնականում մոր տարիքն է։ Օրինակ, մինչև 25 տարեկան կնոջ մոտ հիվանդ երեխայի ծննդյան հավանականությունը կազմում է 1/1400», – նշեց Շահսուվարյանը։

Նրա խոսքերով` այսօր աշխարհում գոյություն ունեն հատում պերինատալ սկրինինգային թեստեր, որոնց օգնությամբ հղիության ընթացքում կարելի է որոշել երեխայի մոտ Դաունի համախտանիշի զարգացման հնարավորությունը։

«Առողջապահության համաշխարհային կազմակերպության վիճակագրության համաձայն` աշխարհում ծնվող ամեն 700 նորածնի մոտ ախտորոշվում է «Դաունի համախտանիշ»` անկախ աշխարհագրությունից և սոցիալական դրությունից», – նշեց Շահսուվարյանը։

Փորձագետը նաև ավելացրեց, որ Կենտրոնը, որը նա ներկայացնում է, արդեն աշխատում է գենետիկ հիվանդությունների ռեեստրի ստեղծման ուղղությամբ, որտեղ կհավաքվեն Դաունի համախտանիշ ունեցող երեխաների թվին վերաբերող բոլոր տվյալները` Հայաստանում այս հիվանդության մասին կոնկրետ վիճակագրություն ունենալու համար։

Մարտի 21–ին նշվում է Դաունի համախտանիշ ունեցող մարդկանց համաշխարհային օրը։ Այս ամսաթիվն օրացույցում ներառվել է 2006 թ.–ին։ Այս օրը նշելու մասին որոշումն ընդունվել է Դաունի համաշխտանիշի միջազգային (IDSA) և Եվրոպական (EDSA) ասոցիացիաների նախաձեռնությամբ Իսպանիայի Պալմա դե Մայորկա քաղաքում անցկացված VI միջազգային սիմպոզիումի ժամանակ, որը նվիրված էր Դաունի համախտանիշին։

Մարտի 21–ը պատահական չի ընտրվել։ Այն Դաունի համախտանիշի սիմվոլիկ նշանակությունն է, որի պատճառը քրոմոսոմներից մեկի տրիսոմիան է։ Այս հիվանդությամբ տառապող մարդու մոտ 21–րդ քրոմոսոմը առկա է երեք օրինակով։ «Օրացույցի լեզվով» թարգմանելու դեպքում ստացվել է երրորդ ամսվա 21–րդ օրը։

Անգլիացի բժիշկ Ջոն Լենգդոն Դաունը (John Langdon Down, 1828-1896) 1862 թ.–ին առաջին անգամ նկարագրել է համախտանիշը որպես հոգեբանական հիվանդության տեսակ։ Այն հետագայում կոչվել է իր անունով։
Դ
աունի համախտանիշը հիվանդություն է, որն առաջանում է գենետիկ անոմալիայի հետևանքով, որի դեպքում մարդու օրգանիզմում հայտնվում է ավելորդ քրոմոսոմ։ Այս ամենի հետևանքով քրոմոսոմների ընդհանուր թիվը դառնում է 47, իսկ նորմայի դեպքում մարդու օրգանիզմում պետք է լինի 46 քրոմոսոմ։ –0–

Loading...
Թեմատիկ նյութեր
Բաժնի այլ նյութեր
16:57
02 Դեկտեմբերի 2016
«Շոկոլադի բանկը» քաղցրավենիք կհավաքի Գյումրիի տնակներում բնակվող երեխաների համար
Նոր տարվա կապակցությամբ` Հայ օգնության ֆոնդն իրականցնում է «Շոկոլադի բանկ» նախաձեռնությունը` Գյումրիի տնակներում բնակվող երեխաների համար:
15:55
02 Դեկտեմբերի 2016
Արագածոտնի մարզում թույլ ձյուն է. Լարսի անցակետը փակ է
Դեկտեմբերի 2-ի ժամը 15.00-ի դրությամբ ՀՀ տարածքում ավտոճանապարհներն հիմնականում անցանելի են:
15:32
02 Դեկտեմբերի 2016
Քիմ Քարդաշյանը 2016 թ.-ին Instagram-ի ամենաճանաչված աստղերի հնգյակում է
Ամերիկահայ հեռուստաաստղ Քիմ Քարդաշյանը ներառվել է Instagram-ի ամենաճանաչված աստղերի հնգյակում:

12:33
02 Դեկտեմբերի 2016
Սեռական բնույթի գործողություններ են կատարվել 50-ամյա տղամարդու նկատմամբ Երևանում
50-ամյա տղամարդը հայտարարել է, որ 2 տղամարդիկ իր նկատմամբ սեռական բնույթի գործողություններ են կատարել:
20:26
01 Դեկտեմբերի 2016
Մառա Բաղդասարյանը հորն է ուղարկել դատարան իր փոխարեն
Սավյոլովի հաշտարար դատարանի նիստին չի ներկայացել մրցավազորդուհի Մառա Բաղդասարյանը։

19:40
01 Դեկտեմբերի 2016
Victoria’s Secret 2016 շոու (ԼՈՒՍԱՆԿԱՐՆԵՐ)
Փարիզի Grand Palais–ում անցկացվել է Victoria's Secret Fashion Show 2016–ը։
15:59
01 Դեկտեմբերի 2016
Հայկական Beeline-ը սմարթֆոնների նախատոնական վաճառք է անցկացնում
Beeline-ը հայտարարում է սմարթֆոնների վաճառքի նախատոնական ակցիայի անցկացման մասին։
14:59
01 Դեկտեմբերի 2016
Հայ աղջիկն իր կիսամերկ լուսանկարներն ուղարկել է ընկերոջը, վերջինս էլ դրանք հրապարակել է համացանցում
26-ամյա աղջիկն իր հետ սիրային կապի մեջ գտնվող տղային ուղարկել է իր կիսամերկ լուսանկարները, երիտասարդն էլ հրապարակել է դրանք համացանցում:
11:23
01 Դեկտեմբերի 2016
Հայաստանի որոշ մարզերում ձյուն է տեղում. կան դժվարանցանելի ճանապարհներ
Դեկտեմբերի 1-ի ժամը 11.00-ի դրությամբ ՀՀ տարածքում ավտոճանապարհներն հիմնականում անցանելի են:
22:12
30 Նոյեմբերի 2016
Հայաստանի որոշ մարզերում ձյուն է տեղում
Հայաստանի որոշ քաղաքներում ձյան տեսքով տեղումներ են։
22:08
30 Նոյեմբերի 2016
Facebook-ի մեսենջերում հայտնվել է խաղերի ծառայություն
Facebook-ի Messenger հաղորդագրություններով փոխանակվելու համար նախատեսված հավելվածում հայտնվել է Instant Games ծառայությունը:
15:38
30 Նոյեմբերի 2016
Երևանի քաղաքապետարանը հայտարարում է «Ամանորյա լավագույն ձևավորում» ամենամյա մրցույթի մեկնարկի մասին
Երևանի քաղաքապետարանը, Ամանորի տոներին ընդառաջ, հայտարարում է «Ամանորյա լավագույն ձևավորում» ամենամյա մրցույթի մեկնարկի մասին: