480.49
+0.04
540.74
+3.69
8.15
+0.02
+28
Եղանակը Երևանում
Հայ
Չիլինգարովն ու Կիսելյովը ծաղիկներ են դրել Գյումրու ողբերգության զոհերի շիրիմներին
19:15
25 Փետրվարի 2015

ԵՐԵՎԱՆ, 25 փետրվարի. /Նովոստի–Արմենիա/. Հայտնի բևեռախույզ, ՌԴ նախագահի` Հյուսիսային և Հարավային Բևեռներում միջազգային համագործակցության հարցերով հատուկ ներկայացուցիչ Արթուր Չիլինգարովն ու «Ռոսիա սեգոդնյա» ՄԼԳ–ի գլխավոր տնօրեն Դմիտրի Կիսելյովը չորեքշաբթի ծաղիկներ են դրել Գյումրու ողբերգության զոհերի շիրիմներին, հաղորդում է ՌԻԱ Նովոստին։ 

Հունվարի 12–ին Գյումրիում, որտեղ տեղակայված է ռուսական 102–րդ ռազմակայանը, վեց հոգանոց ընտանիք է սպանվել։ Միակ ողջ մնացածը վեց ամսական Սերյոժա Ավետիսյանը մահացել է հունվարի 19–ին։ Հանցագործության կատարման մեջ կասկածվում է ռուս ժամկետային զինծառայող Վալերի Պերմյակովը, նա ձերբակալվել է և ինքնախոստովանական ցուցմունք է տվել։

«Մենք չէինք կարող լինել Հայաստանում և չայցելել Գյումրի, չարտահայտել մեր վիշտն ու զորակցությունը։ Սարսափելի ողբերգություն է։ Այս ամենը կատարած հանցագործը չպետք է անպատիժ մնա», – ասել է Չիլինգարովը։

Артур Чилингаров возлагает цветы к могилам семьи АветисянՆրա խոսքով` կատարված ողբերգությունից կարելի է եզրահանգումներ անել` նման հանցագործության կրկնությունը թույլ չտալու համար։

«Մենք` որպես Ռուսաստանի ներկայացուցիչներ, պետք է ընդգծենք, որ մենք Հայաստանի հետ ենք։ Հասկանում եմ, որ եղբայր ժողովուրդներ ենք, սակայն պետք է ավելի շատ շփվենք, ավելի շատ հանդիպենք։ Չէ՞ որ գիտենք, թե ինչպես են հայերը վերաբերվում ռուսներին, ռուսները` հայերին։ Այս ամենին հարկավոր է աջակցել բոլոր մակարդակներում, կարծում եմ, որ մարդկային հանդիպումները շատ կարևոր են», – նշել է նա։ 

Կիսելյովն իր հերթին նշել է, որ Գյումրիում տեղի ունեցած ողբերգությունն իրեն հանգիստ չի տալիս։

«Ես շատ հայ ընկերներ ունեմ։ Իմ հիմնած «Գրիբոյեդով» ակումբի անունից ասեմ, որ բոլորն, իհարկե, վրդովված են` հաշվի առնելով մեր կապերը, բարեկամությունը։ Ռուսները հատկապես դժվար վիճակում են, քանի որ մեզ վրա լրացուցիչ ծանրաբեռնվածություն է ընկնում... Առաջանում է բողոքի զգացում և այդ հանցագործությունը կատարածից ազատվելու ցանկություն։ Քանի որ Պերմյակովը ռուս է, սակայն ինչպես ասում են` «ընտանիքն առանց հրեշի չի լինում»», – ասել է «Ռոսիա սեգոդնյա» ՄԼԳ–ի գլխավոր տնօրենը։

Дмитрий Киселев возлагает цветы к могилам семьи АветисянՆրա խոսքով` այս իրադարձությունը չափազանց վայրի է և չի համապատասխանում մեր բարեկամական հարաբերություններին։

«Հայ–ռուսական հարաբերություններում լարվածություն է առաջացել մասամբ արհեստականորեն։ Միշտ կգտնվեն մարդիկ, ովքեր ցանկանում են վիշտն օգտագործել իրենց սեփական շահերի համար։ Ինչ–որ մեկը գուցե իրեն այդպես է դրսևորում, ինչ–որ մեկը գումար է վաստակում, ինչ–որ մեկին ձեռնտու չէ Ռուսաստանի և Հայաստանի ամուր կապը», – ասել է նա։ Կիսելյովը նշել է, որ երկու եղբայրական և բարեկամական ժողովուրդները պետք է միասին լինեն և՛ վշտի, և՛ ուրախ օրերի ժամանակ։

Խոսելով որոշ մտավախությունների մասին, թե քննությունը դանդաղ է ընթանում` Կիսելյովը նշել է, որ նման սպանությունները մեկ–երկու ամսում չեն քննվում են։

«Նպատակն է ճիշտ կազմակերպել քննությունը, պետք չէ ոչ մեկին շտապեցնել։ Հասկանում եմ, որ էմոցիոնալ տեսակետից ցանկություն կա շուտափույթ կերպով ամեն ինչ իմանալ, սակայն մենք Լինչի դատաստանի կողմնակից չենք։ Այդ պատճառով հարկավոր է զինվել համբերությամբ, այս ժամանակին վերաբերվել` որպես վշտի ժամանակ, և ուղղակի, և անուղղակի իմաստով քարեր չնետել», – ասել է Կիսելյովը։

Նա հիշեցրել է, որ ՌԴ նախագահ Վլադիմիր Պուտինը հանձնարարել է քննել այս միջադեպն ամենաբարձր մակարդակում որքան հնարավոր է արագ և մանրամասն։

«Գթություն չպետք է լինի, սակայն չպետք է լինի նաև արագ և սխալ ինքնադատաստան, պետք է բացահայտվեն գործի բոլոր հանգամանքները, պետք է ապացուցվի այդ մարդու մեղքը և բոլոր նրանց հնարավոր կապը, ովքեր պետք է կիսեն պատիժը։ Անհրաժեշտ է արժանի կերպով անցնել այս վշտալի ժամանակի միջով», – նշել է Կիսելյովը։–0–

Loading...
Թեմատիկ նյութեր
Բաժնի այլ նյութեր
20:17
26 Հունիսի 2017
Ամիչ կամ ով է պատրաստել հայկական ձևով հնդկահավը Բաքու մեկնող օդանավի ուղևորների համար
«Նովոստի–Արմենիա» գործակալությունը որոշեց ավելի մանրամասն տեղեկանալ հայկական ավանդական խոհանոցի այս ճաշատեսակի մասին։
17:22
26 Հունիսի 2017
Սուրենյան. հուլիսն ուժեղ շոգերով է սկսվելու
Գագիկ Սուրենյանը տեղեկացնում է, որ հուլիսն ուժեղ շոգերով է սկսվելու։
15:13
26 Հունիսի 2017
Ծաղկամա՞ն, թե՞ գավաթ` վիճում են Գարիկն ու Հենրիխը (ՎԻԴԵՈ)
ՈՒՀԱ YouTube–ի ալիքում կարճ կատակ տեսանյութ է հրապարակվել` «Երալաշ»–ի ոճով։
13:59
26 Հունիսի 2017
Հազվագյուտ ալմաստն այսուհետ կկրի հայազգի լեգենդար հետախույզների անունը
Ռուսաստանում հազվագյուտ ալմաստն անվանակոչվել է ի պատիվ խորհրդային լեգենդար հետախույզներ Գևորգ և Գոհար Վարդանյանների:
13:29
26 Հունիսի 2017
Facebook–ից լուսանկարներ ներբեռնելը շուտով կարգելվի
Facebook սոցցանցը կարող է արգելել լուսանկարների ներբեռնումը։
16:37
25 Հունիսի 2017
ՌԴ-ում հոգեբանությունը կարող է ընդգրկվել դպրոցական ծրագրում
Դպրոցական ծրագրում Ռուսաստանում մինչև 2020 թվականը կարող է հոգեբանություն ընդգրկվել: 
15:08
25 Հունիսի 2017
iOS–ում նոր էմոտիկոններ կհայտնվեն
Նոր էմոտիկոնները կարող են հայտնվել iOS–ի թարմացումներից մեկում։
12:45
25 Հունիսի 2017
«Ժպտա, որ հաղթես». հայ աստղերը` քաղցկեղով հիվանդ երեխաներին նվիրված նոր տեսահոլովակում (ՎԻԴԵՈ)
Հայկական շոու–բիզնեսի աստղերը նոր տեսահոլովակ են նվիրել քաղցկեղով հիվանդ հայ երեխաներին։
20:35
24 Հունիսի 2017
Հայտնի է հոգնածությունից ազատվելու ամենաարդյունավետ միջոցը
Լոնդոնի Մարիա  թագուհու համալսարանի գիտնականները գտել են քրոնիկ հոգնածությունից ազատվելու  ամենաարդյունավետ միջոցը:  
19:45
24 Հունիսի 2017
Ինչպե՞ս ճիշտ կազմակերպել հանգիստը. խորհուրդ է տալիս հոգեբանը
Լավագույն հանգիստը գործունեության փոփոխությունն է:
18:30
24 Հունիսի 2017
Ուզու՞մ եք 5 օրում ազատվել ավելորդ 10 կգ-ից` գինի խմեք
Պարզվում է, որ գինին ոչ միայն համեղ ալկոհոլային ըմպելիք է, այլև կազմվածքը կարգի բերելու հիանալի միջոց:
15:58
24 Հունիսի 2017
Կոստա Ռիկայի նախագահը պատահաբար իշամեղու է կուլ տվել հարցազրույցի ժամանակ (ՎԻԴԵՈ)
Կոստա Ռիկայի նախագահ Լուիս Գիլյերմո Սոլիս Ռիվերան պատահաբար իշամեղու է կուլ տվել հարցազրույցի ժամանակ։