480.74
+0.03
511.65
+0.46
7.48
-0.03
+1
Եղանակը Երևանում
Հայ
Հայ–ռուսական երկրորդ երիտասարդական համաժողովը կանցկացվի աշնանը ՌԴ–ում
14:19
12 Փետրվարի 2015

ԵՐԵՎԱՆ, 12 փետրվարի. /Նովոստի-Արմենիա/. Հայ–ռուսական երկրորդ երիտասարդական համաժողովը կանցկացվի այս տարի աշնանը ՌԴ–ում, հինգշաբթի Երևանում ասաց ՀՀ սպորտի և երիտասարդության հարցերի փոխնախարար Արսեն Քարամյանը։

«Խորհրդանշական է, որ առաջին համաժողովն անցնում է Հայաստանում։ Համոզված եմ, որ հայ–ռուսական երկրորդ երիտասարդական համաժողովը, որը նախատեսվում է անցկացնել այս տարվա աշնանը Ռուսաստանում, կդառնա առաջինի օրգանական և տրամաբանական շարունակությունը», – ասաց Քարամյանը համաժողովի բացման ժամանակ։

«Կարծում եմ, որ այս հայ–ռուսական երիտասարդական համաժողովն ու հետագա միջոցառումները կդառնա ոչ միայն կայուն հիմք Հայաստանի և Ռուսաստանի երիտասարդության և երիտասարդական կազմակերպությունների հետ աշխատող պետական մարմինների միջև համագործակցության համար, այլ նաև մեր երկրների միջև որակապես նոր գործարար և բարեկամական հարաբերությունների սկիզբ», – ասաց Քարամյանը հինգշաբթի համաժողովի հանդիսավոր բացման ժամանակ։

Նրա խոսքերով` համաժողովի նպատակները, խնդիրներն ու թեմատիկ ուղղվածությունը լուրջ բանավեճերի առարկաներ են դարձել և թույլ կտան լուծել ժամանակակից կյանքի կարևորագույն մարտահրավերները։

«Հենց երիտասարդությունը, որը ցանկացած հասարակության ամենաակտիվ և ստեղծագործ մասն է, պետք է և կարող է գտնել ոչ միայն լուծումներ, այլ նաև առաջարկել ուղիներ բոլոր ոլորտներում մեր երկրների միջև փոխշահավետ համագործակցության համար, մշակել և իրականացնել զարգացման հեռանկարային ծրագրեր», – ասաց Քարամյանը։

Նրա կարծիքով` Հայաստանի և Ռուսաստանի համագործակցության որակը հիմնականում կախված է երկու երկրների երիտասարդությունից։

Երևանում անցկացվող առաջին հայ–ռուսական երիտասարդական համաժողովը կտևի մինչև փետրվարի 14-ը։

Համաժողովի նպատակն է ստեղծել կրթական տարածք երիտասարդների մասնակցությունը բարձրացնելու, միջմշակութային երկխոսության զարգացման և Հայաստանի և Ռուսաստանի երիտասարդների հումանիտար համագործակցության, երիտասարդական քաղաքականության ոլորտի զարգացմանն աջակցելու և երիտասարդների հետ աշխատելու, Հայաստանի և Ռուսաստանի երիտասարդական հասարակական միավորումների ցանց ստեղծելու համար։

Նախատեսվում է, որ համաժողովին հայկական կողմից կմասնակցեն նախարարությունների ղեկավարներն ու նրանց տեղակալները, որոնք պատասխանատու են միջազգային հարաբերությունների և երիտասարդական քաղաքականության ոլորտների զարգացման համար, իսկ ռուսական կողմից համաժողովին կմասնակցեն Երիտասարդների հարցերով դաշնային գործակալության ղեկավարը և տարբեր երիտասարդական կազմակերպությունների ներկայացուցիչներ։

Համաժողովի շրջանակում նախատեսվում է ստորագրել համագործակցության համաձայնագիր ՀՀ սպորտի և երիտասարդության հարցերի նախարարության և «Միջազգային երիտասարդական կենտրոն» ռուսական դաշնային պետական բյուջետային կազմակերպության միջև։

Ակնկալվում է, որ համաժողովի աշխատանքներին կմասնակցի մոտ 150 երիտասարդ Հայաստանից և Ռուսաստանից, պետական կառույցների և երիտասարդական շարժումների ներկայացուցիչներ։

Քննարկման հիմնական թեմաները կլինեն, մասնավորապես, տնտեսական համագործակցության հեռանկարները, համատեղ փոքր և միջին ձեռնարկությունների ստեղծումն ու զարգացումը ԵՏՄ–ի տարածքում, հասարակական դիվանագիտությունն ու երիտասարդական պառլամենտարիզմը, պատմական և մշակութային ժառանգության պահպանումը, միջմշակութային երկխոսությունը` որպես երիտասարդական համագործակցության խորացման միջոց (Հայրենական պատերազմի հաղթանակի 70–ամյակի շրջանակում)։

Համաժողովի մասնակիցները նաև կքննարկեն պետության և երիտասարդական հասարակական կազմակերպությունների համագործակցության մեխանիզմները։–0–

Loading...
Թեմատիկ նյութեր
Բաժնի այլ նյութեր
23:02
04 Դեկտեմբերի 2016
Շեքսպիրի 6-ամյա սիրահար Ալեքսանդր Բեյլերյանը ցնցել է հանդիսատեսին «Ամենից լավը» նախագծում (ՏԵՍԱՆՅՈՒԹ)
Հայազգի Ալեքսանդր Բեյլերյանը «Ամենից լավը» նախագծում ցուցադրել է Ուիլյամ Շեքսպիրի և տարբեր լեզուների իմացությունը:
19:12
04 Դեկտեմբերի 2016
Արքայանարնջի օգտակար հատկությունները
Արքայանարինջն իրավամբ համարվում է ձմեռային ամենասիրված հատապտուղներից մեկը և հիշեցնում է Ամանորի մասին:
20:25
03 Դեկտեմբերի 2016
Սուպերմոդելները «հարձակվել են» բուրգերների և ալկոհոլի վրա Victoria's Secret–ի շոուից հետո (ՏԵՍԱՆՅՈւԹ)
Փարիզում կայացած շոուից հետո Victoria's Secret–ի «հրեշտակները» գնացել են ռեստորան, որտեղ պատվիրել են կալորիաներով հարուստ ուտելիք, այդ թվում` բուրգեր, կարտոֆիլ «ֆրի» և ալկոհոլային կոկտեյլներ։
19:00
03 Դեկտեմբերի 2016
Մեր մոլորակի համար ամենավտանգավոր ժամանակն է. Սթիվեն Հոքինգ
Բրիտանացի ֆիզիկոս–տեսաբան Սթիվեն Հոքինգը կարծում է, որ այժմ «մեր մոլորակի ամենավտանգավոր ժամանակն է»։
18:15
03 Դեկտեմբերի 2016
Գիտնականները նշել են, թե ինչու է երեխաներին անհրաժեշտ օրվա խիստ ռեժիմ
Ծնողներին դժվար է լինում հետևել կարգապահության երեխայի դաստիարակության հարցում: Սակայն հոգեբանները վստահ են, որ ծնողները պետք է ձգտեն կարգուկանոնի, քանի որ օրվա ռեժիմին հետևելը շատ կարևոր է երեխաների համար երկարաժամկետ հեռանկարում։
11:22
03 Դեկտեմբերի 2016
Հայաստանի որոշ ճանապարհներ դժվարանցանելի են. Ջերմուկում ձնաբուք է
Լարսի անցակետը փակ է բոլոր տեսակի ավտոմեքենաների համար:
10:30
03 Դեկտեմբերի 2016
Հայաստանում ձյան տեսքով տեղումներ են սպասվում
Հաջորդ շաբաթվանից Հայաստանի գրեթե ողջ տարածքում սպասվում են ձյան տեսքով տեղումներ։
16:57
02 Դեկտեմբերի 2016
«Շոկոլադի բանկը» քաղցրավենիք կհավաքի Գյումրիի տնակներում բնակվող երեխաների համար
Նոր տարվա կապակցությամբ` Հայ օգնության ֆոնդն իրականցնում է «Շոկոլադի բանկ» նախաձեռնությունը` Գյումրիի տնակներում բնակվող երեխաների համար:
15:55
02 Դեկտեմբերի 2016
Արագածոտնի մարզում թույլ ձյուն է. Լարսի անցակետը փակ է
Դեկտեմբերի 2-ի ժամը 15.00-ի դրությամբ ՀՀ տարածքում ավտոճանապարհներն հիմնականում անցանելի են:
15:32
02 Դեկտեմբերի 2016
Քիմ Քարդաշյանը 2016 թ.-ին Instagram-ի ամենաճանաչված աստղերի հնգյակում է
Ամերիկահայ հեռուստաաստղ Քիմ Քարդաշյանը ներառվել է Instagram-ի ամենաճանաչված աստղերի հնգյակում:

12:33
02 Դեկտեմբերի 2016
Սեռական բնույթի գործողություններ են կատարվել 50-ամյա տղամարդու նկատմամբ Երևանում
50-ամյա տղամարդը հայտարարել է, որ 2 տղամարդիկ իր նկատմամբ սեռական բնույթի գործողություններ են կատարել:
20:26
01 Դեկտեմբերի 2016
Մառա Բաղդասարյանը հորն է ուղարկել դատարան իր փոխարեն
Սավյոլովի հաշտարար դատարանի նիստին չի ներկայացել մրցավազորդուհի Մառա Բաղդասարյանը։