485.25
-0.08
569.44
-2.72
8.18
-0.02
-2
Եղանակը Երևանում
Հայ
Հայ-ռուսական երիտասարդական համաժողովի մասնակիցներн անմոռուկի տեսքով կրծքանշաններ են ստացել
14:06
12 Փետրվարի 2015

ԵՐԵՎԱՆ, 12 փետրվարի. /Նովոստի–Արմենիա/. Հայ–ռուսական առաջին երիտասարդական համաժողովի մասնակիցները անմոռուկի տեսքով կրծքանշաններ են ստացել, որը խորհրդանշում է Հայոց ցեղասպանության 100–րդ տարելիցին նվիրված միջոցառումները։

«Համաժողովն անցնում է հայ ժողովրդի համար հատուկ նշանակություն ունեցող տարում։ Այս տարի Ցեղասպանության 100–րդ տարելիցն է, երբ մենք հիշում ենք Օսմանյան կայսրության կողմից ոչնչացված 1,5 մլն հայերին։ Սա Հայոց ցեղասպանության ճանաչման և դատապարտման համար մղվող մեր պայքարի ուժեղացման տարին է», – համաժողովի հանդիսավոր բացման ժամանակ ասաց ՀՀ սպորտի և երիտասարդության հարցերի փոխնախարար Արսեն Քարամյանը։

Арсен Карамян«Մենք համոզված ենք, որ այս տարի ևս Ցեղասպանության 100–րդ տարելիցին նվիրված միջոցառումներին մասնակցող տարբեր երկրների պատվիրակությունների թվում մեր կողքին կլինեն նաև ռուս ժողովրդի ներկայացուցիչները», – ասաց Քարամայնը։

Նա նշեց, որ 100–րդ տարելիցին նվիրված միջոցառումների հիմնական ուղերձը «Հիշիր» բառն է, և հենց այդ բառն է խորհրդանշում անմոռուկի տեսքով էմբլեմը։

«Այս անմոռուկները նաև խորհրդանշում են համամարդկային արժեքների նկատմամբ հավատարմությունը, դրանք պաշտպանելու պատրաստակամությունը։ Հայ ժողովուրդը, ի հակառակ ամեն ինչի, կարողացավ ոչ միայն վերածնվել և կենդանի մնալ, այլ նաև հասնել նոր ձեռքբերումների` պայքարելով չարիքի դեմ։ Համոզված եմ, որ հայ և ռուս ժողովուրդները միասին հետագայում ևս կհաղթահարեն հնարավոր փորձությունները, ինչպես դա եղել է ֆաշիզմի դեմ մղվող պայքարում», – ասաց նա։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։

Երևանում անցկացվող առաջին հայ–ռուսական երիտասարդական համաժողովը կտևի մինչև փետրվարի 14-ը։

Համաժողովի նպատակն է ստեղծել կրթական տարածք երիտասարդների մասնակցությունը բարձրացնելու, միջմշակութային երկխոսության զարգացման և Հայաստանի և Ռուսաստանի երիտասարդների հումանիտար համագործակցության, երիտասարդական քաղաքականության ոլորտի զարգացմանն աջակցելու և երիտասարդների հետ աշխատելու, Հայաստանի և Ռուսաստանի երիտասարդական հասարակական միավորումների ցանց ստեղծելու համար։

Նախատեսվում է, որ համաժողովին հայկական կողմից կմասնակցեն նախարարությունների ղեկավարներն ու նրանց տեղակալները, որոնք պատասխանատու են միջազգային հարաբերությունների և երիտասարդական քաղաքականության ոլորտների զարգացման համար, իսկ ռուսական կողմից համաժողովին կմասնակցեն Երիտասարդների հարցերով դաշնային գործակալության ղեկավարը և տարբեր երիտասարդական կազմակերպությունների ներկայացուցիչներ։

Համաժողովի շրջանակում նախատեսվում է ստորագրել համագործակցության համաձայնագիր ՀՀ սպորտի և երիտասարդության հարցերի նախարարության և «Միջազգային երիտասարդական կենտրոն» ռուսական դաշնային պետական բյուջետային կազմակերպության միջև։

Ակնկալվում է, որ համաժողովի աշխատանքներին կմասնակցի մոտ 150 երիտասարդ Հայաստանից և Ռուսաստանից, պետական կառույցների և երիտասարդական շարժումների ներկայացուցիչներ։

Քննարկման հիմնական թեմաները կլինեն, մասնավորապես, տնտեսական համագործակցության հեռանկարները, համատեղ փոքր և միջին ձեռնարկությունների ստեղծումն ու զարգացումը ԵՏՄ–ի տարածքում, հասարակական դիվանագիտությունն ու երիտասարդական պառլամենտարիզմը, պատմական և մշակութային ժառանգության պահպանումը, միջմշակութային երկխոսությունը` որպես երիտասարդական համագործակցության խորացման միջոց (Հայրենական պատերազմի հաղթանակի 70–ամյակի շրջանակում)։

Համաժողովի մասնակիցները նաև կքննարկեն պետության և երիտասարդական հասարակական կազմակերպությունների համագործակցության մեխանիզմները։–0–

Loading...
Թեմատիկ նյութեր
Բաժնի այլ նյութեր
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։
17:00
09 Դեկտեմբերի 2017
18 երկրների գեղեցկուհիներ ժամանել են Երևան` «Թոփ մոդել ԱՊՀ-2017» գեղեցկության մրցույթին մասնակցելու համար (ՖՈՏՈ)
«Թոփ մոդել ԱՊՀ- 2017» գեղեցկության մրցույթը կանցկացվի դեկտեմբերի 10-ին Երևանում:
15:48
09 Դեկտեմբերի 2017
4 ռուսերեն բառեր, որոնք փոխառված են հայերենից
Հայերենը հնդեվրոպական լեզվաընտանիքի առանձին ճյուղ է։ Այն աշխարհի հնագույն լեզուներից մեկն է, այդ իսկ պատճառով հայերեն արմատներով բառերը ռուսերենի հնագույն բառերից են։
14:25
09 Դեկտեմբերի 2017
Վիտամինային ռումբ. արքայանարնջի 6 օգտակար հատկությունները
Տարվա ցուրտ ժամանակ մեր օրգանիզմը վիտամինների և օգտակար նյութերի կարիք ունի:
11:37
09 Դեկտեմբերի 2017
«Հայր մեր» աղոթքի տողերից մեկի թարգմանությունը կարող է փոխվել
Հռոմեակաթոլիկ եկեղեցին պետք է փոխի Տերունական աղոթքի «... և մի տանիր մեզ փորձության» տողի թարգմանությունը հին հունարենից։
11:34
09 Դեկտեմբերի 2017
Մահացել է Լեոնիդ Բրոնևոյը
Կյանքի 89-րդ տարում մահացել է արտիստ Լեոնիդ Բրոնևոյը: