486.21
-0.98
517.62
-1.72
8.15
+0.04
-3
Եղանակը Երևանում
Հայ
Բանկային հաշվեհամարը, որի մասին լուրեր են պտտվում ԶԼՄ–ներում, Գարեգին Բ Կաթողիկոսի անձնական հաշիվը չէ. Վահրամ քահանա Մելիքյան
16:45
11 Փետրվարի 2015

ԵՐԵՎԱՆ, 11 փետրվարի. /Նովոստի–Արմենիա/. Բանկում առկա հաշվեհամարը, որի մասին լուրեր են շրջանառվում մամուլում, Ամենայն Հայոց Գարեգին Բ կաթողիկոսի անձնական հաշվեհամարը չէ, չորեքշաբթի լրագրողներին հայտնեց Մայր Աթոռ սբ. Էջմիածնի տեղեկատվական ծառայության տնօրեն Վահրամ քահանա Մելիքյանը:

Օրերս Հետաքննող լրագրողների միջազգային կոնսորցիումը (ICIJ) ներկայացրել էր «Շվեյցարական սալորներ» (Swiss Leaks) նախագիծը, որի շրջանակում հրապարակել էր 1988-2007 թվականների գաղտնազերծված փաստաթղթերը, որոնք ներկայացնում են մանրամասներ HSBC բանկի ավելի քան 100 000 հաճախորդների մասին։ Հրապարակումների համաձայն` Հայաստանի հաճախորդների թվում է նաև Ամենայն Հայոց Գարեգին Բ Կաթողիկոսը, ով բանկի հաճախորդների ցուցակում առաջին անգամ հայտնվել է 2000 թվականին։ Նրա անունը կապում են «Նորին Սրբություն Գարեգին Բ Ներսես» անվանով հաշվի հետ, որի վրա 2006-2007 թվականներին եղել է շուրջ 1.1 մլն դոլար։

«Վերադառնալով վերջին օրերին ԶԼՄ–ներում պտտվող տեղեկությանը` անհրաժեշտ եմ համարում հաստատել այն փաստը, որ HSBC բանկում եղել և մինչ օրս գործում է հաշիվ Ամենայն Հայոց Գարեգին Բ Կաթողիկոսի անունով։ Մի քանի օր առաջ Մայր Աթոռ Սուրբ Էջմիածինը պարզաբանումներ է տվել այդ առիթով։ Մեկ այլ հարց է` ընդունվե՞լ են այդ պարզաբանումները հասարակության կողմից, թե՞ ոչ»,– նշել է քահանա Մելիքյանը։

Նա ավելացրել է, որ այն բանկային հաշիվը, որը, ինչպես ասում են շատերը, գաղտնազերծվել է, մասնավոր չի եղել` Ամենայն Հայոց Կաթողիկոսն ընդամենը տնօրինում է այդ հաշվին, ինչպես որ գլխավորում է Հայկական Եկեղեցին։

Հոգևորականը նշել է, որ այդ տեղեկությունը տարածել է HSBC–ի նախկին աշխատակիցը` գողացված տվյալների հիման վրա։ «Ճշմարտությունն այն է, որ բանկային հաշվեհամարը, որի մասին խոսվում է, բացվել է դեռ Գարեգին Ա Կաթողիկոսի ժամանակ մի բարերարի կողմից, ում անունը չեմ նշի։ Եվ կաթողիկոսի մահից հետո, ինչպես և պետք է լիներ, ձևակերպվել է Գարեգին Բ Կաթողիկոսի անունով»,– նկատել է նա։

«ԶԼՄ–ներում նշված գումարներից 1 մլն դոլարն անձեռնմխելի գումար է։ Մնացած 100 հազար դոլարն այդ գումարից ձևավորված շահույթն է։ Անձեռնմխելի գումարը չի կարող օգտագործվել, իսկ շահույթը կարող է ուղղվել բարեգործական նպատակների»,– ավելացրել է քահանա Մելիքյանը։

Ըստ նրա` հաշվեհամարը տնօրինում են Կաթողիկոսի ստորագրմամբ փաստաթղթերով, իսկ Մայր Աթոռ Սուրբ Էջմիածնի ֆինանսական հարցերով զբաղվում են վստահելի անձինք։

«Ամենայն Հայոց Վազգեն Ա Կաթողիկոսի օրոք նույնպես գոյություն ուներ նմանատիպ հաշվեհամար, որը կա մինչ օրս։ Եվ նրա մահից հետո այդ հաշվեհամարն օգտագործելու համար բանկը պահանջել է այն անվանափոխել։ Քանի որ օրենքով հաշվեհամարը չէր կարելի գրանցել եկեղեցու անունով, այն ձևակերպել են հաջորդ Ամենայն Հայոց Կաթողիկոսի անունով»,– ասել է Մելիքյանը։

Նա նշել է նաև, որ այսօրվա դրությամբ Հայկական Եկեղեցուն պատկանող բոլոր բանկային հաշվեհամարներն առավելագույնս ապահովագրված են ինչպես Հոգաբարձուների խորհրդի գործունեությամբ, այնպես էլ այլ անհրաժեշտ եղանակներով։ -0-

Loading...
Թեմատիկ նյութեր
Բաժնի այլ նյութեր
12:08
23 Հունվարի 2017
Տաշ Սարգսյանը կհեռանա «Մատչ ՏՎ» ալիքի թոփ–մենեջմենթից
Արտաշես Սարգսյանը հունվարի վերջին կհեռանա «Մատչ ՏՎ» ալիքի մարզական հեռարձակումների տնօրինության գլխավոր խմբագրի պաշտոնից։
10:55
23 Հունվարի 2017
Միջերկրական ծովից ցիկլոն է մոտենում Հայաստանի տարածքին
Հունվարի 26-ի գիշերը բոլոր մարզերում եղանակը կտաքանա 8-10 աստիճանով։
19:25
21 Հունվարի 2017
ԱՄՆ-ում շունը փրկել է տիրոջը ցրտահարությունից` շուրջ 20 ժամ նրա վրա պառկելով (ԼՈՒՍԱՆԿԱՐՆԵՐ)
ԱՄՆ-ում ոսկեգույն ռետրիվեր ցեղատեսակի շունը կարողացել է փրկել իր տիրոջ կյանքը` շուրջ 24 ժամ նրա վրա պառկելով։
18:10
21 Հունվարի 2017
Իտալիայում կարապների պատկերով «կենդանի» որմնանկար է ստեղծվել (ՏԵՍԱՆՅՈՒԹ)
Էրոն մականվամբ իտալացի գրաֆիտի նկարիչը Իտալիայի Սան Կլեմենտե քաղաքում ստեղծել է «կենդանի» որմնանկար, որտեղ պատկերել է կարապների երամ:
17:03
21 Հունվարի 2017
Մեծ Բրիտանիայում բորտուղեկցորդուհուն հեռացրել են աշխատանքից բուտերբրոդ ուտելու համար
EasyJet ընկերության բորտուղեկցորդուհին հեռացվել է աշխատանքից բեկոնով բուտերբրոդ գողանալու մասին ծառայողական քննության ավարտից հետո։
16:35
21 Հունվարի 2017
Սախալինում կինը գտել է կես մլն եվրո և ողջ գումարը վերադարձրել տիրոջը
Սախալինում կինը գտել է կես մլն եվրո, 15 հազար դոլար և 1,5 մլն ռուբլի ու ողջ գումարը վերադարձրել է տիրոջը։
14:56
19 Հունվարի 2017
Զգուշացում. այս օրերին հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն
Տեղեկատվության անվտանգության փորձագետ Սամվել Մարտիրոսյանը զգուշացնում է, որ այսօր և վաղը հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն:
11:23
19 Հունվարի 2017
Մոսկվայաբնակ հայ գործարարի առևանգված դստերը գտել են Հայաստանում
Իրավապահները պարզել են Մոսկվայաբնակ հայ գործարարի 16–ամյա դստեր գտնվելու վայրը։
20:11
18 Հունվարի 2017
Երևանում նախօրեին եռյակ է ծնվել
Նախօրեին` հունվարի 17-ին, Երևանում եռյակ է ծնվել։
14:34
18 Հունվարի 2017
ՌԴ Կենտրոնական բանկը հայկական թեմայով հուշադրամներ կթողարկի
Ռուսաստանի Կենտրոնական բանկը 2017 թվականին հայկական թեմայով հուշադրամներ կթողարկի։
14:24
18 Հունվարի 2017
Մառա Բաղդասարյանն արժանի է բանտի. Ժիրինովսկի
ՌԱԴԿ առաջնորդ Վլադիմիր Ժիրինովսկին լրագրողների հետ զրույցում ասել է, որ ավտոմրցավազորդ Մառա Բաղդասարյանն արժանի է պատժի:
13:50
18 Հունվարի 2017
Մերձմոսկվայի հայ գործարարի դստերը կարող էին առևանգել կոլեկտորները կամ նախկին գործընկերը
Մերձմոսկովյան Սոլնեչնոգորսկի շրջանի հայ գործարարի տասնվեցամյա դստերը կարող էին առևանգել կոլեկտորները կամ հոր նախկին գործընկերը: