484.75
-0.5
571.76
+2.32
8.19
+0.01
+1
Եղանակը Երևանում
Հայ
Հայոց ցեղասպանության 100-րդ տարելիցից հետո կսկսվի փոխհատուցումների դարաշրջանը. փորձագետ
17:02
07 Փետրվարի 2015

ԵՐԵՎԱՆ, 7 փետրվարի. /Նովոստի-Արմենիա/. Հայոց ցեղասպանության 100-րդ տարելիցից հետո կսկսվի փոխհատուցումների դարաշրջանը, կարծում է ՀՀ ԳԱԱ Պատմության ինստիտուտի տնօրեն Աշոտ Մելքոնյանը:

Հունվարի 29-ին ՀՀ նախագահ Սերժ Սարգսյանն ընթերցել է Համահայկական հռչակագիրը, որը միաձայն ընդունվել է Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի նիստում: Հռչակագրում, մասնավորապես, նշվում է, որ հանձնաժողովն արտահայտում է Հայաստանի և հայ ժողովրդի միասնական կամքը` Հայոց ցեղասպանության փաստի համաշխարհային ճանաչման հասնելու և ցեղասպանության հետևանքների հաղթահարման հարցում, ինչի համար մշակում է իրավական պահանջների թղթածրար՝ դիտելով այն անհատական, համայնքային և համազգային իրավունքների և օրինական շահերի վերականգնման գործընթացի մեկնարկ:

Մելքոնյանի խոսքերով` ապրիլի 24-ից հետո հայ ժողովրդի պայքարը պետք  է ուղղվի հասցված վնասի դիմաց փոխհատուցում ստանալուն, և նոր հարյուրամյակը կդառնա հաղթանակի հարյուրամյակ: «Ես դժգոհ եմ այն փաստից, որ Հռչակագրի տեքստում չի նշվում, որ խոսքը Արևմտյան Հայաստանի տարածքների մասին է...Միայն Ռուսաստանի Դաշնությունը Ցեղասպանությունն ընդունելիս իր փաստաթղթերում նշել է «հայերի պատմական հայրենիքում» արտահայտությունը», - նշեց Մելքոնյանը:

Պատմաբանի խոսքերով` Ցեղասպանությունը զրկել է հայերին իրենց պատմական հայրենիքից, այդ պատճառով շատ կարևոր է ցանկացած փաստաթղթում նշել, որ այդ հանցագործությունն իրականացվել է Արևմտյան Հայաստանի տարածքում, ինչը հետագայում կօգնի Թուրքիային ներկայացնել կոնկրետ պահանջներ:

ՀՀ ՍԴ խորհրդատվական բաժնի պետ Վլադիմիր Վարդանյանն իր հերթին նշեց, որ երբ խոսքն իրավական փաստաթղթերի փաթեթի մասին է, ապա բոլորը պետք է հասկանան, թե կոնկրետ ինչ պահանջների մասին է խոսվում և ում են ներկայացվում պահանջները, քանի որ զգալի նյութական վնաս է հասցվել: «Հարկավոր է գործել հասցված վնասի չափերին համապատասխան», - նշեց նա:

Վարդանյանի խոսքերով` նման իրավաբանական փաստաթուղթը չի կարելի պատրաստել մեկ օրում, և այն լիարժեք չի լինի հրապարակման օրը, քանի որ հետագայում ևս թարմացվելու և լրամշակվելու է, քանի որ այս գործընթացը ստատիկ չէ, այլ` դինամիկ:

Փորձագետը նաև ընդգծեց, որ իրավական փաստաթղթերում հարկավոր է նշել նյութական պահանջները, բարոյական վնասը, ֆիզիկական անձանց, պետության նկատմամբ ունեցած պահանջները, և այդ հարցերը պետք է հիմնովին ուսումնասիրվեն:

«Եթե խոսքը ֆիզիկական անձին հասցված վնասի մասին է, ապա Հայաստանն իրավունք և հնարավորություն ունի դիմելու տարբեր մարմիններին, այդ թվում` Մարդու իրավունքների եվրոպական դատարան և ՄԱԿ-ի միջազգային դատարան: Ամեն դեպքում միջազգային իրավունքի տեսակետից կոնկրետ պահանջ ներկայացնելուց առաջ հարկավոր է հաշվի առնել այն երկրների շահերի հետ կապված խնդիրները, որին ներկայացվում են պահանջները», - ավելացրեց Մելքոնյանը:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ --0-

 

Loading...
Թեմատիկ նյութեր
Բաժնի այլ նյութեր
11:08
11 Դեկտեմբերի 2017
Դավիթ Այվազյանն ու Աստղիկ Մխիթարյանը գերել են ռուսական «Ты супер! Танцы» շոուի ժյուրիին և հանդիսատեսին (ՎԻԴԵՈ)
17–ամյա Դավիթ Այվազյանն ու 15–ամյա Աստղիկ Մխիթարյանը փայլուն ելույթ են ունեցել «Ты супер! Танцы» միջազգային շոուի կիսաեզրափակչում։
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։
17:00
09 Դեկտեմբերի 2017
18 երկրների գեղեցկուհիներ ժամանել են Երևան` «Թոփ մոդել ԱՊՀ-2017» գեղեցկության մրցույթին մասնակցելու համար (ՖՈՏՈ)
«Թոփ մոդել ԱՊՀ- 2017» գեղեցկության մրցույթը կանցկացվի դեկտեմբերի 10-ին Երևանում:
15:48
09 Դեկտեմբերի 2017
4 ռուսերեն բառեր, որոնք փոխառված են հայերենից
Հայերենը հնդեվրոպական լեզվաընտանիքի առանձին ճյուղ է։ Այն աշխարհի հնագույն լեզուներից մեկն է, այդ իսկ պատճառով հայերեն արմատներով բառերը ռուսերենի հնագույն բառերից են։
14:25
09 Դեկտեմբերի 2017
Վիտամինային ռումբ. արքայանարնջի 6 օգտակար հատկությունները
Տարվա ցուրտ ժամանակ մեր օրգանիզմը վիտամինների և օգտակար նյութերի կարիք ունի:
11:37
09 Դեկտեմբերի 2017
«Հայր մեր» աղոթքի տողերից մեկի թարգմանությունը կարող է փոխվել
Հռոմեակաթոլիկ եկեղեցին պետք է փոխի Տերունական աղոթքի «... և մի տանիր մեզ փորձության» տողի թարգմանությունը հին հունարենից։