485.16
+0.79
562.93
-1.22
8.23
-0.05
+9
Եղանակը Երևանում
Հայ
Ռուսաստանի մասին հայկական մեդիայի հրապարակումների ավելի քան 60%–ը չեզոք բնույթ է կրում. ուսումնասիրություն
17:46
05 Փետրվարի 2015

ԵՐԵՎԱՆ, 5 փետրվարի. /Նովոստի–Արմենիա/. Ռուսաստանի մասին հայկական լրատվական ինտերնետային ռեսուրսներում հրապարակումների ավելի քան 60 տոկոսը չեզոք բնույթ է կրում, ասաց «Ռեգիոն» հետազոտական կենտրոնի տնօրեն Լաուրա Բաղդասարյանը` ներկայացնելով կատարված հետազոտության արդյունքները։

«Ռուսաստանը հայկական մեդիայում» հետազոտությունն իրականացրել է «Ռեգիոն» հետազոտական կենտրոնը 2014 թվականի հոկտեմբերի 1–ից մինչև նոյեմբերի 30–ը «Արդիական երկխոսություններ Հայաստանի ինտեգրացիոն նոր օրակարգի մասին» ծրագրի շրջանակում, որը ֆինանսավորում է ԱՄՆ–ի դեսպանության հասարակայնության հետ կապերի գրասենյակը։

«Ուսումնասիրությունը ցույց է տվել, որ հետազոտման համար ընտրված կայքերում հրապարակվող տեղեկատվության 7 տոկոսը վերաբերում է Ռուսաստանին։ Ռուսաստանի մասին նյութերի շարքում հրապարակումների 61 տոկոսը չեզոք է, 29 տոկոսը` բացասական, 10 տոկոսը` դրական»,– հինգշաբթի մամուլի ասուլիսում ասաց Բաղդասարյանը։

Նա նշեց, որ հետազոտությունում դիտարկվել են ութ ինտերնետ ռեսուրսների` 1in.am, news.am, lragir.am, aravot.am, ilur.am, yerkir.am, 7or.am, հրապարակումները։ Ընտրության սկզբունքները, ըստ նրա, առանձին քաղաքական ուժերին հավատարմությունն է կամ անկախությունը, գործունեության ժամկետը 2–ից մինչև 16 տարի, օրական 60–ից մինչև 280 նյութերի թողարկում, կայուն լսարանի առկայություն, ինչպես նաև Հայաստանում որոշակի հասարակական կարծիքի ձևավորում։ 

«Ռուսաստանին նվիրված նյութերի 40 տոկոսը սեփական նյութեր են, 7 տոկոսը վերցվել են հայկական այլ աղբյուրներից, 43 տոկոսը` օտարերկրյա աղբյուրներից, այդ թվում` ռուսական, հրապարակումների 9 տոկոսը պաշտոնական տեղեկատվություն է, 1 տոկոսը` սոցիալական ցանցեր»,– ասաց Բաղդասարյանը։

Նա նշեց, որ Ռուսաստանի նկատմամբ մեծ հետաքրքրություն է դրսևորվում այլ երկրների համեմատ։

«Ռուսաստանի նկատմամբ ագրեսիվության ցուցիչը կազմում է 0.48, ինչը բացասական և չեզոք նյութերի հարաբերակցություն է։ Հարկ է նշել, որ վերջին տարիների ընթացքում այն գրեթե չի փոխվել։ Նույնն էլ վերաբերում է բարեկամական տրամադրվածությանը, որը կազմում է 0.15»,– հայտնեց Բաղդասարյանը։

Ըստ նրա` Ռուսաստանի մասին հրապարակած նյութերի թեմատիկան կիսվում է հետևյալ կերպ` 50 տոկոսը նյութեր են հենց այդ երկրի մասին, 43 տոկոսը վերաբերում են Հայաստանի և Ռուսաստանի միջև հարաբերություններին, նյութերի 7 տոկոսը արտացոլում է Ռուսաստանի նկատմամբ վերաբերմունքը։ Միաժամանակ, Ռուսաստանի մասին նյութերի 93 տոկոսը Հայաստանում գրվում է տեղեկատվական առիթներով։

«Ռուսաստանի կերպարի մասին ուսումնասիրությունը հայկական մեդիայում կատարվել է այն պատճառով, որ 2014 թվականին բազմիցս քննարկվել է այն հարցը, թե ինչպես է ներկայացված Ռուսաստանի կերպարը հայկական մեդիայում, ինչպես նաև ամբողջ տարվա ընթացքում քննարկվել է ԵՏՄ–ին Հայաստանի ինտեգրման գործընթացը։ Հետազոտության ևս մեկ պատճառն էլ այն փաստն է, որ 2014 թվականին Ռուսաստանը տեղեկատվական պատերազմի մեջ է մտել Արևմուտքի հետ, և ցանկություն է առաջացել հասկանալու, թե ինչպես է դա անդրադարձել Հայաստանի մեդիայի վրա»,– ասաց «Ռեգիոն» հետազոտական կենտրոնի տնօրենը։

Տարակուսանք է առաջացնում այն փաստը, որ ուսումնասիրված ԶԼՄ–ների թվում ընդգրկված չէր «Նովոստի–Արմենիա» լրատվական գործակալության կայքը, որը նյութեր է հրապարակում ինչպես ռուսերեն, այնպես էլ հայերեն լեզուներով և մեջբերման ինդեքսով հայկական մեդիաշուկայի առաջատարներից է։ -0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։