481.77
-0.24
540.26
-0.7
8.5
-0.06
+17
Եղանակը Երևանում
Հայ
«Ռոսիա սեգոդնյա»–ն բացել է Անդրեյ Ստենինի անվան ֆոտոմրցույթի աշխատանքների ընդունելություն
19:29
02 Փետրվարի 2015

ԵՐԵՎԱՆ, 2 փետրվարի. /Նովոստի–Արմենիա/. Սկսվել է ՌԴ–ի`ՅՈՒՆԵՍԿՕ–ի գործերով հանձնաժողովի հովանու ներքո «Ռոսիա սեգոդնյա» ՄԼԳ–ի կողմից անցկացվող Անդրեյ Ստենինի անվան միջազգային ֆոտոմրցույթի աշխատանքների ընդունելությունը։ Հիշեցնենք, որ Անդրեյ Ստենինը զոհվել է 33 տարեկան հասակում 2014 թվականի օգոստոսին Ուկրաինայի արևելքում խմբագրական առաջադրանքի կատարման ժամանակ, հաղորդում է ՌԻԱ Նովոստին։

Մրցույթի նպատակն է` օժանդակել երիտասարդ լուսանկարիչներին պրոֆեսիոնալ վարպետությանը ձգտելու հարցում և բացվել է 18-34 տարեկան մասնակիցների համար։ Աշխատանքների ընդունելությունն անցկացվում է www.stenincontest.ru կայքում 2015 թվականի փետրվարի 2–ից ապրիլի 15–ը։

Մրցույթի ժյուրիում են ռուսական և համաշխարհային ֆոտոհանրության առաջատար ներկայացուցիչներ, որոնց թվում են` Մոսկվայի Արտ Թանգարան Մուլտիմեդիայի տնօրեն Օլգա Սվիբլովան Москва (ՄԱԹՄ), World Press Photo մրցույթի բազմակի հաղթող և ժյուրիի անդամ, Reuters և The Associated Press համաշխարհային լրատվական գործակալությունների ֆոտոծառայությունների ղեկավարներ Գրիգորի Դուկորը և Դենի Պակենը ու այլոք։

Հաղթողների պարգևատրման արարողությունը կկատարվի 2015 թվականի հունիսի 3–ին Մոսկվայում։

Ինչպես նշել է Օլգա Սվիբլովան` մեկնաբանելով մրցույթը, իր կարճ ստեղծագործական գործունեության ընթացքում Անդրեյ Ստենինն իր էջերն է գրել Ռուսաստանի պատմության մեջ, Մոսկվայի պատմության, 21–րդ դարի պատմության մեջ։ Երկու անգամ դարձել է Մոսկվայի մասին «Արծաթե տեսախցիկ» լավագույն ֆոտոռեպորտաժի մրցույթի մրցանակակիր` 2010 թվականին «Մանեժնայա հրապարակ» լուսանկարների շարքի համար, 2013–ին` «Զուգահեռ աշխարհներ» շարքի համար։

«Կա մի արտահայտություն` «Ոչ մի օր առանց մի տողի»` Անդրեյ Ստենինը նկարում էր ամենուր, միշտ, նոր թեմաներ, գեղարվեստական նոր լեզու էր փնտրում։ Անդրեյ Ստենինի անվան` «Ռոսիա սեգոդնյա» միջազգային լրատվական գործակալության հիմնած ֆոտոլրագրության միջազգային մրցույթը շատ կարևոր է։ Այն թույլ է տալիս նոր անուններ բացահայտել, աջակցում է երիտասարդ վարպետներին, նրանց նոր նախագծեր իրագործելու հնարավորություն է տալիս։ Մրցույթը բարձարցնում է ֆոտոլրագրողի մասնագիտության հեղինակությունը, մեզ բոլորիս աշխարհը երիտասարդների աչքերով տեսնելու հնարավորություն է տալիս և պահպանում է ժամանակակից պատմությունն ապագա սերունդների համար»,– ասաց նա։

Ստենինի ծննդյան օրը` 2014 թ.–ի դեկտեմբերի 22–ին, «Ռոսիա սեգոդնյա» ՄԼԳ–ն հայտարարել էր 18–33 տարեկան պրոֆեսիոնալ լուսանկարիչների մրցույթի մասին, որը կտևի մինչև 2015 թ.–ի հունիսի 3–ը։ Մրցույթը կունենա չորս անվանակարգ` «Գլխավոր նորություններ», «Առօրյա խնդիրներ», «Սպորտ» և «Առօրյա կյանք» և երեք մրցանակային տեղ` առանձին լուսանկարի և ֆոտոշարի համար։ «Գրան պրին» կընտրվի ժյուրիի անդամների ձայների մեծամասնությամբ մրցույթի բոլոր անվանակարգերում հայտավորված լավագույն աշխատանքներից։

Առաջին տեղի համար սահմանված է 50 հազար ռուբլի, երկրորդ տեղի համար` 35 հազար ռուբլի, երրորդ տեղի համար` 25 հազար ռուբլի հարկերի վճարումից հետո։ Եվ, իհարկե, կլինի Գրան–պրի, որին կարժանանա այն լրագրողը, ով կներկայացնի առավել հասուն, վառ և հետաքրքիր աշխատանքներ։ Գրան–պրիի համար սահմանված է 500 հազար ռուբլի

Մրցույթի շրջանակում համաշխարհային ֆոտոհանրության ներկայացուցիչներին հնարավորություն կընձեռվի նոր անուններ բացահայտել ֆոտոլրագրության մեջ, աջակցել և զարգացնել ֆոտոլրագրության բարձր չափանիշները, Ռուսաստանում և աշխարհում ձևավորել վավերագրական լուսանկարչության որակի չափանիշները։

Մրցույթի նպատակն է հանրաճանաչ դարձնել լուսանկարչությունը, հանրության ուշադրությունը գրավել ֆոտոլրագրության նպատակների և խնդիրների վրա, ինչպես նաև աջակցել երիտասարդ լուսանկարիչներին։ Հենց նրանք են մասնակցելու մրցույթին։

Մրցանակաբաշխությունը, ինչպես նաև մրցութային աշխատանքների ցուցահանդեսի բացումը տեղի կունենա 2015 թ.––ի հունիսի 3–ին Մոսկվայի ցուցահանդեսային հարթակներից մեկում։–0–

Loading...
Թեմատիկ նյութեր
Բաժնի այլ նյութեր
21:56
27 Մայիսի 2017
Բագրատունյաց պողոտայում վրաերթի ենթարկված 4–ամյա փոքրիկը միացված է արհեստական շնչառության
Նախօրեին Երևանի Բագրատունյաց պողոտայում բեռնատարի կողմից վրաերթի ենթարկված 4–ամյա երեխայի վիճակը ծայրահեղ ծանր է:
20:25
27 Մայիսի 2017
Կեղծարարները բանկային քարտից գումար շորթելու նոր միջոց են գտել
Օգտատերերին խաբելու համար հաքերներն օգտագործում են մի քանի սխեմա:
19:13
27 Մայիսի 2017
Հայտնի է կնոջ ամենասեքսուալ հասակն ու քաշը
Գիտնականները պնդում են, որ ուղղակի կապ են գտել կնոջ մարմնի ծավալի և սեքսուալության միջև։
18:04
27 Մայիսի 2017
Ի՞նչ է նշանակում ձեր փոքրիկի ծննդյան ժամը
Երեխայի լույս աշխարհ գալու ժամը մեծ ազդեցություն է ունենում ապագայում նրա անձի ձևավորման վրա։
15:28
27 Մայիսի 2017
3 նիհարեցնող և օգտակար ամառային կոկտեյլներ (ՏԵՍԱՆՅՈՒԹ)
Ամռանը հաշված օրեր են մնացել, և եթե ցանկանում եք շտկել ձեր կազմվածքը, կարող եք ամառային կոկտեյլներ խմել նախաճաշին:
19:14
26 Մայիսի 2017
Երևանում վրաերթի ենթարկված 4-ամյա տղան վիրահատվում է
Այսօր Երևանի Բագրատունյաց փողոցում բեռնատարի կողմից վրաերթի ենթարկված 4–ամյա փոքրիկը վիրահատվում է:
12:14
26 Մայիսի 2017
Ինքնաթիռում ծխելը` 9 տարվա ազատազրկման պատճառ
2015 թ-ին բրիտանացի Ջոն Կոկսը ինքնաթիռում հրդեհի պատճառ էր դարձել` ծխելով զուգարանում:
11:45
26 Մայիսի 2017
«Поедем, поедим!»–ն եկել է Հայաստան (ՏԵՍԱՆՅՈՒԹ)
Ռուսական НТВ հեռուստաալիքի  «Поедем, поедим!» հաղորդման թողարկումներից մեկը նվիրված կլինի Հայաստանին։

14:52
25 Մայիսի 2017
ggTaxi–ն առաջարկում է հաճախորդներին ակտիվացնել Heno պրոմոկոդն ու զեղչ ստանալ
ggTaxi–ն իր հաճախորդներին առաջարկում է ակտիվացնել Heno պրոմոկոդն և ուղևորափոխադրման համար 200 դրամ զեղչ ստանալ:
12:56
25 Մայիսի 2017
12 ժամ ջուր չի լինի Գյումրու որոշ շրջաններում
Գյումրիում վթարային ջրանջատում է նախատեսված։
10:15
25 Մայիսի 2017
ԱՄՆ–ի Միրթլ Բիչ քաղաքը ճանաչեց Հայոց ցեղասպանությունը (ՏԵՍԱՆՅՈՒԹ)
ԱՄՆ Հարավային Կարոլինա նահանգում գտնվող Միրթլ Բիչ քաղաքը ճանաչեց Հայոց ցեղասպանությունը։