485.16
+0.79
562.93
-1.22
8.23
-0.05
+8
Եղանակը Երևանում
Հայ
Պետական հանձնաժողովը ներկայացրել է Հայոց ցեղասպանության 100–րդ տարելիցին նվիրված միջոցառումների ծրագիրը
19:20
30 Հունվարի 2015

ԵՐԵՎԱՆ, 30 հունվարի. /Նովոստի–Արմենիա/. Հայոց ցեղասպանության 100–րդ տարելիցին նվիրված միջոցառումների համակարգող, ՀՀ նախագահի աշխատակազմի ղեկավար Վիգեն Սարգսյանն ուրբաթ ներկայացրել է ապրիլյան միջոցառումների ծրագիրը։

«Ապրիլի 18–20–ը Երևանում տեղի կունենա «Արարատի ստորոտին» խորագրով միջազգային մեդիա համաժողովը, որին կմասնակցեն համաշխարհային ԶԼՄ–ների ներկայացուցիչներն ու ԱՊՀ երկրների լրագրողները։ Մեդիա համաժողովի շրջանակում հեղինակավոր օտարերկրյա ԶԼՄ–ներին հնարավորություն կտրվի պատշաճ կերպով լուսաբանել ապրիլի 22–24–ը նախատեսված միջոցառումները», – ասաց Սարգսյանը։

Նրա խոսքով` ապրիլի 22–23–ին Երևանում տեղի կունենա «Ընդդեմ ցեղասպանության հանցագործության» համաշխարհային խորհրդաժողովը, որին կմասնակցեն տարբեր երկրների գործադիր և օրենսդիր իշխանությունների ներկայացուցիչներն ու հոգևոր առաջնորդներ։

Բացի այդ, ապրիլի 23–ին Մայր Աթոռ Սուրբ Էջմիածնում տեղի կունենա Հայոց ցեղասպանության նահատակների և մարտիրոսների սրբադասման արարողությունը։

Նույն օրը Երևանում ելույթ կունենա «System of a Down» աշխարհահռչակ ռոք–խումբը` «Wake up the Souls» (Արթնացեք, հոգիներ) աննախադեպ համերգային ծրագրով։

Սարգսյանի խոսքով` Հայոց ցեղասպանության 100–րդ տարելիցին նվիրված միջոցառումները համակարգող պետական հանձնաժողովը որոշել է, որ հենց «System of a Down» խմբի մասնակիցները կարող են արվեստի միջոցով աշխարհին պատմել Ցեղասպանության մասին։

«Ապրիլի 23–ի երեկոյան տեղի կունենա նաև ավանդական ջահերով երթը դեպի Ծիծեռնակաբերդ», – նշեց Սարգսյանը։

Նրա խոսքով` ապրիլի 24–ի առավոտյան Ծիծեռնակաբերդի բարձունքում տեղի կունենա Հայոց ցեղասպանության զոհերի ոգեկոչման արարողությունը՝ արտասահմանյան պատվիրակությունների մասնակցությամբ։

Նույն օրը երեկոյան կկայանա նաև «Վերածնունդ» խորագրով դասական երաժշտության համերգը, որին կմասնակցեն Հայոց ցեղասպանությունը ճանաչած պետությունների երաժիշտներ:

Հայոց ցեղասպանության 100–րդ տարելիցի խորհրդանշանը անմոռուկ ծաղիկն է, որի կենտրոնում պատկերված է «Ծիծեռնակաբերդ» հուշահամալիրը, որը կրակ է խորհրդանշում։ Միջոցառումների նշանաբանն է «Հիշում եմ և պահանջում»։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։