484.04
+0.53
523.1
+1.64
8.44
+0.03
+1
Եղանակը Երևանում
Հայ
Երևանում անցկացվեց «Մեկ դար տևող ցեղասպանություն. Բաքվի սև հունվարը» վավերագրական ֆիլմի շնորհանդեսը
16:53
20 Հունվարի 2015

ԵՐԵՎԱՆ, 20 հունվարի. /Նովոստի–Արմենիա/. Երեքշաբթի Երևանում անցկացվեց «Մեկ դար տևող ցեղասպանություն. Բաքվի սև հունվարը» վավերագրական ֆիլմի շնորհանդեսը։

Ֆիլմը ստեղծվել է «Սովորական ցեղասպանություն» նախագծի շրջանակում և նվիրված է Բաքվում իրականացված հայերի ջարդերի 25–րդ տարելիցին։

Ինչպես հայտարարեց ֆիլմի ռեժիսոր, ՀՀ նախագահի աշխատակազմի տեղեկատվության և հասարակական կապերի կենտրոնի «Սովորական ցեղասպանություն» նախագծի ղեկավար Մարինա Գրիգորյանը, ֆիլմի համար հիմք են ծառայել Բաքվի փախստականների հետ հարցազրույցները, որոնք նախագծի նկարահանող խումբն անցկացրել է ԱՄՆ–ում։

Նրա խոսքով` ֆիլմում օգտագործված է այդ հարցազրույցների և հիշողությունների միայն փոքր մասը, սակայն վկայություններն ամբողջովին կհրապարակվեն այս տարվա ամռանը առանձին ժողովածուի տեսքով։

«Ֆիլմի կոնցեպտուալ գաղափարը 20–րդ դարի սկզբում Օսմանյան կայսրությունում տեղի ունեցած իրադարձությունների և 1980–1990–ականներին Ադրբեջանում և Լեռնային Ղարաբաղում հայերի հետ տեղի ունեցած իրադարձությունների անբաժանելի կապն է», – ասաց նա։

Գրիգորյանն ընդգծեց, որ Արևմտյան Հայաստանում հալածանքների ենթարկված նախնիների մասին փախստականների հիշողությունները վկայում են, որ Ադրբեջանը թուրքական քաղաքականության հետնորդն է, այդ հիշողությունները վկայում են նաև հայ ժողովրդի նկատմամբ կիրառված ցեղասպանության շարունակականության մասին։

«Փախստականների պատմությունները բացահայտում են նաև Բաքվի` մինչև օրս անհայտ մնացած ջարդերի մանրամասները։ Նրանց վկայությունները վերացնում են բոլոր կասկածները, որ  Բաքվի 250 հազար հայերի նկատմամբ իրականացված բռնությունն ու սպանությունները սկսվել են Սումգայիթի իրադարձություններից անմիջապես հետո` գագաթնակետին հասնելով 1990թ.–ի հունվարին», – նշեց նա։

Գրիգորյանն ընդգծեց, որ Հայաստանն առաջին անգամ է նման նախագիծ իրականացնում պետական մակարդակով։

«Այս նախագծի նպատակն է պատմության համար պահպանել ականատեսների վկայությունները, ովքեր անցել են ցեղասպանության դժոխքի միջով և օտար երկրում նոր կյանք սկսելու ուժ են գտել իրենց մեջ։ Հիմա ԱՄՆ–ում բնակվում է ավելի քան 55 հազար հայ, որոնցից շատերը միայն ջարդերից հետո են իրենց մեջ բացահայտել հայկական ինքնությունը` այսօր դառնալով ԱՄՆ–ի հայկական համայնքների ակտիվ անդամներ», – ասաց նա։

Գրիգորյանը նաև տեղեկացրեց, որ ֆիլմն արդեն թարգմանվել է ռուսերեն և անգլերեն, ինչպես նաև նախատեսվում է թարգմանել այն այլ լեզուներով։ Բաքվում հայերի ջարդերի 25–րդ տարելիցին նվիրված միջոցառումների շրջանակում ֆիլմը կցուցադրվի ԱՄՆ–ի մի շարք քաղաքներում։

Ֆիլմի սցենարի հեղինակներն են Մարինա Գրիգորյանն ու Լարիսա Ալավերդյանը։

«Մեկ դար տևող ցեղասպանություն. Բաքվի սև հունվարը» ֆիլմի պրեմիերան տեղի կունենա երեքշաբթի երեկոյան «Արմենիա» հեռուստաալիքով։

«Սովորական ցեղասպանություն» նախագիծն իրականացվում է 2009թ.–ից ՀՀ նախագահի աշխատակազմի տեղեկատվության և հասարակական կապերի կենտրոնի նախաձեռնությամբ։ Նախագծի շրջանակում արդեն ստեղծվել է 5 վավերագրական ֆիլմ, հրատարակվել են գրքեր տարբեր լեզուներով, մշակվել է կայք և պատրաստվել են տարբեր տեղեկատվական ու քարոզչական նյութեր։

1988թ. փետրվարի 26-29-ը, Ադրբեջանի իշխանությունների փաստացի աջակցությամբ և ԽՍՀՄ ղեկավարության լռակյաց թողտվությամբ, հայաբնակ Սումգայիթ (Ադրբեջանական ԽՍՀ) քաղաքում տեղի ունեցան հայերի զանգվածային կոտորածներ, որոնց ընթացքում, պաշտոնական տվյալներով, սպանվել է 32 և վիրավորվել հարյուրավոր հայեր։ Մի քանի օրվա ընթացքում Սումգայիթի 14 հազար հայ բնակիչները լքեցին քաղաքը։ Հայերի ջարդերը շարունակվեցին Ադրբեջանի այլ քաղաքներում, մասնավորապես՝ 1990 թ.-ի հունվարին Բաքվում:

Բաքվի հայկական ջարդերը սկսվել էին 1990թ. հունվարի 13-ին ու շարունակվել 7 օր: Հայաթափության նպատակաուղղված քաղաքականության արդյունքում այնտեղ բնակվող 300 հազար հայերից գրեթե բոլորը լքեցին քաղաքը: Ըստ Human Rights Watch-ի զեկուցող Ռոբերտ Քուշենի, «ջարդերը տարերային չէին, քանի ջարդարարներն ունեին հայերի ցուցակներն ու հասցեները»: Ջարդերը շարունակվեցին այնքան ժամանակ, մինչև Բաքու մտավ խորհրդային զորքը:-0-  

Loading...
Թեմատիկ նյութեր

Բաժնի այլ նյութեր
17:47
25 Մարտի 2017
Ինչպե՞ս տարբերել իսկական չորամիրգը վնասակարից. մի քանի խորհուրդ
Իսկական չորամրգերը ոչնչով մշակված չեն և չորացվել են մաքուր օդին:
13:12
25 Մարտի 2017
Facebook Messenger–ում առաջիկա օրերին ռեակցիաների և tag-ի հնարավորություն կավելանա
Facebook–ը կրկին թարմացրել է իր մեսենջերը:
15:08
23 Մարտի 2017
Հենրիխ Մխիթարյան. երբեք ոչնչից մի ընկճվեք, լավատես եղեք և պայքարեք ձեր նպատակների համար
Մխիթարյանը հանդիպել է Մանկական արյունաբանական կլինիկական բաժանմունքի՝ լեյկոզով, լիմֆոգրանուլեմատոզով, լիմֆոմայով և այլ հիվանդություններով տառապող բոլոր երեխաների հետ։
13:25
23 Մարտի 2017
Սուրենյան. գարունը բուռն կերպով վերադառնում է Հայաստան
Ջերմաստիճանը կբարձրանա 5-6 աստիճանով։
19:52
22 Մարտի 2017
Լապշինի կինը հայտնել է, որ Լապշինի առողջական վիճակը վատացել է
Բլոգեր Ալեքսանդր Լապշինի առողջական վիճակը լուրջ մտահոգության տեղիք է տալիս։
10:30
22 Մարտի 2017
Օդերևութաբանները կանխատեսում են Հայաստանում տեղումների դադարում և եղանակի տաքացում
Հայաստանում մարտի 24-25 սպասվում է առանց տեղումների եղանակ:
15:17
21 Մարտի 2017
Անտոնիո Բանդերասը կրկին հոսպիտալացվել է
Հունվարի վերջին Անտոնիո Բանդերասը շտապ տեղափոխվել էր հիվանդանոց սրտի սուր ցավերի պատճառով։
14:32
21 Մարտի 2017
Հայաստանում ավելի քան 600 մարդ է հոսպիտալացվել գրիպով և ՍՇՎ–ով. ԱՆ
Մարտի 20–ի դրությամբ Հայաստանում հոսպիտալացվել է շուրջ 630 մարդ գրիպի և ՍՇՎ–ի ախտանիշներով։
11:09
21 Մարտի 2017
Երեք հայ գործարար ներառվել է աշխարհի ամենահարուստ մարդկանց ցուցակում` ըստ Forbes–ի
Forbes հեղինակավոր ամսագիրը երկուշաբթի հրապարակել է դոլարային միլիարդատերերի ամենամյա համաշխարհային վարկանիշը։
20:05
20 Մարտի 2017
Հանրապետության մի շարք ճանապարհներին ձյուն է տեղում. փակ է Բերդ-Ճամբարակ ճանապարհը
Բքի պատճառով փակ է Բերդ-Ճամբարակ ճանապարհը:
18:58
20 Մարտի 2017
Հայաստանի տարածքին ցուրտ ճակատ է մոտենում. հնարավոր է ձյուն տեղա նաև Երևանում. Սուրենյան
Հանրապետության տարածքով անցնելու է հյուսիս-արևմտյան ցուրտ ճակատ, ինչի հետևանքով ջերմաստիճանը կնվազի։
18:34
20 Մարտի 2017
«Արենա Շապիտո» միջազգային կրկեսը կուրախացնի երևանցիներին իր ներկայացումներով
Մայրաքաղաքում հյուրընկալվել է «Արենա Շապիտո» միջազգային կրկեսը: