486.21
-0.98
517.62
-1.72
8.15
+0.04
-2
Եղանակը Երևանում
Հայ
Ռուս հասարակությունը համարժեք արձագանք է տվել Գյումրիում կատարված սպանությանը. փորձագետ
20:51
16 Հունվարի 2015

ԵՐԵՎԱՆ, 16 հունվարի. /Նովոստի–Արմենիա/. Գյումրիում կատարված ողբերգության նկատմամբ ռուսական հասարակության արձագանքը բավականին ադեկվատ է, ուրբաթ «Sputnik-Արմենիա» ռադիոյի եթերում ասել է քաղաքագետ Հրանտ Մելիք–Շահնազարյանը։

Գյումրիում լարված իրավիճակ է ստեղծվել, երբ հունվարի 12–ի առավոտյան ինքնաձիգից արձակած կրակոցներից սպանվել են նույն ընտանիքի անդամները` 1961թ.–ին ծնված Սերյոժա Ավետիսյանը, 1959թ.–ին ծնված Հասմիկ Ավետիսյանը, 1979թ.–ին ծնված Աիդա Ավետիսյանը, 1981թ.–ին ծնված Արմեն Ավետիսյանը, 1990թ.–ին ծնված Արաքսյա Պողոսյանը և երկու տարեկան Հասմիկ Ավետիսյանը։ Միակ ողջ մնացած վեց ամսական Սերյոժա Ավետիսյանը վիրահատվել է և հիմա գտնվում է Երևանի «Սուրբ Աստվածամայր» հիվանդանոցի վերակենդանացման բաժանմունքում։

Ըստ նախնական տվյալների՝ հանցագործությունը կատարել է ժամկետային զինծառայող Վալերի Պերմյակովը: Հունվարի 12–ին նա կամավոր լքել է զորամասը, ինչի կապակցությամբ նրա նկատմամբ հետախուզում էր հայտարարվել։ Հունվարի 13–ին Պերմյակովը ձերբակալվել էր սահմանային ջոկատի կողմից հայ–թուրքական սահմանն անօրինական կերպով հատելու փորձի ժամանակ և արդեն ընդունել է իր մեղքը։

Նախօրեին Գյումրիում բողոքի ակցիայի մասնակիցների երթը, ովքեր պահանջում էին Պերմյակովին հանձնել հայկական կողմին, ՌԴ–ի գլխավոր հյուպատոսության շենքի մոտ վերածվեց ոստիկանության հետ բախումների։ Այս ամենի հետևանքով, վերջին տվյալներով, տուժել է 14 մարդ, ձերբակալվել` 13–ը։ ԶԼՄ–ների տվյալներով` տուժածների թվում երեք ոստիկան կա, ովքեր դեռ գտնվում են Հայաստանի բուժհաստատություններում։

«Ռուսական հասարակության արձագանքը բավականին համարժեք է, նրանք ևս հասկանում են ողբերգության մասշտաբները։ Մոսկվայում Հայաստանի դեսպանատան մոտ մարդիկ ծաղիկներ են դնում և չի դադարում մոմավառության արարողության մասնակիցների հոսքը։ Ռուսական հասարակությունն անտարբեր չէ, ինչպես փորձում են ներկայացնել ոմանք», – ասել է Մելիք–Շահնազարյանը։

Նրա խոսքով` Ռուսաստանում շահագրգռված են, որպեսզի հայկական հասարակությունը ոչ մի կասկած չունենա այն հարցում, որ ռուսական կողմը հետևողական կլինի հանցագործության բացահայտման և դատապարտման գործում։

«Ինչպես Ռուսաստանի իրավապահ մարմինները, այնպես էլ ռազմակայանի ղեկավարությունն անընդհատ ընդգծում են, որ ՌԴ–ն պատրաստ է քննություն վարել հայ իրավապահների հետ համատեղ։ Կարելի է համատեղ քննարկել նաև Հայաստանի տարածքում պատիժը կրելու հարցը։ Դա նշում է ինչպես ռուսական, այնպես էլ հայկական կողմը», – նշեց Մելիք–Շահնազարյանը։

Նրա խոսքով` ինչ վերաբերում է Մոսկվայի և Երևանի հարաբերությունները վատացնելու փորձերին, ապա դրանք զարմանալի չեն։

«Հայաստանը գտնվում է այնպիսի տարածաշրջանում, որտեղ աշխարհաքաղաքական պայքարը բավականին լարված է։ Օգտագործվում են հակառակորդին վնաս հասցնելու բոլոր մեթոդները, եթե անգամ դա կառուցված է նման ողբերգության վրա», – ասել է Մելիք–Շահնազարյանը։–0–

Loading...
Թեմատիկ նյութեր
Բաժնի այլ նյութեր
14:56
19 Հունվարի 2017
Զգուշացում. այս օրերին հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն
Տեղեկատվության անվտանգության փորձագետ Սամվել Մարտիրոսյանը զգուշացնում է, որ այսօր և վաղը հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն:
11:23
19 Հունվարի 2017
Մոսկվայաբնակ հայ գործարարի առևանգված դստերը գտել են Հայաստանում
Իրավապահները պարզել են Մոսկվայաբնակ հայ գործարարի 16–ամյա դստեր գտնվելու վայրը։
20:11
18 Հունվարի 2017
Երևանում նախօրեին եռյակ է ծնվել
Նախօրեին` հունվարի 17-ին, Երևանում եռյակ է ծնվել։
14:34
18 Հունվարի 2017
ՌԴ Կենտրոնական բանկը հայկական թեմայով հուշադրամներ կթողարկի
Ռուսաստանի Կենտրոնական բանկը 2017 թվականին հայկական թեմայով հուշադրամներ կթողարկի։
14:24
18 Հունվարի 2017
Մառա Բաղդասարյանն արժանի է բանտի. Ժիրինովսկի
ՌԱԴԿ առաջնորդ Վլադիմիր Ժիրինովսկին լրագրողների հետ զրույցում ասել է, որ ավտոմրցավազորդ Մառա Բաղդասարյանն արժանի է պատժի:
13:50
18 Հունվարի 2017
Մերձմոսկվայի հայ գործարարի դստերը կարող էին առևանգել կոլեկտորները կամ նախկին գործընկերը
Մերձմոսկովյան Սոլնեչնոգորսկի շրջանի հայ գործարարի տասնվեցամյա դստերը կարող էին առևանգել կոլեկտորները կամ հոր նախկին գործընկերը:
21:16
17 Հունվարի 2017
Գիտնականներ. հայհոյախոսությունը կապված է ազնվության հետ
Հոգեբանների միջազգային խումբը պարզել է, որ հաճախ հայհոյող մարդիկ ավելի ազնիվ են։
18:04
17 Հունվարի 2017
Մառա Բաղդասարյանի հայրը նախատել է դստերը դատարանում
Սավյոլովի դատարանի նիստի ժամանակ Մառա Բաղդասարյանի հայրը նախատել է աղջկան:
11:48
17 Հունվարի 2017
«Հոնկոնգ» վիրուսն արդեն Հայաստանում է, սակայն «խոզի գրիպի» նման ագրեսիվ չէ
Եթե նախորդ տարի Հայաստանում մեծ մասամբ շրջանառվում էր գրիպի A տեսակի H1N1 ենթատեսակը կամ, այսպես կոչված, «խոզի գրիպը», ապա այս տարի Հայաստան է ներթափանցել A տեսակի H3N2 ենթատեսակը, որն էլ «Հոնկոնգ» անվանումն ունի:
20:26
16 Հունվարի 2017
Հայտնի բռնցքամարտիկ Նիկոլայ Վալուևը պատմել է Հայաստանի լեռներում արջի հետ սարսափելի հանդիպման մասին
Հայտնի բռնցքամարտիկ, ՌԴ Պետդումայի պատգամավոր Նիկոլայ Վալուևը նշել է, որ իր կյանքի ամենամեծ էքստրիմը եղել է Հայաստանի լեռներում արջի հետ հանդիպումը։
18:49
16 Հունվարի 2017
Ստեփանակերտի թիմը «ԿիՎիՆ–2017»-ում. Fact check «Նովոստի-Արմենիայից»
Ստեփանակերտի «Աղ ու հացով» ՈւՀԱ–ի թիմի մասնակցությունը Սոչիում հունվարի 10–23–ն անցկացվող «ԿիՎիՆ–2017» 28–րդ միջազգային փառատոնին արժանացավ Բաքվի բուռն բացասական արձագանքին։ Այս կապակցությամբ ադրբեջանական ԶԼՄ–ները սկսեցին ակտիվ տեղեկատվական քարոզարշավ։
17:43
16 Հունվարի 2017
Կրասնոդարցի երկրպագու Միշա պապիկը սուպերմոդելից 1 մլն ռուբլի է ստացել
Կանացի ներքնազգեստի վաճառքով զբաղվող ընկերության մոդել Քսենյա Դելին 1 մլն ռուբլի է նվիրաբերել կրասնոդարցի մարզական երկրպագու Միխայիլ Գարիյանի համար տուն գնելու ակցիայի շրջանակում։