484.04
+0.53
523.1
+1.64
8.44
+0.03
+5
Եղանակը Երևանում
Հայ
Հայաստանում «Հանուն ընտանիքի» համահայկական դաշինք է ստեղծվել
17:33
12 Դեկտեմբերի 2014

ԵՐԵՎԱՆ, 12 դեկտեմբերի. /Նովոստի–Արմենիա/. Հայաստանում «Հանուն ընտանիքի» համահայկական դաշինք է ստեղծվել։

Դաշինքի գործունեությունը, որի ձևավորման մասին հայտարարվել էր ուրբաթ Երևանում կայացած «Հոգևոր-ազգային արժեհամակարգի դեմ ուղղված սպառնալիքները,  դրանց դիմագրավելու ձևերը և միջոցները» թեմայով ամենամյա համաժողովի ընթացքում, նպատակաուղղված է ընտանեկան, հոգևոր և ազգային արժեքների պահպանմանը։

Դաշինքի հիմնադիր և համաժողովի կազմակերպիչ, Համահայկական ծնողկոմիտեի նախագահ Արման Բոշյանի խոսքերով` նոր դաշինքում ներառվել են հասարակական կազմակերպությունների և յոթ քաղաքական կուսակցությունների մոտ 100 ներկայացուցիչներ։

Դաշինքի գործունեությունը ողջունում են Վրաստանի, Բելառուսի, Ռուսաստանի, Մոլդովայի, Ուկրաինայի, Ֆինլանդիայի, Ֆրանսիայի, Գերմանիայի կազմակերպությունները, որոնք պաշտպանում են ընտանիքն ու ազգային–հոգևոր արժեհամակարգը։ Օտարերկրյա կազմակերպությունները ցանկություն են հայտնել դաշինքի հետ ստորագրել համագործակցության հուշագիր։

«Այսօր ընթանում է անբարոյականության ակտիվ քարոզ, որն ուղղված է մեր արժեքների և ընտանիքի ինստիտուտի ոչնչացմանը։ Բնական է, որ այդ ամենը ֆինանսավորում են մեր թշնամիները` քողարկվելով տարբեր ՀԿ–ների տակ։ Մեր նպատակն է դիմակայել այդ քայքայիչ քարոզին և պաշտպանել մեր երեխաներին դրա կործանարար հետևանքներից», – ասաց Բոշյանը համաժողովի ընթացքում։

Նրա խոսքերով` կործանարար ազդեցություն է ունենում, մասնավորապես, «Տղամարդկանց և կանանց հավասար իրավունքների և հնարավորությունների ապահովման մասին» օրենքը։ Բոշյանը պարզաբանեց, որ արդեն մեկ տարի է անցել այդ օրենքում փոփոխություններ կատարելու որոշումից հետո։ Ենթադրվում էր, որ այդ ժամանակահատվածում մասնագետներն ու փորձագետները փոփոխություններ կկատարեն խնդրահարույց դրույթներում, սակայն այս կապակցությամբ դեռ որևէ հրապարակային քննարկում չի կազմակերպել։

2013 թ.–ի մայիսի 20–ին Հայաստանում ընդունված «Տղամարդկանց և կանանց հավասար իրավունքների և հնարավորությունների ապահովման մասին» օրենքի տերմինաբանությունը բուռն հասարակական արձագանք առաջացրեց։ Խոսքը, մասնավորապես, «գենդեր» տերմինին տրված սահմանման մասին է` «տարբեր սեռի անձանց ձեռքբերովի, սոցիալապես ամրագրված վարք, կանանց և տղամարդկանց միջև հարաբերությունների սոցիալական հայեցակետ»։

Բոշյանն ընդծեց, որ շուտով նոր դաշինքի ներկայացուցիչները նամակ կհղեն ՀՀ վարչապետ Հովիկ Աբրահամյանին` պահանջելով փոփոխություններ կատարել «Ընտանեկան բռնության կանխման մասին» օրինագծում, որը ներկայացվել էր դեկտեմբերին «Ընդդեմ կանանց նկատմամբ բռնության դաշինք» ՀԿ–ի կողմից։

«Նամակում մենք, մասնավորապես, պահանջում ենք  օրենքներ ընդունել այլասերման քարոզից մեր երեխաներին պաշտպանելու, Հայաստանում «Ընտանեկան բռնության կանխման մասին» օրենքի քողարկման ներքո պատանեկան արդարադատության ընդունումը թույլ չտալու համար», – ասաց Բոշյանը։

Նա նաև ավելացեց, որ դաշինքը կառաջարկի օրենսդրորեն արգելել հղիության դադարեցումն ու աջակցել բազմազավակ ընտանիքներին։

Բոշյանն ընդգծեց, որ Հայաստանում պատանեկան արդարադատության ակտիվ լոբբինգ է ընթանում, որը հակասում է հայկական ընտանեկան արժեքներին։ Նա նաև մեկնաբանել է ՀՀ–ում ԱՄՆ դեսպան Ջոն Հեֆերի խոսքերը, ով վերջերս մտահոգություն էր հայտնել Հայաստանում ընտանեկան բռնության հետ կապված վիճակի կապակցությամբ։

«Չեմ կարող հասկանալ` ինչու՞ Հայաստանում ընտանեկան բռնության հետ կապված իրավիճակի կապակցությամբ մտահոգված են այն երկրները, որտեղ ընտանեկան բռնության մակարդակը տասնյակ անգամ գերազանցում է Հայաստանի ցուցանիշները։ Ինչ վերաբերում է ԱՄՆ–ի դեսպանին, ապա ես խորհուրդ եմ տալիս նրան զբաղվել սեփական պետության ներքին խնդիրներով», – ասաց նա։

Հայաստան դեմոկրատական կուսակցության նախագահ Արամ Սարգսյանն իր հերթին նշեց, որ Հայաստանի իշխանությունները ֆինանսավորման դիմաց ենթարկվում են արևմտյան կազմակերպությունների պահանջներին։ «Այսօր մենք կանգնած ենք մեծ վտանգի առաջ, մենք պետք է գործենք միասին և փրկենք մեր երեխաներին», – ասաց Սարգսյանը։

Համահայկական ծնողական կոմիտեի ներկայացուցիչ Հայկ Այվազյանը իր զեկույցում նշել է, որ Հայաստանում գրանցվող ընտանեկան բռնության եզակի դեպքերը շատ են ուռճացվում ԶԼՄ–ներում և որոշ հասարակական կազմակերպությունների կողմից` երիտասարդ կանանց շրջանում տպավորություն ստեղծելով, թե ամուսինը բռնապետ է, իսկ ընտանիքը` բռնության որջ։

«Օրենսդրական բարեփոխումները, որոնք մեզ առաջարկում են Արևմուտքի կողմից ֆինանսավորվող կազմակերպություններն, ամբողջովին քայքայում են ընտանիքի ինստիտուտի հասկացությունը։ Առաջարկված դրույթների համաձայն` ընտանիք կարող են համարվել անգամ այն զույգերը, ովքեր մշտական սեքսուալ կապի մեջ են գտնվում։ Այսինքն, ստացվում է այնպես, որ թեթևաբարո կնոջ հետ պարբերական կապը հավասարեցվում է ամուսնության ավանդական հասկացության հետ», – նշեց Այվազյանը։

«Հոգևոր-ազգային արժեհամակարգի դեմ ուղղված սպառնալիքները,  դրանց դիմագրավելու ձևերը և միջոցները» թեմայով ամենամյա համաժողովն անցկացվել է Երևանի Թեքեյանի անվան կենտրոնի մեծ սրահում։ Համաժողովին մասնակցել են հասարակական, քաղաքական կազմակերպությունների, Հայ Առաքելական Եկեղեցու, Ռուսաստանի և Ղազախստանի դեսպանատների ներկայացուցիչները։ Համաժողովի ընթացքում կազմակերպվելպ են օնլայն միացումներ Ֆրանսիայի, Ռուսաստանի և Գերմանիայի փորձագետների հետ։–0–

Loading...
Թեմատիկ նյութեր

Բաժնի այլ նյութեր
17:52
26 Մարտի 2017
5 գործողություն, որ չարժե անել ուտելուց անմիջապես հետո
Մեզանից շատերն ապրում են ժամանակի մշտական պակասի պայմաններում, և դա չի կարող չազդել մեր օրվա վրա:
13:45
26 Մարտի 2017
ԱՄՆ-ում մահացել է աշխարհահռչակ Strangers in the night հիթի հեղինակներից մեկը՝ Ավո Ուվեզյանը (ՏԵՍԱՆՅՈՒԹ)
Հանրաճանաչ ջազմեն, Strangers in the night հիթի հեղինակներից մեկը, սիգար արտադրող ճանաչված AVO ընկերության հիմնադիր Ավո Ուվեզյանը մահացել է ԱՄՆ-ում 91 տարեկան հասակում:
17:47
25 Մարտի 2017
Ինչպե՞ս տարբերել իսկական չորամիրգը վնասակարից. մի քանի խորհուրդ
Իսկական չորամրգերը ոչնչով մշակված չեն և չորացվել են մաքուր օդին:
13:12
25 Մարտի 2017
Facebook Messenger–ում առաջիկա օրերին ռեակցիաների և tag-ի հնարավորություն կավելանա
Facebook–ը կրկին թարմացրել է իր մեսենջերը:
15:08
23 Մարտի 2017
Հենրիխ Մխիթարյան. երբեք ոչնչից մի ընկճվեք, լավատես եղեք և պայքարեք ձեր նպատակների համար
Մխիթարյանը հանդիպել է Մանկական արյունաբանական կլինիկական բաժանմունքի՝ լեյկոզով, լիմֆոգրանուլեմատոզով, լիմֆոմայով և այլ հիվանդություններով տառապող բոլոր երեխաների հետ։
13:25
23 Մարտի 2017
Սուրենյան. գարունը բուռն կերպով վերադառնում է Հայաստան
Ջերմաստիճանը կբարձրանա 5-6 աստիճանով։
19:52
22 Մարտի 2017
Լապշինի կինը հայտնել է, որ Լապշինի առողջական վիճակը վատացել է
Բլոգեր Ալեքսանդր Լապշինի առողջական վիճակը լուրջ մտահոգության տեղիք է տալիս։
10:30
22 Մարտի 2017
Օդերևութաբանները կանխատեսում են Հայաստանում տեղումների դադարում և եղանակի տաքացում
Հայաստանում մարտի 24-25 սպասվում է առանց տեղումների եղանակ:
15:17
21 Մարտի 2017
Անտոնիո Բանդերասը կրկին հոսպիտալացվել է
Հունվարի վերջին Անտոնիո Բանդերասը շտապ տեղափոխվել էր հիվանդանոց սրտի սուր ցավերի պատճառով։
14:32
21 Մարտի 2017
Հայաստանում ավելի քան 600 մարդ է հոսպիտալացվել գրիպով և ՍՇՎ–ով. ԱՆ
Մարտի 20–ի դրությամբ Հայաստանում հոսպիտալացվել է շուրջ 630 մարդ գրիպի և ՍՇՎ–ի ախտանիշներով։
11:09
21 Մարտի 2017
Երեք հայ գործարար ներառվել է աշխարհի ամենահարուստ մարդկանց ցուցակում` ըստ Forbes–ի
Forbes հեղինակավոր ամսագիրը երկուշաբթի հրապարակել է դոլարային միլիարդատերերի ամենամյա համաշխարհային վարկանիշը։
20:05
20 Մարտի 2017
Հանրապետության մի շարք ճանապարհներին ձյուն է տեղում. փակ է Բերդ-Ճամբարակ ճանապարհը
Բքի պատճառով փակ է Բերդ-Ճամբարակ ճանապարհը: