481.32
+0.33
567.52
-1.39
8.41
+0.07
+8
Եղանակը Երևանում
Հայ
Սոցիալական ոլորտի զարգացումը գտնվում է Հայաստանի կառավարության հատուկ ուշադրության կենտրոնում. վարչապետ
13:54
11 Նոյեմբերի 2014

ԵՐԵՎԱՆ, 11 նոյեմբերի. /Նովոստի-Արմենիա/. ՀՀ կառավարությունը մշտապես ուշադրության կենտրոնում է պահելու սոցիալական ոլորտի զարգացմանն ու հետագա կատարելագործմանն առնչվող խնդիրները, երեքշաբթի ասել է ՀՀ վարչապետ Հովիկ Աբրահամյանը «Մենք միասին ենք» համաժողովի ընթացքում` նվիրված Սոցիալական աշխատողի օրվան և ԵՊՀ-ի սոցիալական աշխատանքի և սոցիալական տեխնոլոգիաների ամբիոնի 10-ամյակին:

«Թեև հեռու ենք դեռևս մեր՝ սոցիալապես զարգացած հասարակություն ունենալու վերջնական նպատակից, սակայն կատարվող աշխատանքը, գործադրվող ջանքերն արժանի են բարձր գնահատականի, քանի որ օգնում են գնալ դեպի նպատակների իրականացում», - ասել է Աբրահամյանը:

Նա նշել է, որ սոցիալական աշխատողները մեր երկրում կարևոր առաքելություն են իրականացնում, ինչը պահանջում է մեծ կազմակերպվածություն, ջանքերի կենտրոնացում, երբեմն նաև գերլարում, հատկապես երբ գործ ունեն բնակչության առավել խոցելի շերտերի հետ:

«Դրան զուգընթաց այն պահանջում է նաև մարդկանց իրավունքների հանդեպ հարգանքի և հումանիզմի սկզբունքների վրա հիմնված հատուկ վերաբերմունք, ես կասեի՝ սրտացավ մոտեցում», - ասել է Աբրահամյանը:

Վարչապետն ընդգծել է, որ սոցիալական ոլորտն ու սոցիալական պաշտպանության ոլորտը բուռն բարեփոխումների փուլում են գտնվում, որոնք անդրադառնում են գրեթե բոլոր ուղղություններին՝ կենսաթոշակային ապահովումից և զբաղվածությունից մինչև սոցիալական աջակցություն և խնամք՝ սոցիալական ծառայությունների մատուցման նոր մոտեցումներով:

Նրա խոսքերով՝ սոցիալական ոլորտի ներկա բարեփոխումները նպատակ ունեն ոչ միայն արձագանքել առկա կարիքներին, այլև կանխատեսել ու հնարավորինս կառավարելի դարձնել հետագա ռիսկերը:

«Չնայած դժվարությամբ, սակայն մենք հետևողականորեն մոտենում ենք այդ նպատակներին: Իսկ ոլորտում հաջողությունների գրանցումը կախված է ոչ միայն բարելավված օրենքներից և կատարելագործված ընթացակարգերից, այլև դրանք կյանքի կոչելու հանձնառությունից: Մենք դեռևս շատ անելիքներ ունենք աղքատությունը կրճատելու, հասարակության բոլոր անդամների համար հավասար հնարավորություններ երաշխավորելու, մարդկանց կարիքները հոգալու համար»,- ասել է Աբրահամյանը

Վարչապետը շնորհավորել է սոցիալական ոլորտի և ԵՊՀ-ի աշխատակիցներին սոցիալական աշխատողի օրվա ու ԵՊՀ սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնի 10-ամյակի կապակցությամբ: Նա պարգևատրել է սոցիալական ոլորտի մի շարք աշխատակիցների սոցիալական ոլորտում ներդրած ավանդի, բարեխիղճ ու արդյունավետ աշխատանքի, ծառայողական պարտականությունները գերազանց կատարելու համար և սոցիալական աշխատողի օրվա առթիվ:

Վարչապետը նաև այցելել է պետական և հասարակական սոցիալական ծառայություններին նվիրված ցուցահանդես, որտեղ ծանոթացել է տրամադրվող ծառայությունների հետ և զրուցել է սոցիալական տարբեր ծառայությունների ներկայացուցիչների հետ:

«Մենք միասին ենք» համաժողովը, որը նվիրված է սոցիալական աշխատողի օրվան ու ԵՊՀ սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնի 10-ամյակին, կազմակերպվել է ՀՀ աշխատանքի և սոցիալական հարցերի նախարարության, ԵՊՀ-ի, Սոցիալական աշխատողների հայկական ասոցիացիայի կողմից՝ ՅՈՒՆԻՍԵՖ-ի և USAID/PRIP կենսաթոշակային բարեփոխումների իրականացման ծրագրի աջակցությամբ:-0-

Loading...
Թեմատիկ նյութեր
Բաժնի այլ նյութեր
18:21
16 Հոկտեմբերի 2017
2019 թ.–ի «գրին քարտի» խաղարկության հայտերի գրանցումը նորից է սկսվում
2019թ. խաղարկային վիզաների կամ գրին քարտի խաղարկության ծրագրով մասնակիցների գրանցումը սկսվում է նորից:
14:16
16 Հոկտեմբերի 2017
Facebook–ի արդյունավետության չափանիշները. ինչ ե՞նք գնահատում (ԻՆՖՈԳՐԱՖԻԿԱ)
Դուք էջ ունեք Facebook սոցցանցում, բայց շփոթվում եք վիճակագրությունը նայելի՞ս։
12:26
16 Հոկտեմբերի 2017
Դիզայներ Նուռը` Ֆլորենցիայի բիենալեի գլխավոր մրցանակակիր (ՖՈՏՈ)
Հայտնի դիզայներ Նուռը (Արման Դավթյան) նվաճել է ժամանակակից արվեստի Ֆլորենցիայի բիենալեի գլխավոր մրցանակը:
11:28
16 Հոկտեմբերի 2017
Մահացել է «Կյանք ու կռիվ. 25 տարի անց» ֆիլմում նկարահանված դերասանը
Թատրոնի և կինոյի ռուս դերասան Դմիտրի Մարյանովն է մահացել կյանքի 48–րդ տարում։
11:13
16 Հոկտեմբերի 2017
«Սանտա Բարբարա» «ջիգարխանյանական ձևով» կամ ամուսինների խաչաձև դիմումները
Մի շարք հեռուստաալիքներ հայտնում են Արմեն Ջիգարխանյանի առևանգման մասին։
19:15
15 Հոկտեմբերի 2017
Տեսախցիկը ֆիքսել է որմզդեղնի և գայլի գոտեմարտը (ՎԻԴԵՈ)
Տեսանյութում երևում է, թե ինչպես է գայլը հարձակվում ծանծաղուտում կանգնած որմզդեղնի վրա` կծելով ոտքը։
18:07
15 Հոկտեմբերի 2017
Գեղեցկությունից «տուժող» անգլուհին նյարդայնացրել է օգտատերերին (ՎԻԴԵՈ)
Կինը դժգոհել է, որ տղամարդիկ իրեն չափից շատ են ուշադրություն դարձնում։
16:40
15 Հոկտեմբերի 2017
Ի՞նչ է տեղի ունենում մեր օրգանիզմում դիետայի ժամանակ
Ի՞նչ է տեղի ունենում մեզ հետ դիետայի ժամանակ։
11:00
15 Հոկտեմբերի 2017
Լևոն Արոնյան. շախմատը դարձավ իմ վանքը, երբ հասկացա, որ ծնվել եմ ինչ-որ նպատակի համար (ՎԻԴԵՈ)
Հայ գրոսմայստեր, շախմատի աշխարհի կրկնակի գավաթակիր Լևոն Արոնյանը բացառիկ հարցազրույց է տվել Հանրային ռադիոյի տնօրեն Մարկ Գրիգորյանին:
21:00
14 Հոկտեմբերի 2017
Ճարպակալումը բուժելու նոր մեթոդ է բացահայտվել
Բացահայտվել է ավելորդ քաշից ազատվելու նոր մեթոդ։
18:37
14 Հոկտեմբերի 2017
Բուսակերների` ՌԴ-ում առաջին բնակելի համալիրը կհայտնվի Պետերբուրգում
Այդ համալիրում բնակարան գնելու իրավունք ամեն մեկը չի ունենա:
14:43
14 Հոկտեմբերի 2017
Նույնիսկ 1արմավը կարող է անսպասելի փոփոխություններ առաջացնել օրգանիզմում
Արմավը հիանալի պտուղ է, որին զարմանահրաշ հատկություններ են վերագրվում: