486.21
-0.98
517.62
-1.72
8.15
+0.04
-3
Եղանակը Երևանում
Հայ
Հայաստանում 2013-2014թթ.–ներին թրաֆիկինգի ավելի քան 20 դեպք է բացահայտվել
17:44
06 Նոյեմբերի 2014

ԵՐԵՎԱՆ, 6 նոյեմբերի. /Նովոստի–Արմենիա/. Հայաստանում 2013 թվականին և 2014 թվականի ինն ամիսներին թրաֆիկինգի հետ կապված ավելի քան քսան հանցագործություն է բացահայտվել, հինգշաբթի լրագրողներին հայտնեց Հայաստանի ոստիկանության Կազմակերպված հանցավորության դեմ պայքարի գլխավոր վարչության 3–րդ վարչության պետ, գնդապետ Տիգրան Պետրոսյանը։

«Պետությունը թրաֆիկինգի և մարդկանց շահագործման դեմ պայքարը համարում է առաջնահերթ խնդիր։ Դա պայմանավորված է ոչ թե երևույթի տարածված լինելով, այլ` դրա կարևորությամբ։ Պետությունը, հասարակական և միջազգային կազմակերպությունները գործում են համատեղ, հիմնական նպատակը թրաֆիկինգի զոհերին օգնելն է»,– ասաց Պետրոսյանը։

Ըստ նրա, 2013 թվականին և 2014 թվականի առաջին ինն ամիսներին հարուցվել է 18 քրեական գործ, բացահայտվել է հանցագործության 22 դեպք, դրանցից տասը կատարել է կազմակերպված հանցավոր խումբը։

18 գործերից իննում թրաֆիկինգի զոհ են եղել չափահաս կանայք։ Երեք քրեական գործեր վերաբերել են անչափահասների մարմնավաճառությանը, չորսը` մուրացկանության մեջ ներգրավմանը, մեկ դեպք` ՌԴ–ում աշխատանքային շահագործմանը։

Կանայք սեռական շահագործման են ենթարկվել ԱՄԷ–ում, Թուրքիայում և հենց Հայաստանում։

Պետրոսյանի խոսքով` ընդհանուր առմամբ բացահայտվել և տուժած է ճանաչվել 28 մարդ, որոնցից 13–ը` չափահաս կանայք, երկուսը` չափահաս տղամարդիկ, իսկ յոթ աղջիկներ և վեց պատանիներ հանցագործություն կատարելու պահին անչափահաս են եղել։

«15 զոհեր համագործակցությունը շարունակելու համաձայնություն են տվել և ուղղվել են վերականգնման հասարակական կազմակերպություններում։ Այնտեղ է ուղարկվել նաև թրաֆիկինգի վտանգի առջև կանգնած ևս 14 մարդ»,– նշեց Պետրոսյանը։

Ըստ նրա, թրաֆիկինգի և մարդկանց շահագործման մեղադրանք է առաջադրվել 17 անձանց, որոնցից չորսի նկատմամբ միջազգային հետախուզում է հայտարարվել։

Պետրոսյանն ավելացրեց նաև, որ նշված ժամանակահատվածում բացահայտվել է երեխաներին մուրացկանության մեջ ներգրավելու մեկ դեպք, երեխաների առևտրի երեք դեպք, մարմնավաճառության մեջ ներգրավելու կամ նպաստելու 58 դեպք։

«2012–ից 2014 թվականներին 28 մարդ դատապարտվել է թրաֆիկինգի և մարդկանց շահագործման մեղադրանքով։ Նրանցից միայն մեկն է դատապարտվել չորս տարվա ազատազրկման, մյուսները` 7-13 տարվա ժամկետների։ 2014 թվականի հոկտեմբերի 1–ի դրությամբ նմանատիպ մեղադրանքներով հետախուզման մեջ է գտնվում 16 մարդ»,– ասաց Պետրոսյանը։ -0-

Loading...
Թեմատիկ նյութեր
Բաժնի այլ նյութեր
19:25
21 Հունվարի 2017
ԱՄՆ-ում շունը փրկել է տիրոջը ցրտահարությունից` շուրջ 20 ժամ նրա վրա պառկելով (ԼՈՒՍԱՆԿԱՐՆԵՐ)
ԱՄՆ-ում ոսկեգույն ռետրիվեր ցեղատեսակի շունը կարողացել է փրկել իր տիրոջ կյանքը` շուրջ 24 ժամ նրա վրա պառկելով։
18:10
21 Հունվարի 2017
Իտալիայում կարապների պատկերով «կենդանի» որմնանկար է ստեղծվել (ՏԵՍԱՆՅՈՒԹ)
Էրոն մականվամբ իտալացի գրաֆիտի նկարիչը Իտալիայի Սան Կլեմենտե քաղաքում ստեղծել է «կենդանի» որմնանկար, որտեղ պատկերել է կարապների երամ:
17:03
21 Հունվարի 2017
Մեծ Բրիտանիայում բորտուղեկցորդուհուն հեռացրել են աշխատանքից բուտերբրոդ ուտելու համար
EasyJet ընկերության բորտուղեկցորդուհին հեռացվել է աշխատանքից բեկոնով բուտերբրոդ գողանալու մասին ծառայողական քննության ավարտից հետո։
16:35
21 Հունվարի 2017
Սախալինում կինը գտել է կես մլն եվրո և ողջ գումարը վերադարձրել տիրոջը
Սախալինում կինը գտել է կես մլն եվրո, 15 հազար դոլար և 1,5 մլն ռուբլի ու ողջ գումարը վերադարձրել է տիրոջը։
14:56
19 Հունվարի 2017
Զգուշացում. այս օրերին հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն
Տեղեկատվության անվտանգության փորձագետ Սամվել Մարտիրոսյանը զգուշացնում է, որ այսօր և վաղը հարկավոր է ավելի զգուշավոր լինել, քանի որ ադրբեջանցի հաքերներն առավել ակտիվ կլինեն:
11:23
19 Հունվարի 2017
Մոսկվայաբնակ հայ գործարարի առևանգված դստերը գտել են Հայաստանում
Իրավապահները պարզել են Մոսկվայաբնակ հայ գործարարի 16–ամյա դստեր գտնվելու վայրը։
20:11
18 Հունվարի 2017
Երևանում նախօրեին եռյակ է ծնվել
Նախօրեին` հունվարի 17-ին, Երևանում եռյակ է ծնվել։
14:34
18 Հունվարի 2017
ՌԴ Կենտրոնական բանկը հայկական թեմայով հուշադրամներ կթողարկի
Ռուսաստանի Կենտրոնական բանկը 2017 թվականին հայկական թեմայով հուշադրամներ կթողարկի։
14:24
18 Հունվարի 2017
Մառա Բաղդասարյանն արժանի է բանտի. Ժիրինովսկի
ՌԱԴԿ առաջնորդ Վլադիմիր Ժիրինովսկին լրագրողների հետ զրույցում ասել է, որ ավտոմրցավազորդ Մառա Բաղդասարյանն արժանի է պատժի:
13:50
18 Հունվարի 2017
Մերձմոսկվայի հայ գործարարի դստերը կարող էին առևանգել կոլեկտորները կամ նախկին գործընկերը
Մերձմոսկովյան Սոլնեչնոգորսկի շրջանի հայ գործարարի տասնվեցամյա դստերը կարող էին առևանգել կոլեկտորները կամ հոր նախկին գործընկերը:
21:16
17 Հունվարի 2017
Գիտնականներ. հայհոյախոսությունը կապված է ազնվության հետ
Հոգեբանների միջազգային խումբը պարզել է, որ հաճախ հայհոյող մարդիկ ավելի ազնիվ են։
18:04
17 Հունվարի 2017
Մառա Բաղդասարյանի հայրը նախատել է դստերը դատարանում
Սավյոլովի դատարանի նիստի ժամանակ Մառա Բաղդասարյանի հայրը նախատել է աղջկան: