485.16
+0.79
562.93
-1.22
8.23
-0.05
+8
Եղանակը Երևանում
Հայ
Հղիության սելեկտիվ ընդհատումների խնդիրը Հայաստանի համար կենսական հարց է դարձել. պատգամավոր
14:00
03 Նոյեմբերի 2014

ԵՐԵՎԱՆ, 3 նոյեմբերի. /Նովոստի-Արմենիա/. Ապագա երեխայի սեռով պայմանավորված հղիության արհեստական ընդհատման խնդիրը կենսական հարց է Հայաստանի համար, հայտարարել է ՀՀ ԱԺ պատգամավոր Կարինե Աճեմյանը:

«Հարաբերակցությունը, երբ 100 նորածին աղջիկներին բաժին է հասնում 114 տղա, իսկ երրորդ երեխայի դեպքում 100 աղջկան՝ 160 տղա, շատ վտանգավոր է: Հայաստանին ապագա զինվորներ են հարկավոր, սակայն անհրաժեշտ են նաև ապագա մայրեր», - ասաց Աճեմյանը երկուշաբթի մամուլի ասուլիսի ժամանակ:

Նրա խոսքով՝ Գեղարքունիքի մարզում արդեն կան գյուղեր, որտեղ առաջին դասարան են գնացել միայն տղաներ կամ մեկ դասարանում կա միայն մեկ աղջիկ:

«Հղիության սելեկտիվ ընդհատումների խնդիրը կարող է լուծվել երեխաների նկատմամբ սելեկտիվ վերաբերմունքի փոփոխության արդյունքում: Սա մեր հասարակության կարծրատիպերի խնդիրն է, որոնց դեմ մենք պետք է պայքարենք», - կարծում է Աճեմյանը:

Հղիության սելեկտիվ ընդհատումների պատճառով Հայաստանում մինչև 2060 թվականը կարող է չծնվել մոտ 93 հազար աղջիկ: ՄԱԿ-ի ազգաբնակչության հիմնադրամը 2012-13թթ.-ին «Հայաստանում նորածինների սեռերի անհամապատասխանությունը. ժողովրդագրական տվյալներ և վերլուծություն» թեմայով ուսումնասիրություն է անցկացրել՝ հիմնվելով 2011թ.-ին անցկացրած վերջին մարդահամարի տվյալների վրա: Հայաստանում յուրաքանչյուր 100 աղջկա հաշվով ծնվում է 114 տղա:

ՄԱԿ-ի ազգաբնակչության հիմնադրամի հայկական գրասենյակի կողմից 2011թ.-ին անցկացրած նախորդ ուսումնասիրության համաձայն՝ Հայաստանում մոտ 7200 կին հղիության սելեկտիվ ընդհատում է կատարել 2006-2011թթ.-ին:

Բնապահպան Կարինե Դանիելյանն իր հերթին նշեց, որ նորածին աղջիկների նկատմամբ տղաների նման վտանգավոր հարաբերակցության խնդիրը չի կարելի բացատրել միայն հղիության սելեկտիվ ընդհատմամբ:

Փորձագետն այստեղ տեսնում է մի շարք գործոնների ազդեցություն, որոնց թվում են 1988թ.-ի Սպիտակի երկրաշարժը, ռազմական տարիների ֆենոմենը, սթրեսային իրավիճակը, որի մեջ գտնվում է Հայաստանի բնակչությունը վերջին տարիներին, տղամարդկանց զանգվածային արտագաղթը: Նրա խոսքով՝ համաշխարհային փորձը ցույց է տալիս, որ նման իրավիճակում աճում է նորածին տղաների թիվը:

«Հայաստանը շատ վտանգավոր ժամանակաշրջան է թևակոխել, որը բնութագրվում են սթրեսային վիճակով, ցածր ծնելիությամբ և հղիության սելեկտիվ ընդհատումներով: Այստեղ լուծումը հասարակության սոցիալ-տնտեսական բևեռացման կանխարգելումն է», - ասաց Դանիելյանը:

2002թ.-ից Հայաստանում գործում է «Մարդու վերարտադրողական առողջության և վերարտադրողական իրավունքների մասին» օրենքը, որի 10-րդ հոդվածում նշվում է` հղիության մինչև 12 շաբաթական ժամկետում ընդհատումն իրականացվում է կնոջ հայտարարության հիման վրա, իսկ մինչև 22 շաբաթական ընդհատում կարող է իրականացվել միայն բժշկասոցիալական ցուցումների դեպքում՝ կնոջ համաձայնությամբ:

Եվրոպայի Խորհրդի Խորհրդարանական վեհաժողովը 2011թ.-ին բանաձև է ընդունել, որտեղ նշվում է, որ ապագա երեխայի սեռի ընտրությունը հասել է «մտահոգող մասշտաբների» Ալբանիայում, Հայաստանում, Ադրբեջանում և Վրաստանում:

ԱՎԾ-ի տվյալներով՝ Հայաստանում այս տարվա առաջին կիսամյակում ծնվել է 19401 երեխա, այս ցուցանիշը, նախորդ տարվա նույն ժամանակաշրջանի համեմատ, ավելացել է 3,2 տոկոսով:-0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։