485.74
+0.58
561.81
-1.12
8.27
+0.04
+11
Եղանակը Երևանում
Հայ
Ռուս–հայկական գիտազբոսաշրջային արշավի մասնակիցները կշարունակեն ճանապարհորդել ժամանակակից Թուրքիայի տարածքում
12:15
22 Հոկտեմբերի 2014

ԵՐԵՎԱՆ, 22 հոկտեմբերի. /Նովոստի-Արմենիա/. «Ռուսական հետք: Հայաստան-Ռուսաստան. խաչմերուկներ և զուգահեռներ» ռուս–հայկական գիտազբոսաշրջային երրորդ արշավի մասնակիցներն առաջիկա երեք օրերին կշարունակեն իրենց ճամփորդությունը ժամանակակից Թուրքիայի տարածքում:

Չորեքշաբթի առավոտյան արշավի մասնակիցները կհատեն թուրք-վրացական սահմանը, կայցելեն Հայաստանի միջնադարյան մայրաքաղաք Անի, կգիշերեն Կարսում: Հինգշաբթի նրանք կհանդիպեն զբոսաշրջության ոլորտում տեղի պատասխանատուների հետ, կշրջեն քաղաքում և երեկոյան համատեղ քննարկումներ կանցկացնեն տարածաշրջանային շրջագայությունների կազմակերպման մասին: Ուրբաթ նախատեսված է այց Սարիղամիշ քաղաք, արշավի մասնակիցները կայցելեն պատմամշակութային հուշարձաններ, այն տունը, որտեղ կանգ է առել Նիկոլայ Երկրորդ թագավորը 1914 թ.-ին, ինչպես նաև կայցելեն Արդահան: Նույն օրը արշավի մասնակիցները կվերադառնան Երևան, որտեղ շաբաթ օրը տեղի կունենա արշավի արդյունքներն ամփոփող մամուլի ասուլիս:

«Ռուսական հետք։ Հայաստան-Ռուսաստան. խաչմերուկներ և զուգահեռներ» ռուս–հայկական գիտազբոսաշրջային երրորդ արշավն անցկացվում է հոկտեմբերի 17-25-ը: Այն կազմակերպվել է Ռուսաստանի զբոսաշրջության միջազգային ակադեմիայի և Զբոսաշրջության հայկական ինստիտուտի կողմից և նվիրված է 1941-1945 թվականների Հայրենական մեծ պատերազմում տարած հաղթանակի 70 ամյակին:

Աբովյան քաղաքի Ռուսաստանի և Հայաստանի ժողովուրդների բարեկամության հուշարձանի մոտ տրվել է արշավի հանդիսավոր մեկնարկը: Արշավի մասնակիցներին ողջունել են Զբոսաշրջության հայկական ինստիտուտի ռեկտոր Ռոբերտ Մինասյանը, ՀՀ-ում ՌԴ արտակարգ և լիազոր դեսպան Իվան Վոլինկինը, ՀՀ ԱԺ փոխխոսնակ Հերմինե Նաղդալյանը:

Ողջույնի խոսքում ՀՀ-ում ՌԴ դեսպանը կարևորել է նմանատիպ միջոցառումների անցկացումը երկու ժողովուրդների երիտասարդության համար և ընթերցել է ՌԴ նախագահի աշխատակազմի միջտարածաշրջանային և մշակութային կապերի վարչության ղեկավար Վլադիմիր Չեռնովի ուղերձը, որտեղ նշվում է, որ մեծամասշտաբ նախագիծը, որի նախաձեռնողը Ռուսաստանի զբոսաշրջության միջազգային ակադեմիան ու Զբոսաշրջության հայկական ինստիտուտն են, դարձել է սերտ փոխգործակցության պահպանման և ամրապնդման օրինակ Հայաստանի հնագույն ժողովրդի պատմության համատեղ որոնման և ուսումնասիրման գործում:

«Խորհրդանշական է, որ ռուս և հայ գիտնականների նմանատիպ գիտական հետազոտություններն անցկացվում են Հայրենական մեծ պատերազմում տարած հաղթանակի 70-ամյակի նախաշեմին, որը միասին ձեռք են բերել մեր հայրերն ու պապերը: Երախտագիտություն եմ հայտնում «Ռուսական հետք» բացառիկ արշավի կազմակերպիչներին և հաջողությունն եմ մաղթում այս կարևոր մարդասիրական առաքելության իրականացման գործում», - նշվում է ուղերձում:

Աբովյանում հանդիսավոր մեկնարկից հետո գիտազբոսաշրջային արշավի մասնակիցները գնացքով մեկնել են Սևան: Սևանա լճի ափին նրանք հանդիպել են «Կիլիկիա» հայտնի առագաստանավի անձնակազմի հետ, շրջել նավում: Արշավի 15 անդամները առագաստանավով նավարկել են Սևանով:

Արշավի մասնակիցները բարձրացել են Մուրղուզ սարը, արշավ կազմակերպել դեպի Լաստիվեր կիրճը, այցելել Լերմոնտովո և Ֆիոլետովո գյուղերը, որտեղ ծանոթացել են մոլոկանների կենսակերպին:
Արշավը անցնում է Հայաստանի Ազգային ժողովի, ՀՀ-ում Ռուսաստանի Դաշնության դեսպանության հովանու ներքո, Հայաստանի հանրապետական կուսակցության, ՀՀ-ում Ռոսսոտրուդնիչեստվոյի ներկայացուցչության, «ՀԿԵ» ՓԲԸ–ի, «Ավարայր» տուրիստական ընկերության, «Բուս Վոյաժ» ՍՊԸ-ի, «Շիրակ» հյուրանոցի, «Արմենիա Տուրիստիչեսկայա» ամսագրի աջակցությամբ:

Արշավախմբի հիմնական նպատակը «ռուսական հետքի» բացահայտումն էր 3 գիտազբոսաշրջային արշավախմբերի արդյունքում։ Դրանք մինչև մեր օրերը պահպանված զինվորական, կրոնական, քաղաքացիական, տրանսպորտային շինություններն են, գերեզմանոցներ, դամբարաններ, հուշարձաններ, որոնք խորհրդանշում են մեր ժողովուրդների բազմադարյա բարեկամությունը, ինչպես նաև մոլոկանների, գերմանացիների, էստոնացիների, կազակների բնակության վայրերը և այլն։ Տարածքներում պահպանվել են մշակույթի և կենցաղի առարկաներ։ Կլինեն աշխարհագրական նկարահանումներ։ Ավարտին ծրագրվում է Երևանում և Մոսկվայում ֆոտոցուցահանդեսների կազմակերպում։

Ավարտից հետո կնախապատրաստվի ռուսական շուկայում վաճառքի համար զբոսաշրջային նոր պրոդուկտի նախագիծը։

Առաջին ռուս–հայկական գիտազբոսաշրջային արշավն անցել է 2012 թվականի սեպտեմբերի 30–ից հոկտեմբերի 9–ը։ Մասնակիցները հաղթահարել են 1.6 հազար կիլոմետր ճանապարհ` Հայաստանի հյուսիսից հարավ։ Երկրորդ արշավն անցել է երկու փուլով 2013 թվականի հունիսին։ Առաջին փուլը երկօրյա աննախադեպ տուր էր (հունիսի 8-9) Երևան–Գյումրի–Վանաձոր–Ալավերդի–Երևան երթուղով`«Ճանաչիր Հայրենիքը և պատմիր նրա մասին» թեմայով։ Արշավի երկրորդ մասում` «Հայաստանի չհայտնագործված զբոսաշրջային սրբազան ճանապարհները» փուլում, մասնակիցները քայլելով և հեծանիվով ճանապարհորդել են լեռնային վերելքներով։ -0-

Loading...
Թեմատիկ նյութեր
Բաժնի այլ նյութեր
13:14
07 Նոյեմբերի 2017
Բրիտանացի միլիարդերը ամենօրյա չվերթեր կիրականացնի տիեզերք
SpaceShipTwo Unity նավը 2014 թվականին կործանված Enterprise նավի կատարելագործված տարբերակն է։
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։