487.29
-0.01
568.08
+2.76
8.23
+0.01
+7
Եղանակը Երևանում
Հայ
Պաշտամունքների և աղանդների 350 հազար հետևորդների առկայությունն իրական սպառնալիք է Հայաստանի ինքնիշխանության համար. փորձագետ
17:52
21 Հոկտեմբերի 2014

ԵՐԵՎԱՆ, 21 հոկտեմբերի. /Նովոստի-Արմենիա/. Տարբեր պաշտամունքների և կրոնական աղանդների 350 հազար հետևորդների առկայությունն իրական սպառնալիք է Հայաստանի ինքնիշխանության համար, կարծում է Համահայկական ծնողական կոմիտեի նախագահ Արման Բոշյանը:

«Օտարերկրյա աղանդները փորձում են խախտել մեր պետականության հիմքերն ու նվազեցնել Հայ Առաքելական Եկեղեցու դերը: Նրանք օգտագործում են ինչպես մանիպուլյացիայի, այնպես էլ զոմբիացման կամ հիպնոզի տեխնոլոգիաները, որոնք հասցված են կատարելության», - երեքշաբթի հրավիրված ասուլիսի ժամանակ ասաց Բոշյանը:

Նրա խոսքով՝ հարյուր հազարավոր աղանդավորները կառավարելի են, ենթարկվում են աղանդների ղեկավարներին և ցանկացած պահի կարող են օգտագործվել ինչպես քաղաքական, այնպես էլ աշխարհաքաղաքական մթնոլորտի ապակայունացման համար:

«Արժեհամակարգը ցանկացած պետության ինքնիշխանության երաշխիքն է: Աղանդների գործունեությունն ուղղված է այդ արժեքների քայքայմանը», - ասաց Բոշյանը:

Նրա կարծիքով՝ խնդիրը կարելի է լուծել Հայաստանի տարածքում աղանդների գործունեությունն արգելելու, ինչպես նաև աղանդավորության տեղեկատվական քարոզից պաշտպանվելու արդյունավետ մեխանիզմ ներդնելու միջոցով: Աղանդավորները, նրա դիտարկմամբ, այսօր ոչ միայն գրականություն են տարածում, այլ նաև զբաղվում են ագրեսիվ քարոզով:

Քայքայիչ պաշտպամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանն իր հերթին նշեց, որ օտարերկրյա աղանդների ներկայացուցիչները վերջերս ավելի ակտիվ են այցելում Հայաստան: «Օգտվելով անպատժելիությունից՝ նրանք փորձում են ավելի ակտիվ դեր խաղալ», - կարծում է Ամարյանը:

Նրա խոսքով՝ Հայաստանում գործում է 65 պաշտոնապես գրանցված աղանդ և մոտ 250 կազմակերպություն, որոնք գաղտնի են գործում:

«Սլավոնական գվարդիա» ՀԿ-ի ղեկավար Վլադիմիր Ռոգովի կարծիքով՝ այն, որ հիմա Ուկրաինայում քաղաքացիական պատերազմի քաոս է տիրում, մեծ է նաև աղանդների դերը:

«Ուկրաինայում աղանդների գործունեության վերաբերյալ բավականին ազատական օրենսդրություն է գործում: 2013թ.-ին այնտեղ տասը հազար նմանատիպ կազմակերպությունների գործունեություն էր գրանցվել: Աղանդների ղեկավարներն այսօր Ուկրաինայում թունավորում են մարդկանց, ինքնասպանության կոչեր են անում», - ասաց Ռոգովը:

«Մշակութային, գիտական, աշխարհաքաղաքական և տնտեսական համագործակցության միջազգային ֆորումի» նախագահ Վասիլի Մանչինը կոչ արեց Հայաստանի թույլ չտալ, որ աղանդների գործունեությունը հանգեցնի պետական մակարդակով երկրի փլուզմանը, ինչպես դա տեղի ունեցավ Հարավսլավիայում:

Անկախության տարիների ընթացքում Հայաստանում աղանդների հզոր բանակ է ձևավորվել՝ կոշտ իշխանությամբ և իրենց շարքերը երիտասարդներին ներգրավելու մշակված մեթոդներով: Վերջին ամիսներին Հայաստանում նմանատիպ կազմակերպությունների չափազանց մեծ ակտիվություն է նկատվում, հաճախակի են դարձել Արևմտյան երկրներից ազդեցիկ աղանդների բարձրաստիճան ներկայացուցիչների այցերը Հայաստան:

Այս ամենը խոսում է այն մասին, որ Հայաստանում աղանդները մոբիլիզացվում են և ուժեղացվում՝ արտաքին ուժերի շահերի համար օգտագործվելու նպատակով: Դրան զուգահեռ ԵՄ կառույցները, նրանց ներկայացուցիչներն ու արևմտյան երկրների դեսպանատները, օգտագործելով «մարդու իրավունքների պաշտպանության» թեման, Հայաստանում օրենքների ընդունում են պահանջում՝ ոտնահարելով Հայ Առաքելական Եկեղեցու իրավունքներն ու կանաչ լույս ապահովելով ցանկացած հակաազգային գործունեության համար:-0-


 

Loading...
Թեմատիկ նյութեր
Բաժնի այլ նյութեր
11:51
10 Նոյեմբերի 2017
Շքեղ Մոնիկա Բելուչին փոխել է սանրվածքը (ՖՈՏՈ)
Իտալացի դերասանուհի Մոնիկա Բելուչին մասնակցել է նոյեմբերի 7–ին Հռոմում անցկացված The Virna Lisi Award մրցանակաբաշխության արարողությանը։
11:41
10 Նոյեմբերի 2017
Մահացել է հայտնի երգիծաբան Միխայիլ Զադորնովը
Գրող և երգիծաբան Միխայիլ Զադորնովը մահացել է կյանքի 70–րդ տարում։
17:39
09 Նոյեմբերի 2017
Աչքի եզակի վիրահատություններ Երևանում. փոքրիկներ են վիրահատվել
Երևանում աչքի` ծավալով և բարդությամբ եզակի վիրահատություններ են անցկացրել։
13:59
09 Նոյեմբերի 2017
Պայծառատես Նորա Զուրաբյանը տպավորել է «Ես կարող եմ» ռուսական շոուի հանդիսատեսին (ՎԻԴԵՈ)
Պայծառատես Նորա Զուրաբյանը, ում կոչում են կին–ռադար, տպավորել է  «Ես կարող եմ» ռուսական շոուի հանդիսատեսին:
21:28
08 Նոյեմբերի 2017
Ջոն Մալկովիչի հետքերով. Երևան այցելելու 5 ծանրակշիռ պատճառ (ՖՈՏՈ)
Խելահեղ համայնապատկերներ, համեղ սնունդ, թև տվող խմիչքներ....
19:00
08 Նոյեմբերի 2017
Լեգենդար Ջիվան Գասպարյանը դիմել է Մոսկվայի «Արարատի» երկրպագուներին (ՎԻԴԵՈ)
Դուդուկի վարպետ Ջիվան Գասպարյանը տեսաուղերձ է հղել «Արարատ» մոսկովյան ֆուտբոլային ակումբի երկրպագուներին։
18:01
08 Նոյեմբերի 2017
Գերմանիայի ամուսնությունների գրանցումների մատյաններում երրորդ սեռ կներառվի
Գերմանիայի Գերագույն դատարանը  որոշում է կայացրել երրորդ սեռ ներառել ՔԿԱԳ մատյաններում։
11:09
08 Նոյեմբերի 2017
YouTube-ում արգելափակվել են 70-ից ավելի հայ հայտնիների պաշտոնական էջեր
Վերջերս YouTube-ում արգելափակվել են 70-ից ավելի հայ հայտնիների պաշտոնական էջեր:
13:14
07 Նոյեմբերի 2017
Բրիտանացի միլիարդերը ամենօրյա չվերթեր կիրականացնի տիեզերք
SpaceShipTwo Unity նավը 2014 թվականին կործանված Enterprise նավի կատարելագործված տարբերակն է։
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը: