478.57
+0.37
561.79
+1.96
8.05
+0.02
+21
Եղանակը Երևանում
Հայ
ՀՀ կառավարությունը հետևողականորեն բարձրացնելու է պետական կառավարման համակարգի թափանցիկությունը. վարչապետ
17:33
26 Սեպտեմբերի 2014

ԵՐԵՎԱՆ, 26 սեպտեմբերի. /Նովոստի-Արմենիա/. ՀՀ կառավարությունը հետևողականորեն բարձրացնելու է պետական կառավարման համակարգի թափանցիկությունը, հայտարարել է ՀՀ վարչապետ Հովիկ Աբրահամյանը:

«Մեր երկրում տեղեկատվության ազատությունը երաշխավորված է օրենքով, և մենք հետևողական ջանքեր ենք գործադրելու, որպեսզի ապահովվի կառավարման համակարգի թափանցիկությունը», - ասել է Աբրահամյանը՝ ուրբաթ ելույթ ունենալով Ինֆորմացիայի ազատության կենտրոնի «Ոսկե բանալի և ժանգոտ կողպեք» ամենամյա մրցանակաբաշխությանը:

Ողջունելով ներկաներին Տեղեկատվության ազատության միջազգային օրվա կապակցությամբ՝ վարչապետը նշեց, որ ՀՀ կառավարությունը կարևորում է Ինֆորմացիայի ազատության կենտրոնի նախաձեռնությունը երկրում ժողովրդավարության ամրապնդման և քաղաքացիական հասարակության ձևավորման համատեքստում:

Նրա խոսքերով՝ ՀՀ կառավարությունը շարունակում է հավատարիմ մնալ ավելի թափանցիկ և քաղաքացիներին հաշվետու դառնալու իր պարտավորությանը:

«ՀՀ կառավարությունը մշտապես իր ուշադրության կենտրոնում է պահում պետական կառավարման համակարգի արդյունավետության բարձրացման խնդիրը: Դրա վառ ապացույցը Բաց կառավարման գործընկերություն նախաձեռնությունն է, որը թևակոխել է իրականացման երկրորդ փուլ: Այս ծրագիրը հիանալի հնարավորություն է ընձեռում ունենալու այնպիսի ինստիտուտներ, որոնք կնպաստեն քաղաքացու ակտիվ մասնակցությանը որոշումների կայացման և քաղաքականության մշակման գործընթացներում», - նշեց նա:

Վարչապետը Արմավիրի մարզպետարանի ներկայացուցչին հանձնեց «Ոսկե բանալի» մրցանակը բաց և հրապարակային աշխատանքի համար:

Միջոցառմանը ներկա ՀՀ-ում ԵՄ դեսպան Տրայան Հրիստեան իր հերթին կարևորեց նման նախաձեռնությունները երկրում ժողովրդավարության և խոսքի ազատության ամրապնդման համատեքստում:
Մրցույթի արդյունքում «Ոսկե բանալի» մրցանակը հանձնվեց մի շարք պետական և հասարակական կազմակերպությունների և ԶԼՄ-ների, ինչպես նաև առանձին անձանց:

Այսպես՝ «Տեղեկատվության ազատության մասին» օրենքի լավագույն գործնական կիրառման համար «Ոսկե բանալի» մրցանակին արժանացավ Արմավիրի մարզպետարանը: Լավագույն լուսաբանման համար «Ոսկե բանալու» արժանացավ ՀՀ ոստիկանության կայքը (police.am):

Տեղեկատվության ազատության խնդիրների ամենահետևողական լուսաբանման համար «Ոսկե բանալու» արժանացավ Հայաստանի հանրային ռադիոն: «Տեղեկատվության ազատության մասին» օրենքի լավագույն գործնական կիրառման համար «Ոսկե բանալի» մրցանակին արժանացավ yerkir.am ինֆորմացիոն հրատարակությունը: «Ոսկե բանալի» մրցանակի արժանացավ նաև փաստաբան Կարեն Մեժլումյանը:

Միաժամանակ փակ լինելու և թույլ աշխատանքի համար «Ժանգոտ կողպեք» հակամրցանակը հանձնվեց Հայաստանի պետական տնտեսագիտական համալսարանին, որը ամենավատ կերպով է կատարել «Տեղեկատվության ազատության մասին» օրենքում ամրագրված պարտավորությունները:

Անշարժ գույքի կադաստրի պետական կոմիտեն ստացավ «Ժանգոտ կողպեքը», քանի որ չափազանց դանդաղ է արձագանքել քաղաքացիների նամակներին:-0-

Loading...
Թեմատիկ նյութեր
Բաժնի այլ նյութեր
16:30
18 Օգոստոսի 2017
Գերմանիայում ավանդական հայկական լավաշ կթխվի
Գերմանիայում հանդիսավորապես կբացվի լավաշի առաջին թոնիրը:
13:00
18 Օգոստոսի 2017
Արոնյանի սիրո խոստովանությունը` Աստվածաշնչի ամենագեղեցիկ տողերով (ՖՈՏՈ)
Հայ գրոսմայստեր Լևոն Արոնյանը Facebook–ի իր էջում իր հարսնացուի` Արիանա Կաոիլիի հետ լուսանկարների շարք է հրապարակել։
21:08
17 Օգոստոսի 2017
Քլոե Քարդաշյանի ընկերը նրան Հայաստանի ոսկե զինանշան է նվիրել (ՎԻԴԵՈ)
Քիմ Քարդաշյանի կրտսեր քույրը` Քլոե Քարդաշյանը, յուրօրինակ նվեր է ստացել։
16:40
17 Օգոստոսի 2017
Ռուսաստանում վերջնականապես արգելվեց «Եհովայի վկաներ»–ի գործունեությունը
ՌԴ արդարադատության նախարարությունը «Եհովայի վկաներ» կազմակերպությունն ընդգրկել է արգելված կազմակերպությունների ցանկում:
17:04
16 Օգոստոսի 2017
Սիթիբանկում պատանդներ պահած գործարար Արամ Պետրոսյանին 50 հազ.ռուբլու հայց է ներկայացվել
Արամ Պետրոսյանի նկատմամբ գործի տուժած կողմը նրան 50 հազար ռուբլու քաղաքացիական հայց է ներկայացրել։
16:26
15 Օգոստոսի 2017
Հեռախոսային «ալո» ողջույնը 140 տարեկան է
«Ալո» հեռախոսային դիմելաձևը նշում է 140–ամյակը։
17:24
11 Օգոստոսի 2017
Երևանում երթուղային «Գազելները» կարող են մնալ անցյալում
Անդրադառնալով  տրանսպորտային գների աճին, Նիկոյանը նշեց, որ բոլոր ջանքերը գործադրվում են՝ դրանից խուսափելու համար:
20:04
10 Օգոստոսի 2017
Հայ սոցիոլոգը նշել է, թե օրական քանի ծխախոտն է անվտանգ
Հայաստանի բնակիչներն օրական ավելի պակաս ծխախոտ են սկսել օգտագործել:
18:31
09 Օգոստոսի 2017
Փորձագետը նշել է Հայաստանում զբոսաշրջիկների թվի ավելացման ամենաարդյունավետ տարբերակը
Փառատոները սեփական ներուժը ցույց տալի արդյունավետ ձև է, ինչպես ներքին, այնպես էլ արտաքին շուկաներում:
20:26
08 Օգոստոսի 2017
Թուրքիայի իշխանություններն առգրավել են Սևան Նշանյանի բանկային խնայողությունները
«Պետությունն առգրավել է այն,, քանի որ այլ ելք չեն գտել իմ դեմ», - գրել է Նշանյանը:
17:53
08 Օգոստոսի 2017
ՍԱՊԾ-ն դաբաղի վերաբերյալ ահազանգ չի ստացել
Հիվանդությունն առանց լաբորատոր փորձաքննության հնարավոր չէ ախտորոշել
16:49
08 Օգոստոսի 2017
Թուրքիայում հանգստացողներին խորհուրդ է տրվում զգուշանալ կոկսակի վիրուսից. ՀՀ ԱՆ
Հարևան երկրներում, մասնավորապես՝ Թուրքիայում վերջին ամիսների ընթացքում շարունակվում է էնտերովիրուսային վարակներով պայմանավորված (Կոկսակի վիրուս) համաճարակային լարված իրավիճակը: