478.57
+0.37
561.79
+1.96
8.05
+0.02
+27
Եղանակը Երևանում
Հայ
Մեծի Տանն Կիլիկիո Կաթողիկոս Արամ Առաջինը Սիսի կաթողիկոսությունը վերադարձնելու պահանջով կդիմի Թուրքիայի ՍԴ-ին
14:15
19 Սեպտեմբերի 2014

ԵՐԵՎԱՆ, 19 սեպտեմբերի. /Նովոստի-Արմենիա/. Մեծի Տանն Կիլիկիո Կաթողիկոս Արամ Առաջինը (նստավայրը՝ Անթիլիաս, Լիբանան) առաջիկայում կդիմի Թուրքիայի Սահմանադրական դատարան՝ պահանջելով վերադարձնել Սիսում գտնվող (Կիլիկիայի հայկական թագավորության մայրաքաղաքը, որը գտնվում է ժամանակակից Թուրքիայի տարածքում) Կաթողիկոսության պատմական շենքը:

Այս մասին ուրբաթ հայտարարեց Մեծի Տանն Կիլիկիո Կաթողիկոս Արամ Առաջինը Երևանում «Հայաստան-Սփյուռք» 5-րդ համահայկական համաժողովի բացման ժամանակ:

«Եկել է ժամանակը, որ Հայոց ցեղասպանության միջազգային ճանաչմանն ուղղված աշխատանքները տեղափոխվեն իրավական դաշտ: Մենք դատարան ենք դիմում՝ ոչ միայն ելնելով հուզական և քարոզչական նկատառումներից, սա պարզապես եկեղեցու ունեցվածքը վերադարձնելու պահանջ չէ, այն նաև խորհրդանշական նշանակություն ունի Կիլիկիայի և համայն հայության համար: Մենք նաև գիտենք, որ այդ դատարանը «թղթապանակ կբացի» Արևմտյան Հայաստանի ազգային և եկեղեցական ունեցվածքը վերադարձնելու պահանջով», - ասաց Արամ Առաջինը:

Նրա խոսքով՝ վերջին երկու տարում այս հարցի շուրջ ակտիվ խորհրդակցություններ են ընթացել միջազգային իրավունքի և դատավարության ոլորտում գործող մասնագետների հետ:

Կաթողիկոսն ընդգծեց, որ եթե Թուրքիայի ՍԴ-ն մերժի պահանջը, ապա Կաթողիկոսությունը կդիմի Մարդու իրավունքների եվրոպական դատարան:

«Եթե մենք հաղթենք գործը, ապա դա պատիվ կբերի մեր ժողովրդին, Հայրենիքին և Եկեղեցուն: Եթե անգամ պարտվենք, ապա կապացուցենք համաշխարհային հանրությանը, որ անգամ 100 տարի անց հայ ժողովուրդը պահանջում է իր իրավունքները», - ընդգծեց նա:

Մեծի Տանն Կիլիկիո Կաթողիկոսությունը Հայ Առաքելական Եկեղեցու հիերարխիկ աթոռներից մեկն է: Կիլիկիո Կաթողիկոսի նստավայրը Թուրքիայում տեղի ունեցած Հայոց ցեղասպանությունից հետո 1930թ.-ին Կիլիկիայից տեղափոխվեց Անթիլիաս  (Լիբանան): Կիլիկիո Կաթողիկոսությունն ունի եկեղեցական թեմեր Լիբանանում, Սիրիայում և Կիպրոսում:

«Հայաստան-Սփյուռք» 5-րդ համահայկական համաժողովն անցկացվում է սեպտեմբերի 19-20-ը Երևանում: Համաժողովին մասնակցում են սփյուռքում գործող կառույցների մոտ հազար ներկայացուցիչներ, որոնց թվում են՝ Ամենայն Հայոց Կաթողիկոս Գարեգին Երկրորդը, Մեծ Տանն Կիլիկիո Կաթողիկոս Արամ Առաջինը, Հայոց Կաթողիկե եկեղեցու առաջնորդ Պատրիարք Ներսես Պետրոս XIX –ը:

Համաժողովն անցկացվում է հետևյալ թեմատիկ բաժիններով՝ Օսմանյան կայսրությունում տեղի ունեցած Հայոց ցեղասպանության 100-րդ տարելիցը, սիրիահայերի և արտակարգ իրավիճակներում հայտնված հայերի անվտանգության խնդիրները, Հայաստանի և սփյուռքի կառույցների փոխգործակցության կատարելագործումը: -0-

Loading...
Թեմատիկ նյութեր
Բաժնի այլ նյութեր
16:30
18 Օգոստոսի 2017
Գերմանիայում ավանդական հայկական լավաշ կթխվի
Գերմանիայում հանդիսավորապես կբացվի լավաշի առաջին թոնիրը:
13:00
18 Օգոստոսի 2017
Արոնյանի սիրո խոստովանությունը` Աստվածաշնչի ամենագեղեցիկ տողերով (ՖՈՏՈ)
Հայ գրոսմայստեր Լևոն Արոնյանը Facebook–ի իր էջում իր հարսնացուի` Արիանա Կաոիլիի հետ լուսանկարների շարք է հրապարակել։
21:08
17 Օգոստոսի 2017
Քլոե Քարդաշյանի ընկերը նրան Հայաստանի ոսկե զինանշան է նվիրել (ՎԻԴԵՈ)
Քիմ Քարդաշյանի կրտսեր քույրը` Քլոե Քարդաշյանը, յուրօրինակ նվեր է ստացել։
16:40
17 Օգոստոսի 2017
Ռուսաստանում վերջնականապես արգելվեց «Եհովայի վկաներ»–ի գործունեությունը
ՌԴ արդարադատության նախարարությունը «Եհովայի վկաներ» կազմակերպությունն ընդգրկել է արգելված կազմակերպությունների ցանկում:
17:04
16 Օգոստոսի 2017
Սիթիբանկում պատանդներ պահած գործարար Արամ Պետրոսյանին 50 հազ.ռուբլու հայց է ներկայացվել
Արամ Պետրոսյանի նկատմամբ գործի տուժած կողմը նրան 50 հազար ռուբլու քաղաքացիական հայց է ներկայացրել։
16:26
15 Օգոստոսի 2017
Հեռախոսային «ալո» ողջույնը 140 տարեկան է
«Ալո» հեռախոսային դիմելաձևը նշում է 140–ամյակը։
17:24
11 Օգոստոսի 2017
Երևանում երթուղային «Գազելները» կարող են մնալ անցյալում
Անդրադառնալով  տրանսպորտային գների աճին, Նիկոյանը նշեց, որ բոլոր ջանքերը գործադրվում են՝ դրանից խուսափելու համար:
20:04
10 Օգոստոսի 2017
Հայ սոցիոլոգը նշել է, թե օրական քանի ծխախոտն է անվտանգ
Հայաստանի բնակիչներն օրական ավելի պակաս ծխախոտ են սկսել օգտագործել:
18:31
09 Օգոստոսի 2017
Փորձագետը նշել է Հայաստանում զբոսաշրջիկների թվի ավելացման ամենաարդյունավետ տարբերակը
Փառատոները սեփական ներուժը ցույց տալի արդյունավետ ձև է, ինչպես ներքին, այնպես էլ արտաքին շուկաներում:
20:26
08 Օգոստոսի 2017
Թուրքիայի իշխանություններն առգրավել են Սևան Նշանյանի բանկային խնայողությունները
«Պետությունն առգրավել է այն,, քանի որ այլ ելք չեն գտել իմ դեմ», - գրել է Նշանյանը:
17:53
08 Օգոստոսի 2017
ՍԱՊԾ-ն դաբաղի վերաբերյալ ահազանգ չի ստացել
Հիվանդությունն առանց լաբորատոր փորձաքննության հնարավոր չէ ախտորոշել
16:49
08 Օգոստոսի 2017
Թուրքիայում հանգստացողներին խորհուրդ է տրվում զգուշանալ կոկսակի վիրուսից. ՀՀ ԱՆ
Հարևան երկրներում, մասնավորապես՝ Թուրքիայում վերջին ամիսների ընթացքում շարունակվում է էնտերովիրուսային վարակներով պայմանավորված (Կոկսակի վիրուս) համաճարակային լարված իրավիճակը: