478.2
-0.31
559.83
-1.08
8.05
+0.02
+20
Եղանակը Երևանում
Հայ
Հայաստանում սահմանափակ հնարավորություններ ունեցող մարդկանց մոտ 20%-ն է բարձրաձայնում կոռուպցիայի մասին. հարցում
16:42
26 Օգոստոսի 2014

ԵՐԵՎԱՆ, 26 օգոստոսի. /Նովոստի-Արմենիա/. 2014թ.-ի առաջին եռամսյակում «Լիարժեք կյանք» ՀԿ-ի անդամների իրականացրած հարցումը ցույց է տվել, որ կոռուպցիայի փաստի հետ բախվել է 55 հարցվածների մոտ 20 տոկոսը, որոնք բժշկասոցիալական փորձաքննություն են անցել, երեքշաբթի լրագրողներին տեղեկացրեց կազմակերպության ղեկավար Սուրեն Մաղաքյանը:

«Լիարժեք կյանք» ՀԿ-ն զեկույց է ներկայացրել, որը կազմվել է իրականացված դիտարկման և հարցման հիման վրա՝ նպատակ ունենալով բացահայտել հաշմանդամության կարգը որոշելու համար բժշկասոցիալական փորձաքննություն (ԲՍՓ) անցնելու հետ կապված խնդիրները:

Զեկույցում նշվում է, որ դիտարկումն անցկացվել է Լոռու, Շիրակի, Գեղարքունիքի և Արագածոտնի մարզերում ԲՍՓ-ի հանձնաժողովներում: 55 հարցվածների 20 տոկոսը նշել է, որ իրենցից 25-80 հազար դրամ (մոտ 61-198 դոլար) են պահանջել՝ կախված այն հանգամանքից, թե հաշմանդամության որ խումբը պետք է ստանան:

«Մենք դիտարկում ենք անցկացրել երկու ուղղությամբ՝ ստուգում և տեղում փորձաքննություն անցկացնելու վերահսկողություն, ինչպես նաև փորձաքննություն անցած հաշմանդամների հետ հարցումների և քննարկումների օգնությամբ», - ասաց Մաղաքյանը:

Փորձագետի խոսքով՝ մեծ խնդիր է արդյունավետ պետական կարգավորման բացակայությունը, ինչը հաճախ հանգեցնում է հաշմանդամության տարբեր կարգի տրամադրմանը՝ չնայած փորձաքննության միանման արդյունքներին:

«Փորձաքննության անցկացման ժամանակ գոյություն ունեցող մեկ այլ կարևոր խնդիրն այն է, որ այն շինությունները, որտեղ գտնվում են բժշկական կետերը, հարմարեցված չեն տեղաշարժման սահմանափակ հնարավորություններ ունեցող մարդկանց համար: Օրինակ` Սպիտակում ԲՍՓ-ի անցկացման կետը նկուղային հարկում էր գտնվում, իսկ Թալինում և Մարտունիում՝ երկրորդ և երրորդ հարկերում», - ընդգծեց Մաղաքյանը:

«Լիարժեք կյանք» ՀԿ-ի հասարակական կապերի համակարգող Լուսինե Սարգսյանի խոսքով՝ հարցվածների 47 տոկոսը հաշմանդամության կարգ ստանալիս փաստաթղթերի հետ կապված խնդիրներ են ունեցել:

«Չնայած մնացած բոլոր խնդիրներին, մենք շատ ուրախ ենք, որ հարցվածների 64 տոկոսը գոհ է բժշկական հանձնաժողովի անդամների վերաբերմունքից: Նախկինում այդ հարցն առավել սուր էր», - ասաց Սարգսյանը:

Բժշկասոցիալական փորձաքննության գործակալության փոխնախագահ Անուշ Սիմոնյանի խոսքով՝ ԲՍՓ-ի անցկացման ընթացակարգը լավացնելու համար իրականացվում են մի շարք միջոցառումներ, որոնք պետք է դրական ազդեն այդ ոլորտում գոյություն ունեցող իրավիճակի վրա:

«Մասնավորապես հիվանդները կարող են փորձաքննությանը հրավիրել իրենց բուժող բժիշկներին կամ այլ մասնագետներին, նրանք կարող են բողոքարկել հանձնաժողովի որոշումը ավելի բարձր ատյաններում: ԲՍՓ-ին արդեն կարող են մասնակցել 12 հասարակական կազմակերպություններ, որոնցից մեկը «Լիարժեք կյանք»–ն է», - ասաց Սիմոնյանը:

Նրա խոսքով՝ հասարակական կազմակերպությունները պետք է հետևեն հանձնաժողովի աշխատանքին ոչ միայն փորձաքննության ժամանակ, այլ նաև ողջ աշխատանքային գործընթացի ընթացքում:

ՀՀ աշխատանքի և սոցիալական հարցերի նախարարության տվյալներով՝ 2014 թ.-ի հունվարի 1-ի դրությամբ հաշմանդամություն ունեցող անձանց հանրապետական ռեեստրում հաշվառված է 196836 մարդ:

ԲՍՓ-ի տվյալներով՝ ամեն տարի բժշկասոցիալական փորձաքննություն է անցնում մոտ 74,5 հազար մարդ, որոնցից 4 տոկոսը (մոտ 3 հազար մարդ), ըստ գործող չափորոշիչների, հաշմանդամ չեն ճանաչվում:

2013թ.-ին բժշկասոցիալական փորձաքննության է ուղարկվել 17904 մարդ: Արդյունքում 16370 մարդ հաշմանդամ է ճանաչվել, որոնցից 784-ը ստացել են առաջին կարգ, 5139-ը՝ երկրորդ կարգ, 9406՝ երրորդ կարգ, իսկ 1041-ը՝ «հաշմանդամություն ունեցող երեխա» կարգավիճակ: Կրկնակի փորձաքննության է ուղարկվել 57578 մարդ, որոնցից 1189-ը հաշմանդամ չի ճանաչվել: Միաժամանակ զինվորական ծառայություն իրականացնելու կապակցությամբ հաշմանդամություն ունեցող անձ է ճանաչվել 209 մարդ:-0-


 

Loading...
Թեմատիկ նյութեր
Բաժնի այլ նյութեր
21:08
17 Օգոստոսի 2017
Քլոե Քարդաշյանի ընկերը նրան Հայաստանի ոսկե զինանշան է նվիրել (ՎԻԴԵՈ)
Քիմ Քարդաշյանի կրտսեր քույրը` Քլոե Քարդաշյանը, յուրօրինակ նվեր է ստացել։
16:40
17 Օգոստոսի 2017
Ռուսաստանում վերջնականապես արգելվեց «Եհովայի վկաներ»–ի գործունեությունը
ՌԴ արդարադատության նախարարությունը «Եհովայի վկաներ» կազմակերպությունն ընդգրկել է արգելված կազմակերպությունների ցանկում:
17:04
16 Օգոստոսի 2017
Սիթիբանկում պատանդներ պահած գործարար Արամ Պետրոսյանին 50 հազ.ռուբլու հայց է ներկայացվել
Արամ Պետրոսյանի նկատմամբ գործի տուժած կողմը նրան 50 հազար ռուբլու քաղաքացիական հայց է ներկայացրել։
16:26
15 Օգոստոսի 2017
Հեռախոսային «ալո» ողջույնը 140 տարեկան է
«Ալո» հեռախոսային դիմելաձևը նշում է 140–ամյակը։
17:24
11 Օգոստոսի 2017
Երևանում երթուղային «Գազելները» կարող են մնալ անցյալում
Անդրադառնալով  տրանսպորտային գների աճին, Նիկոյանը նշեց, որ բոլոր ջանքերը գործադրվում են՝ դրանից խուսափելու համար:
20:04
10 Օգոստոսի 2017
Հայ սոցիոլոգը նշել է, թե օրական քանի ծխախոտն է անվտանգ
Հայաստանի բնակիչներն օրական ավելի պակաս ծխախոտ են սկսել օգտագործել:
18:31
09 Օգոստոսի 2017
Փորձագետը նշել է Հայաստանում զբոսաշրջիկների թվի ավելացման ամենաարդյունավետ տարբերակը
Փառատոները սեփական ներուժը ցույց տալի արդյունավետ ձև է, ինչպես ներքին, այնպես էլ արտաքին շուկաներում:
20:26
08 Օգոստոսի 2017
Թուրքիայի իշխանություններն առգրավել են Սևան Նշանյանի բանկային խնայողությունները
«Պետությունն առգրավել է այն,, քանի որ այլ ելք չեն գտել իմ դեմ», - գրել է Նշանյանը:
17:53
08 Օգոստոսի 2017
ՍԱՊԾ-ն դաբաղի վերաբերյալ ահազանգ չի ստացել
Հիվանդությունն առանց լաբորատոր փորձաքննության հնարավոր չէ ախտորոշել
16:49
08 Օգոստոսի 2017
Թուրքիայում հանգստացողներին խորհուրդ է տրվում զգուշանալ կոկսակի վիրուսից. ՀՀ ԱՆ
Հարևան երկրներում, մասնավորապես՝ Թուրքիայում վերջին ամիսների ընթացքում շարունակվում է էնտերովիրուսային վարակներով պայմանավորված (Կոկսակի վիրուս) համաճարակային լարված իրավիճակը:
16:35
08 Օգոստոսի 2017
Հայաստանը կմասնակցի Մոսկվայի հրավառության շքեղ փառատոնին
Թիմերը երկինք բաց կթողնեն շուրջ 60 հազար համազարկ
15:30
08 Օգոստոսի 2017
«Կորեական Խալկ» մականունով բոդիբիլդերը հարերենով ողջույնի խոսք է ձայնագրել (ՎԻԴԵՈ)
Տեսագրությունում նա հայերենով վանկարկում է   «Հայաստան», «Հայաստան»: