478.82
+0.2
557.59
+7.08
8.14
+0.04
+26
Եղանակը Երևանում
Հայ
Ռուսաց լեզուն հայ-ռուսական հարաբերությունների որոշակի թեգ է. Աշոտյան
15:17
26 Օգոստոսի 2014

ԵՐԵՎԱՆ, 26 օգոստոսի. /Նովոստի-Արմենիա/. Ռուսաց լեզուն հայ-ռուսական հարաբերությունների որոշակի թեգ է, կարծում է ՀՀ ԿԳ նախարար Արմեն Աշոտյանը:

«Ռուսաց լեզուն հատուկ տեղ է զբաղեցնում հայկական դպրոցներում դասավանդվող օտար լեզուների շարքում, և հարցը միայն պատմական ավանդույթները չեն, այլ նաև այն, որ ռուսաց լեզվի իմացությունը համամարդկային մշակույթի հսկայական շերտի բանալին է», - ասաց Աշոտյանը լրագրողներին երեքշաբթի հայկական դպրոցների ռուսաց լեզվի դասագրքերի վերահրապարակմանն ու փոխանցմանը նվիրված միջոցառման ընթացքում:

Նախարարը նշեց, որ ռուսաց լեզուն առանձնանում է օտար լեզուների շարքում ոչ միայն հասարակությունում, այլ նաև դպրոցում, քանի որ այն միակ օտար լեզուն է, որի ուսումնասիրումը հայկական դպրոցներում սկսվում է երկրորդ դասարանից:

Աշոտյանի խոսքով՝ ռուսաց լեզուն ժամանակակից պրագմատիկ դարում նաև տնտեսական բարօրության գործիք է՝ հաշվի առնելով այն, որ բազմաթիվ գործատուներ հատուկ ուշադրություն են դարձնում առնվազն երկու օտար լեզվի իմացությանը, որոնցից մեկը ավանդաբար ռուսաց լեզուն է:

Նա նաև ընդգծեց, որ հաշվի առնելով Հայաստանում բազմաթիվ ռուսական ձեռնարկությունների առկայությունը՝ ռուսաց լեզվի իմացությունը երիտասարդ մասնագետի համար նաև ավելի բարձր աշխատավարձով աշխատանք գտնելու հնարավորություն է:

«Ռուսաց լեզվի իմացությունը հնարավորություն է տալիս ռուսական մշակույթի լայն շերտի հաղորդակիցը դառնալ, որը սիրում են բոլորը՝ անկախ այն բանից, թե սիրում են ռուսական պետությունը կամ իշխանությունը: Ռուսական մշակույթը համամարդկային և հոգևոր ժառանգության կարևոր և անփոխարինելի մասն է, և այս դեպքում լեզուն չիմանալը նշանակում է զրկվել Դոստոևսկու, Պուշկինի բնագրերն ընթերցելու հնարավորությունից, Չայկովսկու երաժշտությունը զգալու հնարավորությունից», - ասաց Աշոտյանը:

Նախարարը նաև մտահոգություն հայտնեց այս թեմայի շահարկման կապակցությամբ: «Ինձ մտահոգում են այս թեմայի շահարկումները: Հայաստանում պետական լեզուն մեկն է: Այլ լեզուների հակադրումը մեր քաղաքական ընդդիմախոսների կողմից իրականացվող անազնիվ քայլ է: Համոզված եմ, որ մեր ռուս գործընկերները դա շատ լավ հասկանում են: Մենք շահագրգռված ենք, որ Հայաստանում դասավանդվող ռուսաց լեզվի որակը լավանա բոլոր մակարդակներում, որպեսզի մեր երեխաները ավարտեն դպրոցը գիտելիքի՝ նվազագույն անհրաժեշտ պաշարով ռուսերենով շփվելու համար, որը ՄԱԿ-ի, ԵԽ-ի լեզուներից մեկն է», - ասաց Աշոտյանը:

Նա ընդգծեց, որ ռուսաց լեզվի և գրականության դասագրքերի փոխանցումը հայկական դպրոցներին կրթության և գիտության ոլորտում երկկողմ հարաբերությունների հերթական փուլն է:

«Ցանկանում եմ վստահեցնել, որ ռուս գործընկերների հետ համագործակցությունը բոլոր մակարդակներում շարունակվում է, քանի որ մենք հետաքրքրված ենք ռուսաց լեզվի դասավանդման որակի բարձրացման հարցում, և պատահական չէ, որ այն դասավանդվում է հայկական դպրոցներում երկրորդ դասարանից», - ասաց Աշոտյանը:

Ռուսերենի խորացված ուսուցում իրականացնող հայկական դպրոցները նոր դասագրքեր կստանան սեպտեմբերի 1–ի նախաշեմին: Դասագրքերը կտրամադրվեն 65 հայկական դպրոցների, որտեղ խորացված ուսումնասիրվում է ռուսաց լեզուն (դրանցից 35–ը` Երևանում, մյուսները` Հայաստանի մարզերում)։ Յուրաքանչյուր դասագիրք թողարկվել է 4-4.5 հազար օրինակով։

Հայաստանում հրապարակվել են ոչ միայն ռուսաց լեզվի և գրականության դասագրքեր ռուսաց լեզվի խորացված ուսուցում իրականացնող դպրոցների 2-12–րդ դասարանների համար, այլ նաև` տետրեր, մեթոդական ձեռնարկներ և ուսուցիչների համար անհրաժեշտ նյութեր։ Առաջին անգամ հրատարակումն իրականացվում է ամբողջական կոմպլեկտով` 2–րդից (ռուսաց լեզվի ուսուցումը հայկական դպրոցներում սկսվում է երկրորդ դասարանից) մինչև 12–րդ դասարաններ։

Միջոցառումն անցկացնում է Հայաստանում Ռուսաստանի դեսպանությունը` Հայաստանի կրթության և գիտության նախարարության, «Ռուսկի միր» հիմնադրամի և Հայաստանի Հանրապետության ռուսաց լեզվի ուսուցիչների ասոցիացիայի հետ համատեղ։ -0-

Loading...
Թեմատիկ նյութեր
Բաժնի այլ նյութեր
21:10
23 Հուլիսի 2017
Հողաթափերը վնաս են առողջությանը. բժիշկներ
Օրթոպեդ Քրիստինա Լոնգը  պատմել է, թե հողաթափերի հաճախակի կրելն ինչ վնաս կարող է պատճառել:
19:49
23 Հուլիսի 2017
Քթի սև կետերից մեկընդմիշտ ազատվելու պարզ միջոցներ
Աշխարհում գրեթե չկա մարդ, ով երբևէ չի բախվել սև փոքր կետերի հետ, որոնք հայտնվում են դեմքին և հատկապես քթի շրջանում։
15:55
23 Հուլիսի 2017
Ինչպե՞ս ամռանը խուսափել վարակիչ հիվանդություններից և սննդային թունավորումներից
Շոգ եղանակին նպաստավոր պայմաններ են ստեղծվում վարակիչ հիվանդություններ փոխանցողների բազմացման և արտաքին միջավայրում պահպանման համար:
14:15
23 Հուլիսի 2017
Գիտնականներ. դեպրեսիան ոչնչացնում է ուղեղի բջիջները
Էդինբուրգի համալսարանի գիտնականները լայնածավալ ուսումնասիրություն են անցկացրել, որին մասնակցել է ավելի քան երեք հազար մարդ:
11:00
23 Հուլիսի 2017
Շոգերը շարունակվում են. օդի միջին օրական ջերմաստիճանը նորմայից բարձր կլինի 5–7 աստիճանով
Հանրապետությունում սպասվում է բարձր ջերմային ֆոն, օդի միջին օրական ջերմաստիճանը նորմայից բարձր կլինի 5–7 աստիճանով։
20:47
22 Հուլիսի 2017
Բրազիլացի վարսահարդարը հաճախորդների մազերը հարդարում է մուրճի և կացնի միջոցով (ՎԻԴԵՈ)
Բրազիլիայի Սեիլանդիա քաղաքի վարսահարդարն իր աշխատանքում օգտագործում է մուրճ և կացին։
18:01
22 Հուլիսի 2017
Նիհարում ենք արագ և հուսալի. 4 կգ 4 օրում
Ներկայացնում ենք դիետա, որի միջոցով հնարավոր է արագ և հուսալի ազատվել ավելորդ կիլոգրամներից։
11:27
22 Հուլիսի 2017
Հայերի 5 գյուտերը, որոնք փոխել են աշխարհը
Հայաստանն աշխարհին բազմաթիվ ազդեցիկ գիտնականներ է նվիրել։ Այդպիսի մարդիկ սովորաբար մեծ գաղափարներ, տեսություններ են ծնում, որոնք ընդունակ են մեկընդմիշտ փոխել աշխարհը։
20:10
21 Հուլիսի 2017
Երթևեկի փոփոխություն Կոմիտաս-Վաղարշյան և Կոմիտաս–Փափազյան փողոցների խաչմերուկներում (ՍԽԵՄԱ)
ՃՈ–ն տեղեկացնում է, որ հուլիսի 22–ից երթևեկը կփոխվի Կոմիտաս-Վաղարշյան և Կոմիտաս–Փափազյան փողոցների խաչմերուկներում:
16:28
21 Հուլիսի 2017
Ամենաախորժելի և յուրօրինակ հատապտղի փառատոն Հայաստանում
Սյունիքի մարզում հուլիսի 22–ին տեղի կունենա Ազնվամորու փառատոն։
23:31
20 Հուլիսի 2017
Linkin Park-ի մենակատար Չեսթեր Բենինգտոնը մահացած է հայտնաբերվել
Linkin Park խմբի երգիչ Չեսթեր Բենինգտոնը մահացած է հայտնաբերվել Լոս Անջելեսում:
19:20
20 Հուլիսի 2017
Լևոն Արոնյանի կինը շարունակում է ասմունքել հայերեն (ՎԻԴԵՈ)
Արիանա Կաոիլին արդեն երկրորդ անգամ զարմացնում է Facebook–ի օգտատերերին հայոց լեզվի և գրականության իմացությամբ։