478.23
-0.15
574.4
+0.97
8.26
+0.03
+31
Եղանակը Երևանում
Հայ
«Սյունյաց ավանդույթներ» փառատոնը կանցկացվի օգոստոսի 23–ին Գորիսում
16:58
20 Օգոստոսի 2014

ԵՐԵՎԱՆ, 20 օգոստոսի. /Նովոստի-Արմենիա/. Հայաստանի Սյունիքի մարզի մշակույթին նվիրված «Սյունյաց ավանդույթներ» փառատոնը կանցկացվի օգոստոսի 23–ին Գորիս քաղաքում, չորեքշաբթի լրագրողներին հայտնեց Հայաստանի էկոնոմիկայի նախարարության զբոսաշրջության բաժնի պետ Մեխակ Ապրեսյանը։

«Սյունյաց ավանդույթներ» փառատոնին մարզի տարբեր համայնքների ներկայացուցիչները կներկայացնեն Սյունիքի մարզի ավանդույթներն ու խոհանոցը»,– ասաց Ապրեսյանը։

Ըստ նրա, փառատոնը կանցնի Գորիսում զբոսաշրջության զարգացման ծրագրի, ինչպես նաև զբոսաշրջության զարգացման` կառավարության հաստատած պետական ծրագրի շրջանակում։

«Փառատոնի անցկացումը կնպաստի մարզի մշակութային ավանդույթների պահպանմանը, Գորիսում և մերձակա համայնքներում զբոսաշրջության զարգացմանը, զբոսաշրջային պրոդուկտի դիվերսիֆիկացմանը, հանրապետական և միջազգային շուկա մտնելուն»,– ասաց Ապրեսյանը։

Փառատոնի մասնակիցները կկարողանան ծանոթանալ թթի օղու թորման և պատրաստման գործընթացին, ինչպես նաև համտեսել տեղական խոհանոցի զանազան ավանդական կերակրատեսակներ։ Բացի այդ, փառատոնի հյուրերը կկարողանան իրենց ուժերը փորձել գորգագործության և այլ արհեստների ոլորտում։

Փառատոնային ծրագիրը ենթադրում է նաև գեղանկարչության, կերամիկայի և մետաղյա իրերի, կիրառական արվեստի առարկաների ցուցահանդես–վաճառքներ։ Կկազմակերպվեն զանազան խաղեր, իրենց արվեստը կցուցադրեն լարախաղացները։ Վաճառքի կդրվեն թթի օղի և տեղական ավանդական կերակրատեսակներ։ Փառատոնի ավարտին կանցնի մրցանակաբաշխություն «Լավագույն թթի օղի», «Լավագույն դոշաբ», «Լավագույն չորացրած թութ» անվանակարգերում։

Գորիսի քաղաքապետ Վաչագան Ադունցի խոսքով` հաջորդ տարվանից փառատոնը կանցկացվի հունիսի սկզբին (թթի հասունանալու ժամանակաշրջան` խմբ.)։

«Դա թույլ կտա այցելուներին ոչ միայն չորացրած թութ և թթի օղի տեսնել, այլ նաև ներկա լինել և մասնակցել թթի` փառատոնի կարևորագույն  հատապտղի հավաքմանն ու մշակմանը»,– ասաց Ադունցը։

«Արենի» փառատոն հիմնադրամի ղեկավար Նունե Մանուկյանն ընդգծեց, որ փառատոնին ներկա կլինի ամերիկյան Travel channel հեռուստաընկերությունը, որի ներկայացուցիչները ֆիլմ կնկարահանեն գյուղական կյանքի, թթի մշակման և թթի օղու պատրաստման մասին։

Փառատոնը կազմակերպել են Գորիսի քաղաքապետարանը, «Արենի» փառատոն» հիմնադրամը` Հայաստանի էկոնոմիկայի նախարարության, Ձեռնարկությունների զարգացման և շուկայի մրցունակության ծրագրի, ԱՄՆ միջազգային զարգացման գործակալության և Հայաստանի համայնքների միության օժանդակությամբ։ -0-

Loading...
Թեմատիկ նյութեր
Բաժնի այլ նյութեր
20:28
20 Սեպտեմբերի 2017
Ալեքսիս Օհանյանի դստեր Instagram–ի էջը ռեկորդներ է սահմանում (ՖՈՏՈ)
Reddit կայքի համահիմնադիր Ալեքսիս Օհանյանի և հայտնի թենիսիստուհի Սերենա Ուիլյամսի նորածին դստեր` Օլիմպիայի էջն Instagram–ում մեծ ճանաչում է սկսում վայելել։
19:40
20 Սեպտեմբերի 2017
Ուշադրություն` կեղծիք. ադրբեջանցիները Facebook-ում ստեղծել են Արման Աբովյանի ֆեյքը (ՖՈՏՈ)
Քաղաքական մեկնաբան Արման Աբովյանը զգուշացնում է Facebook–ում իր կեղծ էջի ստեղծման մասին։
15:42
20 Սեպտեմբերի 2017
Ինչպե՞ս դիմակայել վիրուսին. խորհուրդ է տալիս փորձագետը
Սուր–շնչառական վարակները կարող են տարբեր կերպ արտահայտվել։ Կա սուր–շնչառական վարակների աղիքային ձև, որը հայտնի է գիտությանը։
12:31
20 Սեպտեմբերի 2017
Անդրեյ Մալախովն ու Քսենիա Սոբչակը պարում են Արմենչիկի երգի ներքո (ՎԻԴԵՈ)
Մոսկվայում նախորդ հանգստյան օրերին տեղի է ունեցել Սամվել Կարապետյանի կրտսեր որդու` Կարենի և հայազգի Լիլիթի հարսանեկան արարողությունը։
11:28
20 Սեպտեմբերի 2017
Սամվել Կարապետյանի հարսը` Լիլիթը, ցուցադրել է հարսանեկան երկրորդ զգեստը (ՖՈՏՈ)
Հարսի շքեղ զգեստների հեղինակը լիբանանցի աշխարհահռչակ դիզայներ Zuhair Murad–ն է։–
18:37
19 Սեպտեմբերի 2017
Հայտնի է Երևանում Մորուքի առաջին փառատոնի անցկացման ամսաթիվը
Հայտնի է Երևանում Մորուքի առաջին փառատոնի` Մորուք fest–ի անցկացման ամսաթիվը։
17:16
19 Սեպտեմբերի 2017
Առաջինը «Yerevan Food Fest»–ը կհամախմբի իսկական գուրմանների
Ռեստորանային ուտեստների առաջին «Yerevan Food Fest» (by «Hartak») փառատոնը կանցկացվի սեպտեմբերի 21–23–ը։
17:04
18 Սեպտեմբերի 2017
Դերասան Նիկոլայ Կարաչենցովը շտապ հոսպիտալացվել է
Ռուսաստանցի դերասան Նիկոլայ Կարաչենցովը տեղափոխվել է Սկլիֆոսովսկու անվան ԳՀԻ նյարդավիրաբուժության բաժանամունք:
13:35
18 Սեպտեմբերի 2017
Zuhair Murad-ը` Սամվել Կարապետյանի հարսի մասին. «Չեմ կարողանում հագենալ մեր հիասքանչ արքայադստերը նայելուց» (ՖՈՏՈ, ՎԻԴԵՈ)
Հարսի շքեղ զգեստի հեղինակը լիբանանցի աշխարհահռչակ դիզայներ Zuhair Murad–ն է:
20:43
17 Սեպտեմբերի 2017
5 հիվանդություններ, որոնք վախենում են սուրճից
Դուք նույնիսկ չեք պատկերացնում, թե ինչ է ընդունակ անել ձեր օրգանիզմի հետ օրական 3 գավաթ սուրճը:
19:38
17 Սեպտեմբերի 2017
Մեծ տարիքում հայր դառնալը վտանգավոր է սերունդների համար
Գիտնականներն ուսումնասիրել են տարիքային փոփոխությունների ազդեցությունը սերունդների վերարտադրողականության վրա։
18:17
17 Սեպտեմբերի 2017
Կաթնաշոռով դիետա. ինչպես հասնել ցանկալի արդյունքի ընդամենը 3 օրում
Կաթնոշոռով դիետայի օգնությամբ կարելի է հասնել հիանալի արդյունքի շատ կարճ ժամկետում։