485.16
+0.79
562.93
-1.22
8.23
-0.05
+12
Եղանակը Երևանում
Հայ
Առաջին կիսամյակում Հայաստան է այցելել մոտ 496 հազար զբոսաշրջիկ, իսկ զբոսաշրջելու նպատակով երկրից մեկնել է մոտ 475 հազար մարդ
14:48
13 Օգոստոսի 2014

ԵՐԵՎԱՆ, 13 օգոստոսի. /Նովոստի–Արմենիա/. Վիճակագրական տվյալների համաձայն՝ 2014թ.-ի առաջին կիսամյակում Հայաստան է այցելել 495 967 զբոսաշրջիկ, ինչը 17,3 տոկոսով պակաս է 2013թ.-ի ցուցանիշից, չորեքշաբթի լրագրողներին ասաց ՀՀ էկոնոմիկայի նախարարության Զբոսաշրջության բաժնի պետ Մեխակ Ապրեսյանը:

Նրա խոսքով՝ հաշվետու ժամանակահատվածում զբոսաշրջելու նպատակով Հայաստանից մեկնել է 474 989 մարդ, ինչը 14,8 տոկոսով շատ է 2013թ.-ի ցուցանիշից: Միաժամանակ պահպանվում է դրական սալդոն:

«Զբոսաշրջիկների թվի աճին հիմնականում նպաստել են բոլոր շահագրգիռ կողմերի ակտիվ և արդյունավետ համագործակցությունը, ոլորտում ստեղծված բարենպաստ գործարար և ներդրումային միջավայրը, զբոսաշրջության միջազգային շուկայում Հայաստանի հասանելիության մակարդակի բարձրացումը, մասնավորապես՝ բարենպաստ վիզային ռեժիմն ու «բաց երկնքի» քաղաքականությունը», - ասաց Ապրեսյանը:

Նրա խոսքով՝ էական ազդեցություն են ունեցել ենթակառուցվածքների զարգացումը, տուրիստական ապրանքների դիվերսիֆիկացիան, միջազգային շուկայում Հայաստանի ճանաչելիությունը, երկրում անվտանգության բարձր մակարդակը:

Նա նաև ընդգծեց, որ ավելացել է Հայաստան այցելող երիտասարդ զբոսաշրջիկների  թիվը:

«Եթե 2006թ.-ին ընդհանուր հոսքում 25-36 տարեկան երիտասարդ զբոսաշրջիկների մասնաբաժինը կազմում էր  ընդամենը 6 տոկոս, ապա այժմ այդ ցուցանիշը հասել է 34 տոկոսի, ինչը այլընտրանքային տուրապրանքների ստեղծման արդյունք է: Դա ոչ միայն դասական զբոսաշրջությունն է, այլ նաև` տարատեսակ փառատոները, քաղաքային և գյուղական, արկածային, գաստրոնոմիկ զբոսաշրջությունը, զարգացող ուղղությունները՝ պլաներիզմ, ալպինիզմ, արշավներ», - ասաց Ապրեսյանը:

Միաժամանակ նա նշեց, որ զբոսաշրջիկների շրջանում անցկացված ընտրովի հարցումների համաձայն՝ հիմնական մասը (մոտ 60 տոկոս) ծագումով հայեր են:

Ինչ վերաբերում է աշխարհագրական դասավորությանը, ապա ինչպես նշեց Ապրեսյանը, Հայաստան այցելող զբոսաշրջիկների հիմնական մասը (մոտ 44 տոկոս) ժամանում են Ռուսաստանինից, 28 տոկոսը՝ Վրաստանից, 12-14 տոկոսը՝ ԵՄ երկրներից (Գերմանիա, Ֆրանսիա, Իտալիա և Սկանդինավյան երկրներ), 7 տոկոսը՝ Իրանից:

Միաժամանակ արտերկիր մեկնող հայերը նախընտրում են ծովափնյա հանգիստը, առավել տարածված են մոտ գտնվող և մատչելի վրացական սևծովյան հանգստավայրերը:

«Վերջին շրջանում աճել են այլընտրանքային ուղղությունները և հաճախակի են դարձել այցելություններն այլ ծովափնյա էկզոտիկ երկրներ, որոնց թվում են Եգիպտոսը, ԱՄԷ-ն, Բուլղարիան, Շրի Լանկան: Միաժամանակ Թուրքիայում հանգիստն անցկացնելու պահանջարկն աստիճանաբար նվազում է այլընտրանքային ուղղությունների հաշվին», - ասաց Ապրեսյանը:

Վիճակագրությունը ներկայացված է նոր տվյալների հիման վրա, որոնք հաշվարկվել են սահմանում արձանագրված այցերի վիճակագրական ուսումնասիրության շրջանակում: Նախագիծն իրականացրել են ԱՎԾ-ն, Հայաստանի ազգային մրցունակության հիմնադրամը, USAID EDMC-ի (ձեռներեցության և շուկայի մրցունակության զարգացման ծրագիր), Միջազգային համագործակցության գերմանական միությունը (GIZ) և Հայաստանի էկոնոմիկայի նախարարությունը՝ ՄԱԿ-ի զբոսաշրջության միջազգային կազմակերպության մեթոդաբանության հիման վրա: -0-

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։