485.33
+0.37
572.16
-1.31
8.2
-0.02
-3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Ռուսաստանի կառավարությունը Հայաստանին շարժական կլինիկա է տրամադրել ՄԻԱՎ-ՁԻԱՀ վարակների ախտորոշման համար
16:13
15 Հուլիսի 2014

ԵՐԵՎԱՆ, 15 հուլիսի. /Նովոստի-Արմենիա/. Ռուսաստանի կառավարությունը Հայաստանին շարժական կլինիկա է տրամադրել ՄԻԱՎ-ՁԻԱՀ վարակների ախտորոշման համար: Շարժական կլինիկայի փոխանցման հանդիսավոր արարողությունը տեղի է ունեցել երեքշաբթի Երևանում՝ ՁԻԱՀ-ի կանխարգելման հանրապետական կենտրոնում:

Ինչպես շարժական կլինիկայի բացման արարողության ժամանակ նշեց ՀՀ առողջապահության նախարար Արմեն Մուրադյանը, ՀՀ առողջապահության նախարարությունը բարձր է գնահատում Ռուսաստանի կառավարության աջակցությունը ՄԻԱՎ/ՁԻԱՀ-ի տարածմանը հակազդելու հարցում:

«Շարժական լաբորատորիան թույլ կտա հետազոտություններ անցկացնել Հայաստանի դժվար հասանելի մարզերում բնակչության առավել խոցելի շերտերի շրջանում, մասնավորապես՝ աշխատանքային միգրանտների և նրանց ընտանիքների շրջանում՝ երեք հիմնական սկզբունքների հիման վրա՝ անանունություն, կամավոր և անվճար ախտորոշում», - ասաց Մուրադյանը:

Նախարարն ընդգծեց, որ միջազգային կազմակերպությունների աջակցությամբ Ռուսաստանի կառավարության կողմից Հայաստանին տրամադրված լաբորատորիան կնպաստի ռիսկային գործոնների բացահայտմանն ու բնակչության իրազեկմանն ուղղված կարևորագույն ծրագրերի իրականացմանը:

«Հաշվի առնելով, որ կլինիկան համալրված է տարատեսակ ախտորոշիչ սարքավորումներով և բուժման հնարավորություններով՝ դա կօգնի բացահայտել ոչ միայն ՄԻԱՎ-ի դեպքերը, այլև այլ զուգընթաց հիվանդությունները, մասնավորապես՝ վեներական հիվանդությունները վաղ փուլում և ժամանակին ձեռնարկել բուժման միջոցներ», - ասաց Մուրադյանը:

Նա նաև տեղեկացրեց, որ արդեն կազմվել է այցելությունների և հետազոտությունների ժամանակացույցը, մասնավորապես, այն մարզերում, որտեղ մեծ թվով աշխատանքային միգրանտներ կան:
ՀՀ-ում ՌԴ արտակարգ և լիազոր դեսպան Իվան Վոլինկինն իր  հերթին նշեց, որ ՁԻԱՀ-ի և այլ վարակների դեմ պայքարը ՌԴ-ի միջազգային հումանիտար համագործակցության ուղղություններից մեկն է, որն աջակցություն է ցուցաբերում ԱՊՀ գործընկեր-պետություններին ինֆեկցիոն հիվանդությունների դեմ պայքարում:

«Ռուսաստանի կողմից Հայաստանին շարժական բուժիչ-ախտորոշիչ համալիրի փոխանցումը նշանավորում է նոր ուղղության զարգացում երկկողմ հումանիտար համագործակցության ոլորտում: Նախագծի շնորհիվ՝ Հայաստանը ստանում է ժամանակակից շարժական կլինիկա, որը համալրված է վերջին սերնդի տեխնիկայով, բժշկական և ախտորոշիչ սարքավորումներով և դեղամիջոցներով», - ասաց Վոլինկինը:

Դեսպանն ընդգծեց, որ շարժական համալիրը հնարավորություն է տալիս ծառայություններ մատուցել հանրապետության ամենահեռավոր և դժվար հասանելի մարզերում:

«Հայաստանի և Ռուսաստանի ընդհանուր խնդիրն է պահպանել մեր քաղաքացիների առողջությունը, ստեղծել ինֆեկցիոն հիվանդությունների կանխարգելման և պայքարի ընդհանուր համակարգ: Հայաստանում ինֆեկցիոն հիվանդությունների ազդեցության նվազումը նախագծի հիմնական նպատակն է, որն իրականացվում է UNAIDS-ում 16,5 մլն դոլարի ռուսաստանյան նպատակային ներդրման շրջանակում», - ասաց Վոլինկինը:

Դեսպանը նաև ընդգծեց, որ Ռուսաստանը մտադիր է հետագայում ևս օգնություն ցուցաբերել և համագործակցություն զարգացնել Հայաստանի հետ այս և այլ ոլորտներում, մասնավորապես՝ արդեն այս տարի Ռոսպոտրեբնադզորը կաջակցի ՀՀ ԱՆ ծառայություններին կարմրուկի վերացման ծրագրի իրականացման գործում:

Լաբորատորիայի հանդիսավոր բացումից հետո նախարարը դեսպանի հետ զրույցում նշեց, որ անձամբ եղել է վարորդի խցիկում և ընդգծեց սրահի հարմարավետությունը՝ առաջարկելով դեսպանին ևս անձամբ համոզվել դրանում: Վոլինկինը նստեց վարորդի կողքի նստատեղին և բարձր գնահատեց դրա հարմարավետությունը:

ՄԻԱՎ-ՁԻԱՀ վարակների ախտորոշման շարժական կլինիկան տրամադրվել է Հայաստանին աջակցություն ցուցաբերելու ռուսական ծրագրի շրջանակում, որն իրականացվում է «ՁԻԱՀ ինֆոկապ» ռուսական ՀԿ-ի կողմից` ՄԱԿ-ի ՄԻԱՎ/ՁԻԱՀ-ին նվիրված միավորված ծրագրի աջակցությամբ:-0-

Loading...
Թեմատիկ նյութեր
Բաժնի այլ նյութեր
00:05
08 Դեկտեմբերի 2017
«ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
«Նովոստի–Արմենիա» գործակալությունն այսօր դառնում է 12 տարեկան, իսկ գործակալության կայքը վերագործարկումից հետո արդեն երկու տարեկան է։
18:26
07 Դեկտեմբերի 2017
Համացանցում Հայաստանի գլխապտույտ տեսարանների տեսահոլովակ է հայտնվել (ՎԻԴԵՈ)
Համացանցում գունեղ ու դինամիկ հոլովակ է հրապարակվել, որը բացահայտում է Հայաստանն իր ողջ գեղեցկությամբ:  
18:17
07 Դեկտեմբերի 2017
ՅՈՒՆԻՍԵՖ–ը նշել է մանուկներին սպառնացող հիմնական վտանգը
Առավել մեծ վտանգ է սպառնում Հարավային Ասիայի երեխաներին։
16:30
07 Դեկտեմբերի 2017
Forbes–ը ներկայացրել է 2017թ. ամենաբարձր վարձատրվող երաժիշտների տասնյակը
Դիդդի կեղծանվամբ հանդես եկող ամերիկացի ռեփեր Շոն Քոմբսը ճանաչվել է 2017 թվականի ամենաբարձր վարձատրվող երաժիշտ:
12:17
07 Դեկտեմբերի 2017
Սուրենյանը հերքել է ձմռանը բարձր ջերմաստիճանի և երկրաշարժի հավանականության կապը
Հիշեցնենք, որ Հայաստանի պատմության ընթացքում գրանցված ամենասարսափելի և ավերիչ երկրաշարժից անցել է 29 տարի։
10:15
07 Դեկտեմբերի 2017
Վերա Բրեժնևան փայլել է հայ դիզայների զգեստով (ՖՈՏՈ)
Վերա Բրեժնևան ներկայացրել է հայ դիզայներ Հայկ Ավանեսյանի զգեստը։
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։