484.11
-0.64
570.43
-1.33
8.23
+0.04
-1
Եղանակը Երևանում
Հայ
Թուրք իրավապաշտպանը Հայոց ցեղասպանության մասին թուրքերեն գիրք է հրատարակել
15:01
02 Հուլիսի 2014

ԵՐԵՎԱՆ, 2 հուլիսի. /Նովոստի-Արմենիա/. Թուրք իրավապաշտպան և հրատարակիչ Ռահիբ Զարաքօլուն 1915թ.-ին Օսմանյան կայսրությունում տեղի ունեցած Հայոց ցեղասպանության մասին պատմող թուրքերեն գիրք է հրատարակել:

«2012 թ.-ին մենք առաջին անգամ հրատարակեցինք «Հայոց ցեղասպանությունը Օսմանյան Թուրքիայում. ողջ մնացած ականատեսների վկայությունները» հայալեզու եռահատորյակը, որտեղ ներկայացվել էին Վանի, Բիթլիսի, Էրզրումի, Խարբերդի, Դիարբեքիրի, Տրապիզոնի վիլայեթներում, Սեբաստիայում, ինչպես նաև Պարսկահայաստանում տեղի ունեցած իրադարձությունների մասին հայերի 602 վկայություններ: 2013 թ.-ին մենք կրճատեցինք աշխատանքի ծավալը՝ ներկայացնելով 145 վկայություն և անգլերեն տպագրեցինք: Այժմ այն թարգմանվել է նաև թուրքերեն», - մամուլի ասուլիսի ժամանակ ասաց գրքի հրատարակման նախաձեռնող, «Վան» ՀԿ-ի պատվավոր նախագահ Ռուբեն Գալչյանը:

Նրա խոսքով՝ շուտով նախատեսվում է հրատարակել նաև գրքի ռուսերեն, գերմաներեն, իսպաներեն և ֆրանսերեն տարբերակները:

Թուրք իրավապաշտպան Ռահիբ Զարաքօլուն, ով ղեկավարել է թուրքերենով գրքի հրատարակման գործընթացը, նշեց, որ աշխատանքում ներկայացված են ցեղասպանությունը վերապրած մարդկանց վկայությունները, որոնք թվագրվում են 1916թ.-ին: Գրքի տպաքանակը կազմում է 1500 օրինակ:

«Թուրքիայում մենք այդ գիրքը ներկայացրել ենք Մեջլիսի 550 անդամների, ովքեր չեն ճանաչել այն և հետ են ուղարկել: Մենք իմ հանգուցյալ կնոջ հետ 1990-ականներից պայքարում ենք Հայոց ցեղասպանության ճանաչման համար և բազմաթիվ անգամ հետապնդումների ենք ենթարկվել», - նշեց Զարաքօլուն:

Զարաքօլուն նշեց, որ իրենց ջանքերով 1993թ.-ին հրատարակվել է Հայոց ցեղասպանության մասին գիրքը, սակայն այն հետագայում արգելվել է: Ամուսիններն ակտիվորեն համագործակցել են «Ակոս» թերթի խմբագիր Հրանտ Դինքի հետ:

«Իհարկե, 99 տարի հետո Թուրքիայից հնչեցին զղջման որոշակի խոսքեր, սակայն դա բավարար չէ: Չէ՞ որ, եթե Արևմտյան Հայաստանի տարածքում տեղի չունենային այդ սարսափելի իրադարձությունները, այնտեղ այժմ կբնակվեր 8-10 մլն մարդ: Արևմտյան Հայաստանում ոչնչացվեցին ոչ միայն մարդիկ, այլև ապագա սերունդներ, մշակույթ, տնտեսություն», - կարծում է իրավապաշտպանը:

Նա նաև ավելացրեց, որ կշարունակի Հայոց ցեղասպանության ճանաչման համար պայքարը, քանի որ դա պատվի գործ է համարում:

Գրքի շնորհանդեսը տեղի կունենա Երևանում հուլիսի 3-ին:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
20:45
13 Դեկտեմբերի 2017
«ՎԻԱ ԳՐԱ»–ի Բրեժնևան` հայ դիզայների զգեստով (ՎԻԴԵՈ)
«ՎԻԱ ԳՐԱ»–ի նախկին մենակատար Վերա Բրեժնևան ելույթ է ունեցել հայ դիզայներ Հայկ Ավանեսյանի զգեստով «Необыкновенный огонек»–ի ընթացքում։
20:10
13 Դեկտեմբերի 2017
Հազվագյուտ կենդանիներով բացառիկ էկզոտարիում է բացվել Երևանում (ՖՈՏՈ)
«Զուլանդիա» էկզոտարիումը բացումը կայացավ Երևանի «ՌԻՈ» առևտրի կենտրոնում։
16:42
13 Դեկտեմբերի 2017
Ի գիտություն տանտիրուհիների. ի՞նչ պետք է դնել սեղանին Դեղին հողե շան տարում
Տոնական սեղանը Նոր տարվա ամենակարևոր բաղկացուցիչներից է։
15:54
12 Դեկտեմբերի 2017
ՎՏԲ-Հայաստան Բանկը գործարկել է նոր հիփոթեքային պրոդուկտ
ՎՏԲ-Հայաստան Բանկը գործարկել է նոր հիփոթեքային պրոդուկտ, որը թույլ է տալիս հաճախորդներին ձեռք բերել անշարժ գույք ընդամենը 3% կանխավճարով:
11:08
11 Դեկտեմբերի 2017
Դավիթ Այվազյանն ու Աստղիկ Մխիթարյանը գերել են ռուսական «Ты супер! Танцы» շոուի ժյուրիին և հանդիսատեսին (ՎԻԴԵՈ)
17–ամյա Դավիթ Այվազյանն ու 15–ամյա Աստղիկ Մխիթարյանը փայլուն ելույթ են ունեցել «Ты супер! Танцы» միջազգային շոուի կիսաեզրափակչում։
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։