480.74
+0.03
511.65
+0.46
7.48
-0.03
+7
Եղանակը Երևանում
Հայ
ՀՀ վարչապետը չի պատրաստվում հանդուրժել բողոքի ակցիաների մասնակիցների ամենաթողությունը
14:53
26 Հունիսի 2014

ԵՐԵՎԱՆ, 26 հունիսի. /Նովոստի-Արմենիա/. ՀՀ վարչապետ Հովիկ Աբրահամյանը հինգշաբթի կառավարության նիստից առաջ հայտարարել է, որ չի պատրաստվում հանդուրժել Երևանում անցկացվող տարաբնույթ բողոքի ակցիաների մասնակիցների ամենաթողությունը։

Հայաստանի հասարակական կազմակերպությունների ակտիվիստները բազմաթիվ բողոքի ակցիաներ են անցկացնում մայրաքաղաքի կենտրոնում գտնվող Աֆրիկյանների տան ապամոնտաժման կապակցությամբ: Նմանատիպ ակցիաներից մեկի ընթացքում ակցիայի մասնակիցները մետաղադրամներ են նետել դեպքի վայր եկած պատգամավորների և նախարարների ուղղությամբ:

«Հասարակության որոշ անդամներ սկսել են իրենց դժգոհությունը արտահայտել ծայրահեղ սադրիչ, անընդունելի ձևերով։ Ես  անհանդուրժելի եմ համարում իշխանության ներկայացուցիչներին ամբոխային մեթոդներով նվաստացնելու, ճնշելու փորձերը, ինչպես օրինակ պատգամավորների կամ նախարարների վրա մանրադրամներ նետելն է», - ասել է Աբրահամյանը:

Նա նշել է, որ թերևս ոմանք մոռացել են, որ իշխանության ներկայացուցիչները ևս ունեն մարդու բոլոր իրավունքներն ու ազատությունները, ինչպես հասարակության ցանկացած անդամ:

«Չեմ ուզում, որ խոսքերս սխալ ընկալվեն, ես կողմ եմ ազատությանը, կողմ եմ խոսքի ազատությանը, կողմ եմ սեփական կարծիքը տարածելու ազատությանը, կողմ եմ ազատ տեղաշարժին, կողմ եմ խաղաղ հավաքներ անցկացնելու իրավունքին, ոչ միայն կողմ եմ, այլ մինչև վերջ պաշտպանելու եմ այդ իրավունքները: Բայց այդ ազատությունը սահմանափակվում է այն պահին, երբ այն սկսում է ոտնահարվել մյուսների իրավունքները: Նման դեպքում դա այլևս ազատություն չէ, այլ ամենաթողություն», - ասել է Աբրահամյանը:

Նա ընդգծել է, որ եթե ազատությունը ժողովրդավարության հենասյուներից է, ապա ամենաթողությունը անարխիայի հենասյունն է: Հանդուրժել անարխիան նշանակում է վտանգել երկիրը:

«Ի լուր բոլորի` հայտնում եմ, որ ես դա չեմ հանդուրժելու»,- ասել է վարչապետը:

Այս կապակցությամբ նա հանձնարարել է արդարադատության նախարար Հովհաննես Մանուկյանին և ոստիկանապետ Վլադիմիր Գասպարյանին քննարկել այս հարցը և առաջարկել թե՛ օրենսդրական, թե՛ կազմակերպչական լուծումներ, ինչպես նաև անհրաժեշտության դեպքում հրավիրել եվրոպացի գործընկերների՝ ուսումնասիրելու եվրոպական փորձը և ուսուցում անցկացնելու:

«Բայց ապահովեք, որ հասարակական կարգը պահպանող մարմինները իրենց գործողություններով լիակատար պաշտպանեն Սահմանադրության ազատությունները, միաժամանակ կտրուկ կանխեն ամենաթողության ցանկացած դրսևորում»,- ասել է վարչապետը:

Աֆրիկյանների նախկին ակումբի շենքը ներառված է հանրապետական նշանակության ճարտարապետական հուշարձանների ցանկում, ինչպես նաև «Հին Էրիվան» նախագծում: Շենքը կառուցվել է 19-րդ դարի վերջում Աֆրիկյան եղբայրների կողմից, ովքեր Երևանի ջրագծի ստեղծողներից են եղել, որը կառուցվել է 1911թ.-ին:

«Հին Էրիվան» նախագիծը, որի գլխավոր մշակողը ճարտարապետ Լևոն Վարդանյանն է, 19-րդ դարավերջի և 20-րդ դարասկզբի Երևանի ճարտարապետական տեսքի վերստեղծում է նախատեսում: Երևանի կենտրոնում գտնվող փոքր հրապարակում նախատեսվում է վերականգնել մի քանի տասնյակ շենքեր և ճարտարապետական շինություններ, որոնք կառուցվել են այդ ժամանակաշրջանում և ներկայացնում են պատմական ու մշակութային արժեք: Նախագիծը մշակում է LV Architect ընկերությունը:-0-

Loading...
Թեմատիկ նյութեր
Բաժնի այլ նյութեր
11:22
03 Դեկտեմբերի 2016
Հայաստանի որոշ ճանապարհներ դժվարանցանելի են. Ջերմուկում ձնաբուք է
Լարսի անցակետը փակ է բոլոր տեսակի ավտոմեքենաների համար:
10:30
03 Դեկտեմբերի 2016
Հայաստանում ձյան տեսքով տեղումներ են սպասվում
Հաջորդ շաբաթվանից Հայաստանի գրեթե ողջ տարածքում սպասվում են ձյան տեսքով տեղումներ։
16:57
02 Դեկտեմբերի 2016
«Շոկոլադի բանկը» քաղցրավենիք կհավաքի Գյումրիի տնակներում բնակվող երեխաների համար
Նոր տարվա կապակցությամբ` Հայ օգնության ֆոնդն իրականցնում է «Շոկոլադի բանկ» նախաձեռնությունը` Գյումրիի տնակներում բնակվող երեխաների համար:
15:55
02 Դեկտեմբերի 2016
Արագածոտնի մարզում թույլ ձյուն է. Լարսի անցակետը փակ է
Դեկտեմբերի 2-ի ժամը 15.00-ի դրությամբ ՀՀ տարածքում ավտոճանապարհներն հիմնականում անցանելի են:
15:32
02 Դեկտեմբերի 2016
Քիմ Քարդաշյանը 2016 թ.-ին Instagram-ի ամենաճանաչված աստղերի հնգյակում է
Ամերիկահայ հեռուստաաստղ Քիմ Քարդաշյանը ներառվել է Instagram-ի ամենաճանաչված աստղերի հնգյակում:

12:33
02 Դեկտեմբերի 2016
Սեռական բնույթի գործողություններ են կատարվել 50-ամյա տղամարդու նկատմամբ Երևանում
50-ամյա տղամարդը հայտարարել է, որ 2 տղամարդիկ իր նկատմամբ սեռական բնույթի գործողություններ են կատարել:
20:26
01 Դեկտեմբերի 2016
Մառա Բաղդասարյանը հորն է ուղարկել դատարան իր փոխարեն
Սավյոլովի հաշտարար դատարանի նիստին չի ներկայացել մրցավազորդուհի Մառա Բաղդասարյանը։

19:40
01 Դեկտեմբերի 2016
Victoria’s Secret 2016 շոու (ԼՈՒՍԱՆԿԱՐՆԵՐ)
Փարիզի Grand Palais–ում անցկացվել է Victoria's Secret Fashion Show 2016–ը։
15:59
01 Դեկտեմբերի 2016
Հայկական Beeline-ը սմարթֆոնների նախատոնական վաճառք է անցկացնում
Beeline-ը հայտարարում է սմարթֆոնների վաճառքի նախատոնական ակցիայի անցկացման մասին։
14:59
01 Դեկտեմբերի 2016
Հայ աղջիկն իր կիսամերկ լուսանկարներն ուղարկել է ընկերոջը, վերջինս էլ դրանք հրապարակել է համացանցում
26-ամյա աղջիկն իր հետ սիրային կապի մեջ գտնվող տղային ուղարկել է իր կիսամերկ լուսանկարները, երիտասարդն էլ հրապարակել է դրանք համացանցում:
11:23
01 Դեկտեմբերի 2016
Հայաստանի որոշ մարզերում ձյուն է տեղում. կան դժվարանցանելի ճանապարհներ
Դեկտեմբերի 1-ի ժամը 11.00-ի դրությամբ ՀՀ տարածքում ավտոճանապարհներն հիմնականում անցանելի են:
22:12
30 Նոյեմբերի 2016
Հայաստանի որոշ մարզերում ձյուն է տեղում
Հայաստանի որոշ քաղաքներում ձյան տեսքով տեղումներ են։