480.49
+0.04
540.74
+3.69
8.15
+0.02
+26
Եղանակը Երևանում
Հայ
Լեգենդար հետախույզ Գևորգ Վարդանյանի հիշատակը հավերժացնող հուշատախտակ կբացվի Երևանում
18:52
15 Մայիսի 2014

ԵՐԵՎԱՆ, 15 մայիսի. /Նովոստի–Արմենիա/. Լեգենդար հետախույզ Գևորգ Վարդանյանի հիշատակը հավերժացնող հուշատախտակի բացման արարողությունը տեղի կունենա շաբաթ օրը Երևանի Վ. Բրյուսովի անվան պետական լեզվաբանական համալսարանում, որի շրջանավարտն է եղել Վարդանյանը,  հայտնում է համալսարանի մամուլի ծառայությունը:

Միջոցառումը կազմակերպել են Երևանի Վ. Բրյուսովի անվան պետական լեզվաբանական համալսարանը և ԵՊԼՀ շրջանավարտ Գոհար Վարդանյանը:

Միջոցառմանը ներկա կլինեն Վ. Բրյուսովի անվան պետական լեզվաբանական համալսարանի ռեկտոր (ԵՊԼՀ) Գայանե Գասպարյանը, ով Գոհար Վարդանյանին կշնորհի ոսկե մեդալ` հայրենիքին մատուցած ծառայությունների համար։

Միջոցառման շրջանակներում կկայանա նաև Գևորգ և Գոհար Վարդանյանի անվան ռազմահայրենասիրական կենտրոնի բացման արարողությանը:

Միջոցառմանը ներկա կլինեն ՀՀ առաջին տիկին Ռիտա Սարգսյանը, պաշտպանության նախարար Սեյրան Օհանյանը, ՀՀ կրթության և գիտության նախարար Արմեն Աշոտյանը, Ազգային անվտանգության ծառայության պետ Գորիկ Հակոբյանը, Երևանի քաղաքապետ Տարոն Մարգարյանը, Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը և այլ հյուրեր:

Գևորգ Անդրեյի Վարդանյանը ծնվել է 1924 թվականին փետրվարի 17-ին Դոնի Ռոստովում։ 1930թ Վարդանյանների ընտանիքը տեղափոխվել է Իրան։ Գևորգ Վարդանյանի հայրը կապված էր ռուսական ներքին հետախուզության հետ, և հոր ցանկությամբ տղան դարձավ հետախույզ։

Ընդամենը 16 տարեկան պատանի էր, երբ կյանքը խորհրդային հետախուզությանը կապեց Գևորգ Վարդանյանը։1940թ.-ից ղեկավարում էր հատուկ խումբը, որն զբաղվում էր Թեհրանում և այլ քաղաքներում ֆաշիստ գործակալների և գերմանացի հետախույզների բացահայտմամբ։ Երկու տարում նրա խումբը բացահայտել է ավելի քան 200 մարդու, որոնք ինչ-որ կերպ կապ ունեն գերմանական հետախուզության հետ։

«Ամիրը» (Գ.Վարդանյանի օպերատիվ ծածկանունը) ակտիվ մասնակցություն է ունեցել Թեհրանի համաժողովի «մեծ եռյակի» առաջնորդների անվտանգության ապահովմանը 1943 թվականի նոյեմբեր–դեկտեմբերին։

1951 թվականին նա եկել է Հայկական ԽՍՀ, որտեղ ավարտել է Երևանի պետական համալսարանի օտար լեզուների ֆակուլտետը։ Այնուհետև սկսվել է էքստրեմալ պայմաններում և տարբեր երկրների բարդ պայմաններում անօրինական հետախույզի երկարամյա աշխատանքը։

Գևորգ Վարդանյանի կողքին միշտ եղել է նրա կինը, համախոհն ու գործընկերը՝ Գոհար Վարդանյանը, ով հայրենիքին մատուցած հետախուզական ծառայությունների համար պարգևատրվել է Կարմիր դրոշի շքանշանով։

Վարդանյան ամուսինների արտասահմանյան գործուղումը տևել է ավելի քան 30 տարի։

Հետախուզական վերջին գործուղումից Վարդանյան ամուսինները վերադարձել են 1986թ.։ Մի քանի ամիս անց Գոհար Վարդանյանը անցել է թոշակի, իսկ Գևորգ Վարդանյանն իր ծառայությունը շարունակել է մինչև 1992թ.։ Նույնիսկ թոշակի անցնելուց հետո Գևորգ Վարդանյանը ակտիվորեն համագործակցել է արտաքին հետախուզության ծառայության հետ, հանդիպել է երիտասարդ գործընկերներին և նրանց է փոխանցել իր հարուստ կենսափորձը։

Գևորգ Վարդանյանի հետախուզական գործունեության վաստակը նշվել է Խորհրդային միության հերոսի կոչումով, մի շարք շքանշաններով և մեդալներով, գերատեսչական բարձր պարգևներով։

Հայաստանի ԱԱԾ ղեկավարությունը Գևորգ Վարդանյանին պարգևատրել է «Հետախուզությունում ծառայության համար» կրծքանշանով։ Նրան շնորհվել է «Անվտանգության մարմինների պատվավոր աշխատակից» կոչում։ Գևորգ և Գոհար Վարդանյանների օպերացիաների մասին նյութերը ներկայացված են Հայաստանի անվտանգության մարմինների պատմության թանգարանում։ Գևորգ Վարդանյանը պարգևատրվել է նաև հայկական Պատվի շքանշանով։ -0-

Loading...
Թեմատիկ նյութեր
Բաժնի այլ նյութեր
20:17
26 Հունիսի 2017
Ամիչ կամ ով է պատրաստել հայկական ձևով հնդկահավը Բաքու մեկնող օդանավի ուղևորների համար
«Նովոստի–Արմենիա» գործակալությունը որոշեց ավելի մանրամասն տեղեկանալ հայկական ավանդական խոհանոցի այս ճաշատեսակի մասին։
17:22
26 Հունիսի 2017
Սուրենյան. հուլիսն ուժեղ շոգերով է սկսվելու
Գագիկ Սուրենյանը տեղեկացնում է, որ հուլիսն ուժեղ շոգերով է սկսվելու։
15:13
26 Հունիսի 2017
Ծաղկամա՞ն, թե՞ գավաթ` վիճում են Գարիկն ու Հենրիխը (ՎԻԴԵՈ)
ՈՒՀԱ YouTube–ի ալիքում կարճ կատակ տեսանյութ է հրապարակվել` «Երալաշ»–ի ոճով։
13:59
26 Հունիսի 2017
Հազվագյուտ ալմաստն այսուհետ կկրի հայազգի լեգենդար հետախույզների անունը
Ռուսաստանում հազվագյուտ ալմաստն անվանակոչվել է ի պատիվ խորհրդային լեգենդար հետախույզներ Գևորգ և Գոհար Վարդանյանների:
13:29
26 Հունիսի 2017
Facebook–ից լուսանկարներ ներբեռնելը շուտով կարգելվի
Facebook սոցցանցը կարող է արգելել լուսանկարների ներբեռնումը։
16:37
25 Հունիսի 2017
ՌԴ-ում հոգեբանությունը կարող է ընդգրկվել դպրոցական ծրագրում
Դպրոցական ծրագրում Ռուսաստանում մինչև 2020 թվականը կարող է հոգեբանություն ընդգրկվել: 
15:08
25 Հունիսի 2017
iOS–ում նոր էմոտիկոններ կհայտնվեն
Նոր էմոտիկոնները կարող են հայտնվել iOS–ի թարմացումներից մեկում։
12:45
25 Հունիսի 2017
«Ժպտա, որ հաղթես». հայ աստղերը` քաղցկեղով հիվանդ երեխաներին նվիրված նոր տեսահոլովակում (ՎԻԴԵՈ)
Հայկական շոու–բիզնեսի աստղերը նոր տեսահոլովակ են նվիրել քաղցկեղով հիվանդ հայ երեխաներին։
20:35
24 Հունիսի 2017
Հայտնի է հոգնածությունից ազատվելու ամենաարդյունավետ միջոցը
Լոնդոնի Մարիա  թագուհու համալսարանի գիտնականները գտել են քրոնիկ հոգնածությունից ազատվելու  ամենաարդյունավետ միջոցը:  
19:45
24 Հունիսի 2017
Ինչպե՞ս ճիշտ կազմակերպել հանգիստը. խորհուրդ է տալիս հոգեբանը
Լավագույն հանգիստը գործունեության փոփոխությունն է:
18:30
24 Հունիսի 2017
Ուզու՞մ եք 5 օրում ազատվել ավելորդ 10 կգ-ից` գինի խմեք
Պարզվում է, որ գինին ոչ միայն համեղ ալկոհոլային ըմպելիք է, այլև կազմվածքը կարգի բերելու հիանալի միջոց:
15:58
24 Հունիսի 2017
Կոստա Ռիկայի նախագահը պատահաբար իշամեղու է կուլ տվել հարցազրույցի ժամանակ (ՎԻԴԵՈ)
Կոստա Ռիկայի նախագահ Լուիս Գիլյերմո Սոլիս Ռիվերան պատահաբար իշամեղու է կուլ տվել հարցազրույցի ժամանակ։