484.04
+0.53
521.46
-0.05
8.41
+0.05
+3
Եղանակը Երևանում
Հայ
Հայրենական պատերազմը թույլ տվեց կանխել հայերի նոր ցեղասպանությունը. դիվանագետ
16:52
07 Մայիսի 2014

ԵՐԵՎԱՆ, 7 մայիսի. /Նովոստի–Արմենիա/. Հայրենական պատերազմի հաղթանակը թույլ տվեց կանխել հայերի նոր ցեղասպանությունը, կարծում է ՀՀ–ում ՌԴ դեսպանատան խորհրդական Օլեգ Շապովալովը։

«Եթե մենք չկարողանայինք հաղթել, ապա այստեղ մեծ չարիք կլիներ, կկրկնվեր ցեղասպանությունը, որը տեղի ունեցավ 1915 թ.–ին, բայց այն կլիներ ավելի կոշտ, ֆաշիստական ձևով», – ասել է Շապովալովը Հայրենական պատերազմի տարիներին Երևանի հոսպիտալներում մահացած խորհրդային զինվորների հուշարձանին և գերեզմաններին ծաղկեպսակ դնելու արարողության ժամանակ։

Հայրենական պատերազմի տարիներին կենտրոնանալով Հայաստանի սահմանի մոտ` տասնյակ թուրքական դիվիզիաներ սպասում էին Ստալինգրադի մոտ խորհրդային զորքի պարտությանը, որպեսզի ներխուժեն Հայաստան։ Փորձագետների և պատմաբանների կարծիքով` նման պայմաններում հայերի նոր ցեղասպանության վտանգն իրական էր։ Շապովալովի խոսքերով, այս գերեզմանատանը թաղված հերոսնեը պատերազմում էին ոչ միայն իրենց հողի, տների համար, այլև մի ողջ ժողովրդի` Խորհրդային Միության ժողովրդի գոյության համար։ Դիվանագետն առաջարկել է մեկ րոպե լռությամբ հարգել հերոսների հիշատակը։

«Հայաստանում ռուսաստանցի հայրենակիցների օգնության և աջակցության հիմնադրամ» ՀԿ–ի գործադիր տնօրեն Իվան Սեմյոնովն իր հերթին հայտարարել է, որ հարկավոր է հարգել պատերազմի հերոսների հիշատակը հատկապես հիմա, երբ հետխորհրդային հանրապետություններից մեկում` Ուկրաինայում ֆաշիզմի սուր խնդիր է ծագել։

«Այժմ մենք ավելի մեծ պատասխանատվություն ունենք պայքարելու այդ ֆաշիստական չարիքի, նացիզմի դեմ և պահպանել այն, ինչ արել և պահպանել են մեր հայրերը», – ավելացրել է Սեմյոնովը։

Մեկնաբանելով Ուկրաինայում նացիզմի դրսևորումների մասին Սեմյոնովի խոսքերը` կազակների գեներալ, Հայ–ռուսական կազակական միավորման Գլխավոր շտաբի պետ Անատոլի Առաքելյանը հայտարարել է, որ յուրաքանչյուրից կախված է, թե նացիստներին որքան կթույլատրվի մոտենալ երկրի սահմաններին։

Նա հավաստիացրել է, որ իրենց կազմակերպությունը երբեք թույլ չի տա նեոնացիստներին գլուխ բարձրացնել Հայաստանում։

Ծաղկեպսակներ դնելու արարողությունը տեղի է ունեցել Երևանի կենտրոնական զինվորական գերեզմանատանը։ Արարողության կազմակերպիչներն են Երևանում գտնվող Մոսկվայի տունը և Հայաստանի Հանրապետության ռուսաստանցի հայրենակիցների օգնության և աջակցության հիմնադրամը։ Միջոցառմանը մասնակցել են պատերազմի վետերաններ, Հայ–ռուսական կազակական միավորման ներկայացուցիչներ, բազմաթիվ հյուրեր։

Միջոցառման ֆոտոռեպորտաժը ներկայացված է  Facebook սոցցանցի «Նովոստի–Արմենիա» գործակալության պաշտոնական էջում։

1941 թ.–ի հունիսից մինչև 1945 թ.–ի մայիսը Խորհրդային բանակ է զորակոչվել ավելի քան 500 հազար հայ, որոնցից մոտ 200 հազարը զոհվել է մարտերի ժամանակ։ Պատերազմի տարիներին 106 հայ դարձել է Խորհրդային Միության հերոս, իսկ լեգենդար օդաչու Նելսոն Ստեփանյանն ու Խորհրդային Միության մարշալ Հովհաննես Բաղրամյանը երկու անգամ են արժանացել այդ կոչմանը։ Բացի այդ, 27 հայեր դարձել են Փառքի շքանշանի լիարժեք ասպետներ։

Երկրորդ համաշխարհայինի խոշորագույն զորապետերի թվում են Խորհրդային Միության կրկնակի հերոս մարշալ Հովհաննես Բաղրամյանը, Խորհրդային Միության հերոս, զրահատանկային զորքերի գլխավոր մարշալ Համազասպ Բաբաջանյանը, ավիացիայի մարշալ Սերգեյ Խուդյակովը (Արմենակ Խանփերյանց), Խորհրդային Միության հերոս, ԽՍՀՄ նավատորմի ծովակալ Իվան Իսակովը (Հովհաննես Իսահակյան)։

Հայ ժողովուրդը պատրաստել և ճակատարամարտ է ուղարկել վեց մոտոհրաձգային դիվիզիա, իսկ 89–րդ Թամանյանի դիվիզիան հասել է մինչև Բեռլին։ Հայկական սփյուռքի մոտ 100 հազար ներկայացուցիչ մասնակցել է Դիմադրության շարժմանը, պատերազմել է դաշնակիցների բանակների կազմում։–0–

Loading...
Թեմատիկ նյութեր

Բաժնի այլ նյութեր
15:08
23 Մարտի 2017
Հենրիխ Մխիթարյան. երբեք ոչնչից մի ընկճվեք, լավատես եղեք և պայքարեք ձեր նպատակների համար
Մխիթարյանը հանդիպել է Մանկական արյունաբանական կլինիկական բաժանմունքի՝ լեյկոզով, լիմֆոգրանուլեմատոզով, լիմֆոմայով և այլ հիվանդություններով տառապող բոլոր երեխաների հետ։
13:25
23 Մարտի 2017
Սուրենյան. գարունը բուռն կերպով վերադառնում է Հայաստան
Ջերմաստիճանը կբարձրանա 5-6 աստիճանով։
19:52
22 Մարտի 2017
Լապշինի կինը հայտնել է, որ Լապշինի առողջական վիճակը վատացել է
Բլոգեր Ալեքսանդր Լապշինի առողջական վիճակը լուրջ մտահոգության տեղիք է տալիս։
10:30
22 Մարտի 2017
Օդերևութաբանները կանխատեսում են Հայաստանում տեղումների դադարում և եղանակի տաքացում
Հայաստանում մարտի 24-25 սպասվում է առանց տեղումների եղանակ:
15:17
21 Մարտի 2017
Անտոնիո Բանդերասը կրկին հոսպիտալացվել է
Հունվարի վերջին Անտոնիո Բանդերասը շտապ տեղափոխվել էր հիվանդանոց սրտի սուր ցավերի պատճառով։
14:32
21 Մարտի 2017
Հայաստանում ավելի քան 600 մարդ է հոսպիտալացվել գրիպով և ՍՇՎ–ով. ԱՆ
Մարտի 20–ի դրությամբ Հայաստանում հոսպիտալացվել է շուրջ 630 մարդ գրիպի և ՍՇՎ–ի ախտանիշներով։
11:09
21 Մարտի 2017
Երեք հայ գործարար ներառվել է աշխարհի ամենահարուստ մարդկանց ցուցակում` ըստ Forbes–ի
Forbes հեղինակավոր ամսագիրը երկուշաբթի հրապարակել է դոլարային միլիարդատերերի ամենամյա համաշխարհային վարկանիշը։
20:05
20 Մարտի 2017
Հանրապետության մի շարք ճանապարհներին ձյուն է տեղում. փակ է Բերդ-Ճամբարակ ճանապարհը
Բքի պատճառով փակ է Բերդ-Ճամբարակ ճանապարհը:
18:58
20 Մարտի 2017
Հայաստանի տարածքին ցուրտ ճակատ է մոտենում. հնարավոր է ձյուն տեղա նաև Երևանում. Սուրենյան
Հանրապետության տարածքով անցնելու է հյուսիս-արևմտյան ցուրտ ճակատ, ինչի հետևանքով ջերմաստիճանը կնվազի։
18:34
20 Մարտի 2017
«Արենա Շապիտո» միջազգային կրկեսը կուրախացնի երևանցիներին իր ներկայացումներով
Մայրաքաղաքում հյուրընկալվել է «Արենա Շապիտո» միջազգային կրկեսը:
13:35
20 Մարտի 2017
Աստղային դիետա կամ ինչպես է Քիմ Քարդաշյանը նիհարել գրեթե 20 կգ-ով
Այս դիետայով Քիմ Քարդաշյանը 3 ամսում նիհարել է 19 կգ-ով:
11:37
20 Մարտի 2017
Բերդ-Ճամբարակ ավտոճանապարհի հատվածը փակ է
Ժամը 11:00-ի դրությամբ Հայաստանում կան փակ և դժվարանցանելի ավտոճանապարհներ: