484.11
-0.64
570.43
-1.33
8.23
+0.04
+3
Եղանակը Երևանում
Հայ
Ձկով պատրաստած ճաշատեսակների առաջին փառատոնը հայկական խոհարարական ավանդույթները վերականգնելու նպատակ ունի
18:09
18 Ապրիլի 2014

ԵՐԵՎԱՆ,18 ապրիլի. /Նովոստի–Արմենիա/. Ձկով պատրաստած ճաշատեսակների առաջին մրցույթ–փառատոնը, որը կանցկացվի ապրիլի 19–ին Աբովյան քաղաքում, այդ ոլորտում հայկական խոհարարության ավանդույթները վերականգնելու նպատակ ունի, ասաց միջոցառման կազմակերպիչ Տիգրան Ղազարյանը։

Մրցույթ–փառատոնը կանցկացվի քաղաքապետարանի մերձակայքում գտնվող հրապարակի նոր Սուրբ Հովհաննես Մկրտիչ եկեղեցու հարևանությամբ։ Փառատոնին կմասնակցի մոտ 20 կազմակերպություն։

«Իր բազմադարյա պատմության ընթացքում Հայաստանը հայտնի է եղել ձկով պատրաստված տարբեր ճաշատեսակներով, որոնց բաղադրատոմսերը պահպանվել են և կներկայացվեն վաղը կայանալիք փառատոնի ժամանակ», – ասաց Ղազարյանը։

Նրա խոսքով` ձկով պատրաստված ճաշատեսակների փառատոնն անցկացվում է Զատիկի նախօրեին, քանի որ ձուկը քրիստոնեության խորհրդանիշերից մեկն է։

«Ձուկը հունարեն հնչում է «իխտիուս», ինչը նշանակում է Հիսուս Քրիստոս` Աստծու որդի, աշխարհի փրկիչ։ Ձկով պատրաստված ճաշատեսակները զատիկի սեղանի հիմնական զարդն են», – պարզաբանեց Ղազարյանը։

Նա ավելացրեց, որ փառատոնի շրջանակում կկազմակերպվի նաև մրցույթ` երեք անվանակարգով` «Լավագույն համ», «Լավագույն ձևավորում» և «Լավագույն գաղափար»։ Մրցույթի եզրափակիչ փուլում լավագույն կերակրատեսակը կարժանանա փառատոնի Գրան պրի մրցանակի։ Կլինի նաև «հանդիսատեսի համակրանք» մրցանակ։ Ժյուրիի կազմում կլինեն Հայաստանի ռեստորանների սեփականատերեր։

Ղազարյանը նաև նշեց, որ փառատոնի ժամանակ ելույթ կունենան նաև ժողովրդական երգ ու պարի համույթներ։ Կլինեն տաղավարներ, որոնք նախատեսված են գյուղատնտեսական ապրանքների վաճառքի համար։

Պատասխանելով «Նովոստի–Արմենիա» գործակալության հարցին` կազմակերպիչը նշեց, որ փառատոնի անցկացման վայր է ընտրվել Աբովյանը, քանի որ այնտեղ շատ են ձկով պատրաստվող ճաշատեսակներ առաջարկող ռեստորանները, բացի այդ Աբովյանը շատ մոտ է գտնվում Երևանին։

Աբովյանի քաղաքապետարանի կրթության և մշակույթի վարչության պետ Հերմինե Ադամյանն իր հերթին նշեց, որ քաղաքն ամբողջովին պատրաստ է միջոցառման անցկացմանը։

«Փառատոնը բավականին մեծ հետաքրքրություն է առաջացրել Աբովյանի բնակիչների շրջանում։ Հուսով եմ, որ փառատոնը կնպաստի ոչ միայն հայկական խոհարարության, այլև զբոսաշրջության զարգացմանը», – ասաց նա։

Փառատոնը կազմակերպել են «Հայկական խոհարարական ավանդույթների զարգացում և պահպանում» ՀԿ–ն և Աբովյանի քաղաքապետարանը։

«Հայկական խոհարարական ավանդույթների զարգացում և պահպանում» ՀԿ–ն այս տարի կկազմակերպի մի շարք այլ փառատոններ, որոնց թվում են` «Հացը լեռներում» (Երևան, հունիսի 12), «Սարդարապատ» հուշահամալիրի մերձակայքում հուլիսի 16–ին կայանալիք տոլմայի փառատոնը, Գեղարքունիքի մարզի Ծաղկունք գյուղում օգոստոսի 11–ին կայանալիք «Թոնրատուն» փառատոնը և Լոռու մարզի Ախթալա քաղաքում սեպտեմբերի 6–ին կայանալիք Խորովածի փառատոնը։–0–

Loading...
Թեմատիկ նյութեր
Բաժնի այլ նյութեր
15:54
12 Դեկտեմբերի 2017
ՎՏԲ-Հայաստան Բանկը գործարկել է նոր հիփոթեքային պրոդուկտ
ՎՏԲ-Հայաստան Բանկը գործարկել է նոր հիփոթեքային պրոդուկտ, որը թույլ է տալիս հաճախորդներին ձեռք բերել անշարժ գույք ընդամենը 3% կանխավճարով:
11:08
11 Դեկտեմբերի 2017
Դավիթ Այվազյանն ու Աստղիկ Մխիթարյանը գերել են ռուսական «Ты супер! Танцы» շոուի ժյուրիին և հանդիսատեսին (ՎԻԴԵՈ)
17–ամյա Դավիթ Այվազյանն ու 15–ամյա Աստղիկ Մխիթարյանը փայլուն ելույթ են ունեցել «Ты супер! Танцы» միջազգային շոուի կիսաեզրափակչում։
19:25
10 Դեկտեմբերի 2017
Ցավազրկողները դարձել են ճարպակալման պատճառ
Ցավազրկողները հանգեցնում են մարմնի քաշի կտրուկ ավելացման։
16:38
10 Դեկտեմբերի 2017
Հայտնի են YouTube–ի տարվա ամենահայտնի տեսահոլովակները
YouTube–ը հրապարակել է տարվա ամենահայտնի երաժշտական տեսահոլովակների ցանկը:
15:15
10 Դեկտեմբերի 2017
Ընտրվել են տարվա վատագույն ֆիլմերը
Rolling Stone պարբերակը ընտրել է տարվա ամենավատ ֆիլմերը։
12:41
10 Դեկտեմբերի 2017
Հոֆմանը պատմել է, թե ինչպես է նրան ուղղորդել Վիլյամ Սարոյանը (ՎԻԴԵՈ)
Օսկարակիր դերասան Դասթին Հոֆմանը պատմել է իր ստեղծագործական ուղու մասին:
20:47
09 Դեկտեմբերի 2017
Աշխարհի առաջին SMS հաղորդագրության հեղինակը պատմել է դրա բովանդակության մասին
Պատմության մեջ առաջին SMS հաղորդագրությունն ուղարկվել է 25 տարի առաջ։
19:37
09 Դեկտեմբերի 2017
Ճարպն այրող արդյունավետ ըմպելիք
Այս ըմպելիքի մեկ բաժակը կթարմացնի և միաժամանակ կօգնի ազատվել ավելորդ կիլոգրամներից։
18:12
09 Դեկտեմբերի 2017
Սմարթֆոնից կախվածությունը հանգեցնում է փոփոխությունների գլխուղեղում
Հետազոտության ընթացքում հարցված երիտասարդների 46 տոկոսը նշել է, որ կյանքը չի պատկերացնում առանց սմարթֆոնի։
17:00
09 Դեկտեմբերի 2017
18 երկրների գեղեցկուհիներ ժամանել են Երևան` «Թոփ մոդել ԱՊՀ-2017» գեղեցկության մրցույթին մասնակցելու համար (ՖՈՏՈ)
«Թոփ մոդել ԱՊՀ- 2017» գեղեցկության մրցույթը կանցկացվի դեկտեմբերի 10-ին Երևանում:
15:48
09 Դեկտեմբերի 2017
4 ռուսերեն բառեր, որոնք փոխառված են հայերենից
Հայերենը հնդեվրոպական լեզվաընտանիքի առանձին ճյուղ է։ Այն աշխարհի հնագույն լեզուներից մեկն է, այդ իսկ պատճառով հայերեն արմատներով բառերը ռուսերենի հնագույն բառերից են։
14:25
09 Դեկտեմբերի 2017
Վիտամինային ռումբ. արքայանարնջի 6 օգտակար հատկությունները
Տարվա ցուրտ ժամանակ մեր օրգանիզմը վիտամինների և օգտակար նյութերի կարիք ունի: