485.16
+0.79
562.93
-1.22
8.23
-0.05
+8
Եղանակը Երևանում
Հայ
Հայաստանի վարչապետի պաշտոնից հեռացած Տիգրան Սարգսյանը Երևանի ակցիայի մասնակիցներին երկխոսության կոչ է արել
16:18
09 Ապրիլի 2014

ԵՐԵՎԱՆ, 9 ապրիլի. /Նովոստի–Արմենիա/.  Հայաստանի վարչապետի պաշտոնից ապրիլի 3–ին հեռացած Տիգրան Սարգսյանը մոտեցել է Երևանում պարտադիր կուտակային կենսաթոշակային համակարգի դեմ ակցիայի մասնակիցներին և երկխոսության կոչ է արել նրանց։

«Դեմ եմ» շարժման ակտիվիստներն այսօր Հայաստանի ֆինանսների նախարարության շենքի առջև բողոքի ակցիա են անցկացնում` պահանջելով  նախարարությունից հանել պարտադիր կուտակային կենսաթոշակային փոխանցումների մասին կետը էլեկտրոնային հաշվետվություններից, որ գործատուները հնարավորություն ունենան չփոխանցել կենսաթոշակային վճարումները։ 

«Մենք հրավիրում ենք ձեզ երկխոսության։ Մենք պատրաստել ենք առաջարկություններ, և աշխատանքային խումբը պատրաստ է լսել ձեր առաջարկները»,– ասաց Սարգսյանը։

Նա կոչ արեց ակցիայի մասնակիցներին բարձրանալ Ֆինանսների նախարարության դահլիճ, որը կարող է 100 մարդ տեղավորել, և քննարկել խնդիրը։

«Մենք չենք կարող օրենսդրական փոփոխությունները Հրապարակում քննարկել... Դուք պետք է աշխատանքային խումբ ձևավորեք, որ մենք քննարկենք ձեր առաջարկությունները և դրանց իրականացման ուղիները»,– ասաց Սարգսյանը։

Նա հայտնեց, որ իշխանությունները պատրաստ են ցանկացած պահի քննարկել այդ հարցը, հիշեցնելով, որ ակցիայի մասնակիցները, փակելով փողոցի երթևեկելի հատվածը, խախտում են մյուս քաղաքացիների իրավունքները։

Սակայն, ինչպես հայտնում է գործակալության թղթակիցը, կառավարության շենքից ակտիվիստները կենդանի շղթա են կազմել` փակելով կառավարությունից դեպի ֆինանսների նախարարության շենք տանող փողոցը։

Ցուցարարներն ակցիան ավարտել են` կառավարության վաղվա նիստում համապատասխան որոշումներ ընդունելու պահանջով և զգուշացնելով, որ հակառակ դեպքում կարող են անցանկալի հետևանքներ լինել, որոնց համար նրանք պատասխանատվություն չեն կրում։

Ապրիլի 12–ին Երևանում սպասվում է «Դեմ եմ» շարժման ևս մեկ ակցիա։

2014 թվականի հունվարի 1–ից Հայաստանում ներդրվել է պարտադիր կուտակային կենսաթոշակային համակարգը, որում ընդգրկված են 1974 թվականի հունվարի 1–ից հետո ծնված բոլոր քաղաքացիները։Աշխատողներն ամսական իրենց կուտակային հաշվին կներդնեն իրենց աշխատավարձի 5 տոկոսը, բայց ոչ ավելի, քան 25 հազար դրամ (61 դոլար ընթացիկ փոխարժեքով), ձեռնարկատերերի համար` 300 հազար դրամ (740 դոլար) կներդնի պետությունը։

Պարտադիր բաղադրիչը դժգոհություն է առաջացրել հայ հասարակությունում։ Օրենքի դեմ բողոքող քաղաքական կուսակցությունների և հասարակական կազմակերպությունների ներկայացուցիչները չեն հավատում, որ կենսաթոշակային ֆոնդերում պարտադիր կարգով ներդրվող գումարները նրանց արժանի կենսաթոշակ կապահովեն և կոչ են անում իշխանություններին հրաժարվել այդ գաղափարից։

Gallup International Association–ի հայկական գրասենյակի կողմից Երևանի 1066 չափահաս բնակիչների շրջանում 2014 թ.–ի փետրվարի 13–28–ն անցկացված հարցման համաձայն, Երևանի հարցված բնակիչների ավելի քան 88 տոկոսը չի աջակցում Հայաստանում ներդրվող պարտադիր կուտակային կենսաթոշակային համակարգին։-0- -

Loading...
Թեմատիկ նյութեր
Բաժնի այլ նյութեր
15:22
06 Նոյեմբերի 2017
Վյաչեսլավ Դոբրինին. հայրս հայ է, բայց ես նրան երբեք չեմ տեսել (ՎԻԴԵՈ)
Վյաչեսլավ Դոբրինինը պատմել է իր հայկական արմատների մասին։

19:38
05 Նոյեմբերի 2017
Ինչպե՞ս ակտիվացնել երեխաների ուղեղի աշխատանքը քննությունից առաջ
Հայտնի է այն մթերքը, որը կօգնի ակտիվացնել երեխաների ուղեղի աշխատանքը քննությունից առաջ։
18:05
05 Նոյեմբերի 2017
Հայտնի է աշխարհի ամենաէլեգանտ քաղաքը
Հայտնի է աշխարհի ամենաէլեգանտ քաղաքը:
16:58
05 Նոյեմբերի 2017
Կյանք մահից հետո. մտքեր և զգացողություններ
Պարզվել է, որ կլինիկական մահվան վիճակում մարդկանց գիտակցությունը շարունակում է աշխատել։
15:37
05 Նոյեմբերի 2017
Պարզվել է գազավորված ըմպելիքի գլխավոր վտանգը
Բացահայտվել է գազավորված ըմպելիքի մահացու վտանգը։
11:00
05 Նոյեմբերի 2017
Ռուսական «Գոլոս» նախագծի ժյուրիի անդամները ոտնկայս ծափահարել են հղի Անահիտ Պողոսյանին (ՎԻԴԵՈ)
Ռուսական Առաջին ալիքով հեռարձակվող «Գոլոս» շոուի ժյուրիի անդաները ոտնկայս ծափահարել են հղի Անահիտ Պողոսյանին:
21:00
04 Նոյեմբերի 2017
Պարզվել է iPhone X–ի գլխավոր խոցելի կողմը (ՎԻԴԵՈ)
Հայտնի է դարձել  iPhone X–ի գլխավոր խոցելի կողմը։
19:58
04 Նոյեմբերի 2017
Հայտնի են աշխարհի ամենավտանգավոր քաղաքները
Հրապարակվել են աշխարհի ամենավտանգավոր քաղաքները։
18:50
04 Նոյեմբերի 2017
Ասպիրինն օգնում է կանխել լյարդի քաղցկեղը
Ասպիրինը դրական է ազդում իմունոթերապիայի վրա։
17:25
04 Նոյեմբերի 2017
Ստեղծվել է ապագայի մեքենա (ՎԻԴԵՈ)
Ապագայի մեքենան ապակե գնդի տեսք ունի` առանց անիվների:
14:11
04 Նոյեմբերի 2017
Անջելինա Ջոլին գաղտնի ամուսնանում է
Անջելինա Ջոլին կրկին պատրաստվում է ամուսնանալ։
12:59
04 Նոյեմբերի 2017
Գրող Զապել Եսայանն աշխարհի ամենախիզախ կանանց հնգյակում է
Ինչպես կարծում էր Եսայանը, գրականությունը զարդ չէ, այլ հզոր զենք և անարդարության դեմ պայքարի միջոցով։