484.96
+0.3
573.47
-1.05
8.22
-0.04
-1
Եղանակը Երևանում
Հայ
Լեյշմանիոզը Հայաստանում առավել տարածված ինֆեկցիոն հիվանդություններից է
17:58
07 Ապրիլի 2014

ԵՐԵՎԱՆ, 7 ապրիլի. /Նովոստի–Արմենիա/. Միջատներից մարդուն փոխամցվող առավե տարածված ինֆեկցիոն հիվանդությունը Հայաստանում լեյշմանիոզն է, հայտնեց Հայաստանի առողջապահության նախարարության Հիգիենիկ–հակահամաճարակային տեսչության պետ Արտավազդ Վանյանը։

«Լեյշմանիոզը մարդուն փոխանցվում է 12 տեսակի մոծակներից։ Հայաստանում 1999 թվականին մաշկային լեյշմանիոզի դեպքեր չեն գրանցվել, սակայն 2013 թվականին գրանցվել է նման մեկ դեպք Սիրիայից ժամանած քաղաքացու մոտ։ Առավել տարածված է մինչև 13 տարեկան երեխաների մոտ հանդիպող լեյշմանիոզը»,– ասաց Վանյանն Առողջության համաշխարհային օրվան նվիրված «Փոքր խայթոց, մեծ վտանգ» համաժողովում։

Ըստ նրա, 2013 թվականին Հայաստանում գրանցվել է այս հիվանդության ութ դեպք, իսկ այս տարի լեյշմանիոզ է ախտորոշվել Հայաստանի մեկ քաղաքացու մոտ։

Վանյանը նշեց, որ հիվանդությունն առավել տարածված է Երևանում, Սյունիքի և Տավուշի մարզերում, սակայն, այս հիվանդությունից մահացության ոչ մի դեպք չի գրանցվել։

Խոսելով միջատների խայթոցից փոխանցվող մյուս ինֆեկցիոն հիվանդությունների մասին` փորձագետը նշեց մալարիան, դենգե տենդը, Լայմի հիվանդությունը և դեղին տենդը, ընդգծելով, որ վերջին տարիներին այս հիվանդություններով հիվանդացության դեպքեր Հայաստանում չեն արձանագրվել։

«2011 թվականից Հայաստանը համարվում է մալարիայից ազատ գոտի, և մենք բոլորս դա մեծ ձեռքբերում ենք համարում։ Մի քանի տասնամյակների ընթացքում մենք ակտիվ, համակարգված պայքար ենք տարել մեր երկրում այս հիվանդությունների տարածման դեմ, և մեզ դա հաջողվել է»,– պարզաբանեց Վանյանը։

Առողջապահության համաշխարհային կազմակերպության հայկական գրասենյակի ղեկավար Թաթուլ Հակոբյանը նշեց, որ թեև Հայաստանն ակնհայտ ձեռքբերումներ ունի նման հիվանդությունների տարածումը կանխարգելելու հարցում, զգոնությունը կորցնել չի կարելի։

«Հարևան երկրներում դեռևս կան ինֆեկցիոն հիվանդություններ և, հաշվի առնելով միգրացիայի և առևտրային հարաբերությունների ներկա մակարդակը, մեր երկիրը նույնպես կարող է հայտնվել ռիսկի գոտում»,– նշեց Հակոբյանը։

Ըստ նրա, աշխարհում ինֆեկցիո հիվանդությունների մոտ 17 տոկոսը կազմում են հենց միջատների և կենդանիների միջոցով փոխանցվող հիվանդությունները։

«Եվրոպայում նմանատիպ հիվանդություններով տարեկան վարակվում է մոտ 77 հազար մարդ։ Միաժամանակ, դրանցից առավել տարածվածները մալարիան և դենգե տենդն են»,– ասաց նա։

Հակոբյանը կոչ արեց հասարակությանը զգոն լինել, մասնավորապես, այն երկրներ մեկնելիս, որտեղ այս հիվանդությունների դեպքեր են գրանցվում։ Ըստ նրա, վարակից խուսափելու համար անհրաժեշտ է պատվաստումներ կատարել այդ հիվանդությունների դեմ, կրել «փակ», բաց գույնի հագուստ, օգտագործել հատուկ հակամոսկիտային միջոցներ, հետևել անձնական հիգիենային և սննդամթերքին, ինչպես նաև խուսափել հիվանդ մարդկանց և կենդանիների հետ ուղղակի շփումից։

Հայաստանի առողջապահության փոխնախարար Սերգեյ Խաչատրյանը նշեց, որ Առողջապահության նախարարությունը վերահսկում է երկրում տիրող իրավիճակը և այդ ուղղությամբ ծրագրեր է մշակում։

Մաշկային լեյշմանիոզը (հոմանիշները՝ պենդինյան խոց, աշխաբադկա, կոկանդկա, տարուկ, սոլեկ և այլն) տեղաճարակային վարակիչ հիվանդություն է։ Հարուցիչը Leishrrania tropica նախակենդանին է, որը 1898 թ. հայտնաբերել ու նկարագրել է Պ. Ֆ. Բորովսկին։ Լեյշմանիաները մարդու օրգանիզմ են թափանցում ինֆեկցիան փոխանցող մլակների խայթելու ժամանակ։ Տարբեր տևողության գաղտնի շրջանից հետո խայթված տեղում առաջանում է բորբոքային ինֆիլտրատ (գրանուլոմա), որը քայքայվում է, գոյացնելով խոց։ Լինում են մաշկային լեյշմանիոզի 2 ձևեր, որոնք մեկը մյուսից տարբերվում են կլինիկական նշաններով, ինչպես նաև հարուցիչների կենսաբանական հատկություններով ու հիվանդության տարածման համաճարակային պայմաններով (Պ. Վ. Կոժևնիկով)։ -0-


 

Loading...
Թեմատիկ նյութեր
Բաժնի այլ նյութեր
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։
19:20
03 Դեկտեմբերի 2017
Կառլես Պույոլ. «Հայերը շատ ուժեղ մարդիկ են՝ ուժեղ բնավորությամբ» (ՎԻԴԵՈ)
Հայտնի ֆուտբոլիստ, «Բարսելոնայի» նախկին պաշտպան Կառլես Պույոլը հյուրընկալվել է «Պրոժեկտորպերիսհիլթոն» ծրագրում:
15:27
03 Դեկտեմբերի 2017
Նախաճաշից հրաժարվելը կարող է հանգեցնել մի շարք հիվանդությունների
Պարզվել է, թե ինչ հետևանքների կարող է հանգեցնել նախաճաշից հրաժարվելը։
20:41
02 Դեկտեմբերի 2017
Մոսկվացի տատիկը 5 մլն ռուբլով անմահության բուժահեղուկ է գնել
Մոսկվայում 72-ամյա թոշակառու կինը խարդախների զոհ է դարձել:
19:27
02 Դեկտեմբերի 2017
Օծանելիքի բույրի տևողությունը երկար պահելու պարզ հնարք
Յուրաքանչյուր կին չի պատկերացնում իրեն առանց սիրելի բույրի, քանի որ օծանելիքի օգտագործումն անբացատրելի հաճույք է պատճառում։
18:07
02 Դեկտեմբերի 2017
Ակնոց կրող մարդկանց ինտելեկտն ավելի բարձր է
Պարզվել , որ ակնոց կրող մարդկանց ինտելեկտն ավելի բարձր է։
16:51
02 Դեկտեմբերի 2017
Դեմքի արդյունավետ դիմակ ձմռանը չքնաղ տեսք ունենալու համար
Ներկայացնում ենք լավագույն միջոցը, որի օգնությամբ դուք ցուրտ ձմռանը կունենաք հարթ, փափուկ և չքնաղ մաշկ։