482.36
-0.38
568.99
-1.66
8.19
-0.05
-1
Եղանակը Երևանում
Հայ
«Փարաջանով» ֆիլմի համար Ֆետիսովային շնորհված ՀՀ պետական մրցանակը կկրկնապատկվի և կուղղվի բարեգործության. Սարգսյան
19:13
21 Մարտի 2014

ԵՐԵՎԱՆ, 21 մարտի. /Նովոստի–Արմենիա/. «Փարաջանով» ֆիլմի համար ռեժիսոր Ելենա Ֆետիսովային շնորհված 2013 թ.–ի ՀՀ պետական մրցանակը կկրկնապատկվի և կուղղվի բարեգործական միջոցառումների, ասել է ՀՀ նախագահ Սերժ Սարգսյանը ուրբաթ պետական մրցանակների հանձնման արարողության ընթացքում։

Ռուսական ԶԼՄ–ների հաղորդմամբ` «Փարաջանով» գեղարվեստական ֆիլմի համառեժիսոր Ելենա Ֆետիսովան (Ուկրաինա) հայտարարել է Հայաստանի պետական մրցանակը բոյկոտելու մասին Ղրիմում կայացած հանրաքվեի հարցում հանրապետության դիրքորոշման կապակցությամբ և խնդրել է մրցանակի դրամական բաղադրիչը փոխանցել հայ ծնողազուրկ երեխաների կարիքները հոգալու նպատակով։

Հայաստանի և Ռուսաստանի նախագահներ Սերժ Սարգսյանը և Վլադիմիր Պուտինը չորեքշաբթի կայացած հեռախոսազրույցի ընթացքում Ղրիմում կայացած հանրաքվեն որակել են` որպես ժողովուրդների ինքնորոշման իրավունքի իրականացման հերթական օրինակ։

«Այսօր առավոտյան տիկին Ելենա Ֆետիսովայից ստացել եմ նամակ, որում նա շատ հարգալից կերպով շարադրում է Երևան չժամանելու իր դրդապատճառները: Ես իր գործընկերների միջոցով իրեն կփոխանցեմ մրցանակը, և իր ցանկությամբ, մրցանակի դրամական բաղադրիչը կուղղենք բարեգործական միջոցառումների՝ այն կրկնապատկելով Նախագահի հիմնադրամից», – ասել է ՀՀ նախագահը։

Նախագահը նաև նշել է, որ հասկանում է Ֆետիսովայի դրդապատճառները, սակայն միաժամանակ ուզում է դիմել նրան և Ուկրաինայի ժողովրդին՝ ասելով, որ հայերն ու ուկրաինացիները եղբայրական ժողովուրդներ են և այդ եղբայրության, բարեկամության մասին են վկայում հազարավոր փաստեր, Լվովի միջնադարյան տաճարներից սկսած մինչև այսօրվա Հայաստանում գործող ուկրաինական համայնքի ակտիվ դիրքորոշումը։

«Մենք դարեր շարունակ ուս ուսի կռվել ենք միասին զավթիչների դեմ, մենք հազարավոր փառավոր էջեր ունենք պատմության, այդպես եղել է, և այդպես էլ շարունակվելու է», – ասել է նա։
Նախագահը նշել է, որ  ժամանակի և իրադարձությունների թոհուբոհի մեջ տարբեր երևույթներ ունենում են տարընկալումներ, բայց ժամանակի մեծությունը կայանում է նաև նրանում, որ ժամանակի ընթացքում ամեն ինչ հստականում է, տարընկալումները վերանում են, և ամեն ինչ ընկնում է իր տեղը։

Հայաստանի պետական մրցանակը շնորհվում է 2000 թ.–ից Բողոսյան հիմնադրամի (Բելգիա–Շվեյցարիա) հովանավորչական աջակցությամբ։ Որպես մրցանակ շնորհվում է մրցանակի դափնեկրի վկայական, շքանշան և 5 մլն դրամ (մոտ 12 հազար դոլար)։

«Փարաջանով» ֆիլմը նկարահանվել է 2013 թ.–ին, այն Հայաստանի, Ֆրանսիայի, Ուկրաինայի և Վրաստանի համատեղ արտադրությունն է։ Ֆիլմի համաշխարհային պրեմիերան տեղի է ունեցել հուլիսի 4–ին Չեխիայում կայացած «Կառլովի Վարի» փառատոնի ժամանակ, հուլիսի 13–ին ֆիլմը որպես եզրափակիչ կինոնկար ցուցադրվել է «Ոսկե ծիրան» Երևանյան 10–րդ միջազգային կինոփառատոնի ժամանակ, իսկ հուլիսի 17–ին կինոնկարը ներկայացվել է Օդեսայի միջազգային կինոփառատոնի ժամանակ։

95 րոպեանոց ֆիլմը պատմում է հռչակավոր ռեժիսոր Սերգեյ Փարաջանովի կյանքի և ստեղծագործության առանցքային իրադարձությունների մասին (Փարաջանովը «Նռան գույնը», «Աշուղ Ղարիբ» «Մոռացված նախնիների ստվերները» և այլ կինոգլուխգործոցների հեղինակն է)։ Փարաջանովի դերը կատարել է Սերժ Ավետիքյանը։–0–

Loading...
Թեմատիկ նյութեր
Բաժնի այլ նյութեր
20:59
17 Դեկտեմբերի 2017
Հրապարակվել են տարվա լավագույն սերիալները
Հայտնի են տարվա լավագույն սերիալները։
19:40
17 Դեկտեմբերի 2017
Ողջ հմայքով. ի՞նչ հագուստով դիմավորել Շան տարին
Ամանորյա վառ կերպարը տոնական տրամադրության երաշխիքն է։ Մենք պատրաստել ենք մի փոքրիկ «հուշաթերթիկ», որը կօգնի ընտրել անհրաժեշտ կերպարը Դեղին հողե շան տարին դիմավորելու համար։
16:51
17 Դեկտեմբերի 2017
Ընտրվել է տարվա բառը
Օքսֆորդի բառարանն ընտրել է տարվա բառը:
21:05
16 Դեկտեմբերի 2017
Ինչպես նվեր փաթեթավորել արագ և պարզ. ֆոտոուղեցույց
Անկասկած, մենք բոլորս սիրում ենք նվերներ ստանալ:
19:23
16 Դեկտեմբերի 2017
Սնունդն ազդում է մարդու տրամադրության վրա
Պարզվում է` սնունդն ազդում է մարդու տրամադրության վրա։
17:58
16 Դեկտեմբերի 2017
Պարզվել է միկրոալիքային վառարանի նոր վտանգը
Բացահայտվել է միկրոալիքային վառարանի նոր վտանգը:
16:41
16 Դեկտեմբերի 2017
Ինչո՞վ է վտանգավոր քնի պակասը
Պարզվել է` ինչի կարող է հանգեցնել քնի պակասը։
11:48
16 Դեկտեմբերի 2017
Հնդկաձավարով նախաճաշ` արագ նիհարելու համար
Ո՞վ չի ուզում արագ նիհարել և միաժամանակ համեղ սնվել:
17:51
15 Դեկտեմբերի 2017
Santa–ն Հայաստանում. հայ երեխաներն առանձնահատուկ են (ՖՈՏՈ)
Սանտա Կլաուսը ուրբաթ Լապլանդիայից եկել է Հայաստան։
15:53
14 Դեկտեմբերի 2017
Նիկոլ Փաշինյանը բացել է հայկական խորհրդարանի գաղտնիքը (ՖՈՏՈ)
Հայ ընդդիմադիր պատգամավոր, «Ելք» խմբակցության ղեկավար Նիկոլ Փաշինյանը բացել է հայկական խորհրդարանի գաղտնիքը։
20:45
13 Դեկտեմբերի 2017
«ՎԻԱ ԳՐԱ»–ի Բրեժնևան` հայ դիզայների զգեստով (ՎԻԴԵՈ)
«ՎԻԱ ԳՐԱ»–ի նախկին մենակատար Վերա Բրեժնևան ելույթ է ունեցել հայ դիզայներ Հայկ Ավանեսյանի զգեստով «Необыкновенный огонек»–ի ընթացքում։
20:10
13 Դեկտեմբերի 2017
Հազվագյուտ կենդանիներով բացառիկ էկզոտարիում է բացվել Երևանում (ՖՈՏՈ)
«Զուլանդիա» էկզոտարիումը բացումը կայացավ Երևանի «ՌԻՈ» առևտրի կենտրոնում։