478.04
+0.15
564.85
-3.12
8.3
-0.03
+23
Եղանակը Երևանում
Հայ
Գարեգին Բ Կաթողիկոսը կոչ է արել Շվեյցարիայի իշխանություններին բողոքարկել ՄԻԵԴ–ի որոշումը Հայոց ցեղասպանության ժխտման գործով
16:54
19 Փետրվարի 2014

ԵՐԵՎԱՆ, 19 փետրվարի. /Նովոստի–Արմենիա/. Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Գարեգին Բ Կաթողիկոսը կոչ է արել Շվեյցարիայի կառավարությանը, մասնավորապես, արդարադատության նախարարությանը, բողոքարկել  2013 թ. դեկտեմբերի 17-ին Մարդու իրավունքների եվրոպական դատարանի (ՄԻԵԴ)` Թուրքական Աշխատավորական կուսակցության առաջնորդ Դողու Փերինչեքի` Հայոց ցեղասպանության հրապարակային ժխտման գործով ռասայական խտրականության վերաբերյալ անընդունելի վճիռը:

Նորին Սրբությունը նամակ է հղել Շվեյցարիայի Համադաշնության նախագահ Դիդիեր Բուրխալտերին, որում վրդովմունք է հայտնել Հայ Եկեղեցու և աշխարհասփյուռ հայ ժողովրդի անունից։

«ՄԻԵԴ–ի որոշումը սպառնալիք է ցեղասպանությունների պարագային արդարության վերականգնման և ազգերի միջև խաղաղության ու փոխադարձ հարգանքի հաստատման համար»,– նշվում է Կաթողիկոսի նամակում։

Ամենայն Հայոց Հայրապետը կոչ է արել բարի կամքի տեր մարդկանց և պետություններին` այս առնչությամբ  իրենց կեցվածքն արտահայտելու  Ցեղասպանության մերժողականության դեմ` հանուն խտրականության ու անհանդուրժողականության վերացման և ընդդեմ մարդկության հանցագործությունների կանխման:

Նորին Սրբությունը պաշտոնական գրություն է հղել Եկեղեցիների Համաշխարհային Խորհրդի գլխավոր քարտուղար Վեր. դոկտ. Օլավ Թվայթին` հորդորելով Խորհրդի անդամ Եկեղեցիներին իրենց ձայնը բարձրացնել ընդդեմ աղետաբեր այս վճռի` ի պաշտպանություն Շվեյցարիայի, ինչպես նաև Կաթոլիկ Եկեղեցու Շվեյցարիայի եպիսկոպոսների ժողովի նախագահ Մոնսինյոր Մարկուս Բյուխելին:

ՄԻԵԴ–ի որոշման տեքստի համաձայն, Փերինչեքը, լինելով իրավաբանական գիտությունների դոկտոր և Թուրքիայի աշխատավորական կուսակցության նախագահ, 2005 թվականին Շվեյցարիայում մասնակցել է տարբեր համաժողովների, որոնց ընթացքում հրապարակայնորեն ժխտել է 1915 թվականի Հայոց ցեղասպանության փաստը։

«Շվեյցարիա–Հայաստան» ասոցիացիան 2005 թվականին Շվեյցարիայում բողոք է ներկայացրել դատարան` պահանջելով քրեական գործ հարուցել Փերինչեքի դեմ իր մեկնաբանությունների համար։ 2007 թվականի մարտին Լոզանի դատարանը Փերինչեքին մեղավոր է ճանաչել ռասայական խտրականության մեջ` պարտավորեցնելով նրան մի քանի տուգանքներ վճարել, հաղորդում է ՌԻԱ Նովոստին։

Հայցորդը բողոքարկել է այդ որոշումը` պահանջելով այն անվավեր համարել և լրացուցիչ ուսումնասիրություններ կատարել։ Վերաքննիչ դատարանը մերժել է բողոքարկումը նույն տարվա հունիսին, նշելով, որ Հայոց ցեղասպանությունը պատմական փաստ է, ինչպես հրեական ցեղասպանությունը։

Հայցորդն այս որոշումը բողոքարկել է Շվեյցարիայի դաշնային դատարանում, որն իր հերթին 2007 թվականի դեկտեմբերին հաստատել է որոշման օրինականությունը։

Փերինչեքը բողոքել է ՄԻԵԴ իր իրավունքների խախտման համար` հղում անելով Մարդու իրավունքների եվրոպական կոնվենցիայի մի շարք հոդվածներին։

Մարդու իրավունքների եվրոպական դատարանը բավարարել է Հայոց ցեղասպանությունը ժխտելու համար շվեյցարական դատարանի կողմից մեղավոր ճանաչված քաղաքական գործիչ, Աշխատավորական կուսակցության առաջնորդ Դողու Փերինչեքի հայցը: 2008 թվականին շվեյցարական դատարանը Հայոց ցեղասպանությունը ժխտելու համար Փերինչեքին դատապարտել էր 3 ամսվա ազատազրկման, այնուհետ ազատազրկման որոշումը դատարանը փոխարինել էր վարչական տուգանքով: Եվրադատարանը Դողուի հայցի բավարարումը հիմնավորել է նրանով, որ շվեյցարական դատարանը խախտել է Եվրոպական կոնվենցիայի խոսքի ազատության վերաբերյալ 10-րդ և 7-րդ հոդվածները:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
16:02
26 Սեպտեմբերի 2017
Ռոսկոմնադզորի ղեկավարը ապառնացել է արգելափակել Facebook–ը Ռուսաստանում
Օրենքը պարտադիր կլինի բոլորի համար։
15:16
26 Սեպտեմբերի 2017
Հնդկական թերթը` Հայաստանի «վանական շքեղության» մասին
Հնդկական DNA թերթը գրել է Հայաստանի բազմադարյա պատմություն ունեցող հեթանոսական տաճարների, եկեղեցիների և վանքերի մասին։
14:12
26 Սեպտեմբերի 2017
Թուրք հաքերները կոտրել են Ֆրանսիայում հայկական ներկայացուցիչների էջերը
Թուրքական ASLAN NAFERLER TIM (A.N.T.) խմբի հաքերները կոտրել են Ֆրանսիայի և ֆրանսալեզու երկրներում Հայաստանի Զբոսաշրջային բյուրոյի և ՀՀ առևտրաարդյունաբերական պալատի ինտերնետ էջերը:  
21:14
25 Սեպտեմբերի 2017
Ալեքսիս Օլիմպիա Օհանյանն արկածներ է փնտրում հայրիկի հետ (ՖՈՏՈ)
Նոր լուսանկարներ են հայտնվել նորածին Ալեքսիս Օլիմպիա Օհանյանի Instagram–ում։
20:42
25 Սեպտեմբերի 2017
«Let's Armenia» արշավն է մեկնարկել Ռուսաստանում
Ռուսաստանում մեկնարկել է «Let's Armenia» գովազդային արշավը, որի նպատակը Հայաստանի մազին իրազեկվածության բարձրացումն է:
16:38
25 Սեպտեմբերի 2017
ՌԴ ԿԳ նախարարը հրաժարվեց խոսել Հայաստանում ռուսաց լեզվի կարգավիճակի մասին
Ռուսաստանի կրթության և գիտության նախարար Օլգա Վասիլևան հրաժարվել է խոսել ռւսաց լեզվին Հայաստանում երկրորդ պետական լեզվի կարգավիճակ շնորհելու մասին։  

14:21
25 Սեպտեմբերի 2017
Հայերենը կարող է դառնալ Քուրդիստանի պետական լեզուներից մեկը
Հայերենը, հնարավոր է, դառնա Քուրդիստանի  պետական լեզուներից մեկը:
13:27
25 Սեպտեմբերի 2017
Travel Blog Baltic–ի համահիմնադիր. Հայաստանն ու Արցախը բացահայտում են դարձել ինձ համար (ՖՈՏՈՌԵՊՈՐՏԱԺ)
Ճանապարհորդ, բլոգեր, երաժիշտ, Travel Blog Baltic պորտալի համահիմնադիր Ստանիսլավ Գորբունովը ներկայացրել է իր տպավորությունները Հայաստան և Արցախ կատարած մեկշաբաթյա այցից հետո։  
12:17
25 Սեպտեմբերի 2017
Հայտնի են Երևանում ֆինանսական կազմակերպությունների շրջանում անցկացված ինտելեկտուալ խաղերի III փառատոնի հաղթողները (ՖՈՏՈ)
Նախօրեին Երևանում անցկացվեց ՀՀ ֆինանսական կազմակերպությունների շրջանում ինտելեկտուալ խաղերի ավանդական երրորդ փառատոնը։
10:15
25 Սեպտեմբերի 2017
Վիկտորիա Լոպիրյովան Երևանում խոսել է հայերեն (ՖՈՏՈ)
Վիկտորիա Լոպիրյովան կրկին Երևանում է։
16:39
24 Սեպտեմբերի 2017
Վիճում են մասնագետները կամ հայտնի է դարձել դեպրեսիայից ազատվելու պարզ միջոցը
Պենսիլվանիայի համալսարանի մասնագետներն ուսումնասիրել են դեպրեսիային նվիրված հետազոտությունները:
12:48
24 Սեպտեմբերի 2017
Լարի Գագոսյանը ժամանակակից աշխարհի 100 հզորագույն «բիզնես ուղեղների» ցանկում է. Forbes
Ցանկը կազմվել է Forbes ամսագրի հարյուրամյակի կապակցությամբ, որտեղ ներկայացված են կապիտալիզմի դարաշրջանի 100 ձեռներեցների հանճարեղ մտքերը։