485.33
+0.37
572.16
-1.31
8.2
-0.02
-3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Հայաստանում 2022թ.–ին քաղցկեղային հիվանդությունների առաջնային դեպքերի թիվը կհասնի 10 հազարի. փորձագետ
16:15
04 Փետրվարի 2014

ԵՐԵՎԱՆ, 4 փետրվարի. /Նովոստի–Արմենիա/. Հայաստանում 2022թ.–ին քաղցկեղային հիվանդությունների առաջնային դեպքերի թիվը կհասնի շուրջ 10 հազարի, երեքշաբթի լրագրողներին ասաց ՀՀ ԱՆ գլխավոր ուռուցքաբան, Ազգային ուռուցքաբանական կենտրոնի տնօրեն Հայրապետ Գալստյանը։

«2002 թ.–ին մեր հանրապետությունում բացահայտվել է քաղցկեղային հիվանդության 5737 նոր դեպք, իսկ 2012 թ.–ին այդ թիվն արդեն կազմել է 7877, այսինքն բնակչության 100 հազարի հաշվով հիվանդացածների թիվը տասը տարում ավելացել է` 179–ից դառնալով 240», – ասաց նա։

Նրա խոսքով` ուռուցքաբանական հիվանդությունների դեմ պայքարի համար Առողջապահության նախարարությունն իր ենթակառուցվածքներով անցկացնում է լուրջ աշխատանք հիվանդության կանխարգելման և վաղ փուլերում դրա բացահայտման ուղղությամբ։ Այս դեպքում, պրոֆեսորի խոսքերով, ուռուցքաբանության դեմ պայքարը լինում է շատ ավելի արդյունավետ, քան հիվանդությունների երրորդ և չորրորդ փուլերի բուժումը։ Նա կարևորեց առողջ ապրելակերպը, ինչը, ըստ Առողջապահության համաշխարհային կազմակերպության տվյալների, թույլ է տալիս նվազեցնել քաղցկեղային հիվանդությունների առաջացման ռիսկը։

Խոսելով Հայաստանում քաղցկեղային հիվանդությունների բուժման մեթոդների մասին` գլխավոր մասնագետը նշեց, որ այստեղ միջազգային չափորոշիչներով օգտագործվում են բուժման բոլոր տեսակները` քիմիաթերապիա, վիրաբուժություն, ճառագայթային թերապիա, հորմոնոթերապիա և իմունաթերապիա։

«Եթե վիրաբուժական միջամտության և ճառագայթային թերապիայի դեպքում մենք էական խնդիրներ չունենք, ապա քիմիաթերապիայում լուրջ խնդիրներ կան», – ասաց Գալստյանը։

Նա նշեց, որ կառավարության որոշման համաձայն` Հայաստանում պետպատվերի շրջանակում չարորակ հիվանդությունների բուժման ժամանակ քիմիաթերապիան անցկացվում է նախնական գրանցումով։ «Երբ հիվանդին հարկավոր է լինում անցնել թերապիայի երկրորդ կուրսը, մենք ոչ միշտ ենք հասցնում պահպանել ռիթմն ու  իրականացնել այն անհրաժեշտ ժամկետներով, ինչը հանգեցնում է խնդիրների և դժգոհության», – նշեց նա։

Նրա խոսքով` այս խնդիրները վերացնելու համար կենտրոնի բժիշկներն աշխատում են երեք հերթափոխով, սակայն անգամ աշխատանքի նման ռիթմը` հաշվի առնելով հիվանդների տարեցտարի ավելացող թիվը,  չի օգնում հաղթահարել հերթերը։

Գալստյանն ավելացրեց, որ եթե ճառագայթային թերապիայի կաբինետները հագեցած են ամենաժամանակակից տեխնիկայով, որի օգնությամբ բուժումն անցկացվում է` միջազգային չափորոշիչներին համապատասխան, ապա քիմիաթերապիայի դեպքում պետության հատկացրած միջոցները բավարար չեն վերջին սերնդի դեղորայք ձեռք բերելու համար։

Նա տեղեկացրեց, որ բնակչության անապահով շերտերին քաղցկեղային հիվանդությունների բուժման նպատակով մեկ կուրսի համար հատկացվում է 178 հազար դրամ (մոտ 435 դոլար), իսկ մնացած քաղաքացիներին` 148 հազար դրամ (մոտ 363 դոլար), այն դեպքում, երբ որոշ ժամանակակից դեղերի գինը կարող է հասնել մեկ սրսկման համար 3100 եվրոյի։

«Նման միջոցներ, ինչպես հասկանում եք, չի կարող տրամադրել ոչ պետությունը, ոչ հիվանդները։ Հույսը միայն ապահովագրությունն է, սակայն ապահովագրական բժշկությունը Հայաստանում դեռևս զարգացած չէ այն մակարդակով, որպեսզի ամեն հիվանդի համար հատկացվեն նման միջոցներ», – ասաց նա։

Հայաստանի ուռուցքաբանության ազգային կենտրոնի տվյալներով` 2013 թ.–ին իրականացվել է 3476 վիրահատություն, մոտ 1200 հիվանդ անցել է ճառագայթային թերապիա, ավելի քան 4500–ը ենթարկվել են քիմիաթերապիայի։

Ուռուցքաբանության ազգային կենտրոնի հսկողության տակ է գտնվում 35 հազար հիվանդ, որոնցից 20 հազարը պրակտիկային համարվում է առողջ, քանի որ նրանց բուժումից հետո անցել է 5 և ավել տարի։

Փետրվարի 4–ին Առողջապահության համաշխարհային կազմակերպության (ԱՀԿ) նախաձեռնությամբ աշխարհում նշվում է ուռուցքաբանական հիվանդությունների դեմ պայքարի համաշխարհային օրը։ ԱՀԿ–ի կանխատեսումների համաձայն, 2020թ.–ին աշխարհում նոր հիվանդացածների թիվը կկազմի 20 մլն, և հիվանդությունը կարող է համաճարակի բնույթ ստանալ։–0–

Loading...
Թեմատիկ նյութեր
Բաժնի այլ նյութեր
00:05
08 Դեկտեմբերի 2017
«ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
«Նովոստի–Արմենիա» գործակալությունն այսօր դառնում է 12 տարեկան, իսկ գործակալության կայքը վերագործարկումից հետո արդեն երկու տարեկան է։
18:26
07 Դեկտեմբերի 2017
Համացանցում Հայաստանի գլխապտույտ տեսարանների տեսահոլովակ է հայտնվել (ՎԻԴԵՈ)
Համացանցում գունեղ ու դինամիկ հոլովակ է հրապարակվել, որը բացահայտում է Հայաստանն իր ողջ գեղեցկությամբ:  
18:17
07 Դեկտեմբերի 2017
ՅՈՒՆԻՍԵՖ–ը նշել է մանուկներին սպառնացող հիմնական վտանգը
Առավել մեծ վտանգ է սպառնում Հարավային Ասիայի երեխաներին։
16:30
07 Դեկտեմբերի 2017
Forbes–ը ներկայացրել է 2017թ. ամենաբարձր վարձատրվող երաժիշտների տասնյակը
Դիդդի կեղծանվամբ հանդես եկող ամերիկացի ռեփեր Շոն Քոմբսը ճանաչվել է 2017 թվականի ամենաբարձր վարձատրվող երաժիշտ:
12:17
07 Դեկտեմբերի 2017
Սուրենյանը հերքել է ձմռանը բարձր ջերմաստիճանի և երկրաշարժի հավանականության կապը
Հիշեցնենք, որ Հայաստանի պատմության ընթացքում գրանցված ամենասարսափելի և ավերիչ երկրաշարժից անցել է 29 տարի։
10:15
07 Դեկտեմբերի 2017
Վերա Բրեժնևան փայլել է հայ դիզայների զգեստով (ՖՈՏՈ)
Վերա Բրեժնևան ներկայացրել է հայ դիզայներ Հայկ Ավանեսյանի զգեստը։
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։