480.74
+0.03
511.65
+0.46
7.48
-0.03
+4
Եղանակը Երևանում
Հայ
«Եվրասիական ԶԼՄ–ներ. առաջխաղացման տեխնոլոգիաներ և կոնտենտի ձևավորում» թեմայով լրագրողական վարպետության դպրոց է մեկնարկել Երևանում
12:36
29 Հունվարի 2014

ԵՐԵՎԱՆ, 29 հունվարի. /Նովոստի–Արմենիա/. «Եվրասիական ԶԼՄ–ներ. առաջխաղացման տեխնոլոգիաներ և կոնտենտի ձևավորում» թեմայով լրագրողական վարպետության դպրոց է բացվել չորեքշաբթի «Նովոստի» միջազգային մամուլի կենտրոնում։

Դպրոցի կազմակերպիչներն են «Հյուսիս–Հարավ» ռուսական քաղաքագիտական կենտրոնը, «Ռոսիա Սեգոդնյա» ՄԼԳ–ն, «Նովոստի–Արմենիա» գործակալությունը, Եվրասիական հաղորդակցական կենտրոնը։

Ինչպես նշվում է միջոցառման մասնակիցներին ուղղված ՀՀ–ում ՌԴ արտակարգ և լիազոր դեսպան Իվան Վոլինկինի ողջույնի խոսքում, դպրոցը հատուկ նշանակություն է ձեռք բերել ՄՄ մուտք գործելու և Եվրասիական տնտեսական միության ձևավորման գործում Հայաստանի մասնակցության որոշման լույսի ներքո։ 

«Եվրասիական ինտեգրացիոն նախագիծն առավել դինամիկ զարգացողներից է, և մենք հույս ունենք, որ այն շուտով կդառնա հետխորհրդային տարածքում ինտեգրացիայի նոր մակարդակի տնտեսական և արտաքին քաղաքական հիմքը և հնարավոր է` համաշխարհային ուժի նոր կենտրոններից մեկը։ Այս նախաձեռնության հաջողությունը կախված կլինի ոչ միայն նրա անդամների տնտեսական ջանքերից։ Այս հարցում հսկայական դերակատարություն կունենան ԶԼՄ–ները», – նշվում է Վոլինկինի ուղերձում։

«Առանց միասնական տնտեսական դաշտի ստեղծման և լրագրողների համախմբված ակտիվ աշխատանքի շատ բարդ կլինի հասնել միջազգային եվրասիական նախագծի հաջողությանը։ ԶԼՄ–ների առաջնահերթ խնդիրն է լսարանին ներկայացնել օբյեկտիվ տեղեկատվություն այս նախագծում նրա բոլոր մասնակիցների համար գոյություն ունեցող հեռանկարների և առավելությունների մասին», – նշվում է ուղերձում։

Վոլինկինը նաև նշել է, որ այսօր նախագծի մասին օբյեկտիվ տեղեկատվությունն անհրաժեշտ է նաև` հաշվի առնելով տեղեկատվական հակազդեցությունը, որն իրականացվում է ինչպես նախագծի մրցակիցների, այնպես էլ «բոլոր տեսակի ազգայնականների» կողմից։

«Գաղտնիք չէ, որ հայկական ԶԼՄ–ներում ևս կան այնպիսիները, որոնք կասկածում են Եվրասիական նախագծում երկրի հեռանկարներին։ Այդ պատճառով մենք պետք է շատ աշխատենք բնակչության համար այդ գաղափարն ավելի գրավիչ դարձնելու համար` վերացնելով ոմանց կասկածները և տարհամոզելով սկեպտիկներին», – նշել է դեսպանը։

«Հյուսիս–Հարավ» քաղաքագիտական կենտրոնի գործադիր տնօրենի տեղակալ Յուլիա Յակուշևան իր հերթին նշեց, որ լրագրողական վարպետության դպրոցը նախորդ տարվա դպրոցի շարունակությունն է, որն անցկացվել է Հարավային Կովկասի լրագրողներին որակավորման բարձրացման մասշտաբային նախագծի շրջանակներում։

«Մենք ընտրել ենք եվրասիական թեման` ելնելով այս թեմայի արդիականությունից` հաշվի առնելով քաղաքական իրողություններն ու ՄՄ Հայաստանի մուտք գործելը։ Մեր խնդիրն է պատասխանել առաջացող բոլոր հարցերին», – ասաց Յակուշևան։

Նրա խոսքերով` երեք օրվա ընթացքում մեդիաոլորտի, քաղաքականության ոլորտի առաջատար լրագրողները, Ռուսաստանից, Ղազախստանից, Ուկրաինայից ժամանած մասնագետները հայ գործընկերների համար կանցկացնեն պրոֆեսիոնալ դասընթացներ և դասախոսություններ, որոնք նվիրված կլինեն եվրասիական ինտեգրացիոն նախագծի ձևավորման և գործունեության պայմաններում ԶԼՄ–ների աշխատանքի բովանդակային պարունակությանն ու տեխնոլոգիական գործիքներին։

Նախատեսվում է Ռուս–հայկական խորհրդարանական ակումբի հիման վրա անցկացնել կլոր սեղան` «Խորհրդարանական չափում և եվրասիական ինտեգրման հասարակական աջակցություն» թեմայով, որին կմասնակցեն ռուս և հայ խորհրդարանականներ ու փորձագետներ։

Ընդհանուր եվրասիական տեղեկատվական տարածքի ձևավորման խնդրահարույց դաշտը, հայկական հասարակության կողմից եվրասիական ինտեգրման խնդիրների ըմբռնման առանձնահատկությունը, Հայաստանի ԶԼՄ–ների դերը եվրասիական մեդիայի ստեղծման գործում, այս և այլ հարցեր կքննարկվեն «Միասնական եվրասիական տեղեկատվական տարածքի ձևավորման խնդիրները և հեռանկարները» թեմայով կլոր սեղանի շրջանակներում։

Դպրոցի աշխատանքի վերջին օրը ունկնդիրներին կներկայացվեն լրագրողական էսսեների մրցույթի պայմանները, որի արդյունքում Հարավային Կովկասի պետությունների, այդ թվում նաև Հայաստանի լավագույն լրագրողները կկարողանան 2014թ.–ի վերջին մասնակցել Սոչիում կայանալիք Հարավային Կովկասի երիտասարդ լրագրողների տարածաշրջանային դպրոցին և վերապատրաստումներին։
Երիտասարդ լրագրողների դպրոցի աշխատանքի արդյունքում մասնակիցները կստանան հատուկ հավաստագրեր։

Նախորդ տարի լրագրողական վարպետության դպրոցը, որը կազմակերպվել էր «Հյուսիս–Հարավ» քաղաքագիտական կենտրոնի, «ՌԻԱ Նովոստի» գործակալության կողմից «Նովոստի–Արմենիա» միջազգային լրատվական գործակալության և Հայաստանում Ռուսական գրքի տների մասնակցությամբ, անցել է Երևանում հունվարի 22–26–ը։–0–

Loading...
Թեմատիկ նյութեր
Բաժնի այլ նյութեր
10:30
03 Դեկտեմբերի 2016
Հայաստանում ձյան տեսքով տեղումներ են սպասվում
Հաջորդ շաբաթվանից Հայաստանի գրեթե ողջ տարածքում սպասվում են ձյան տեսքով տեղումներ։
16:57
02 Դեկտեմբերի 2016
«Շոկոլադի բանկը» քաղցրավենիք կհավաքի Գյումրիի տնակներում բնակվող երեխաների համար
Նոր տարվա կապակցությամբ` Հայ օգնության ֆոնդն իրականցնում է «Շոկոլադի բանկ» նախաձեռնությունը` Գյումրիի տնակներում բնակվող երեխաների համար:
15:55
02 Դեկտեմբերի 2016
Արագածոտնի մարզում թույլ ձյուն է. Լարսի անցակետը փակ է
Դեկտեմբերի 2-ի ժամը 15.00-ի դրությամբ ՀՀ տարածքում ավտոճանապարհներն հիմնականում անցանելի են:
15:32
02 Դեկտեմբերի 2016
Քիմ Քարդաշյանը 2016 թ.-ին Instagram-ի ամենաճանաչված աստղերի հնգյակում է
Ամերիկահայ հեռուստաաստղ Քիմ Քարդաշյանը ներառվել է Instagram-ի ամենաճանաչված աստղերի հնգյակում:

12:33
02 Դեկտեմբերի 2016
Սեռական բնույթի գործողություններ են կատարվել 50-ամյա տղամարդու նկատմամբ Երևանում
50-ամյա տղամարդը հայտարարել է, որ 2 տղամարդիկ իր նկատմամբ սեռական բնույթի գործողություններ են կատարել:
20:26
01 Դեկտեմբերի 2016
Մառա Բաղդասարյանը հորն է ուղարկել դատարան իր փոխարեն
Սավյոլովի հաշտարար դատարանի նիստին չի ներկայացել մրցավազորդուհի Մառա Բաղդասարյանը։

19:40
01 Դեկտեմբերի 2016
Victoria’s Secret 2016 շոու (ԼՈՒՍԱՆԿԱՐՆԵՐ)
Փարիզի Grand Palais–ում անցկացվել է Victoria's Secret Fashion Show 2016–ը։
15:59
01 Դեկտեմբերի 2016
Հայկական Beeline-ը սմարթֆոնների նախատոնական վաճառք է անցկացնում
Beeline-ը հայտարարում է սմարթֆոնների վաճառքի նախատոնական ակցիայի անցկացման մասին։
14:59
01 Դեկտեմբերի 2016
Հայ աղջիկն իր կիսամերկ լուսանկարներն ուղարկել է ընկերոջը, վերջինս էլ դրանք հրապարակել է համացանցում
26-ամյա աղջիկն իր հետ սիրային կապի մեջ գտնվող տղային ուղարկել է իր կիսամերկ լուսանկարները, երիտասարդն էլ հրապարակել է դրանք համացանցում:
11:23
01 Դեկտեմբերի 2016
Հայաստանի որոշ մարզերում ձյուն է տեղում. կան դժվարանցանելի ճանապարհներ
Դեկտեմբերի 1-ի ժամը 11.00-ի դրությամբ ՀՀ տարածքում ավտոճանապարհներն հիմնականում անցանելի են:
22:12
30 Նոյեմբերի 2016
Հայաստանի որոշ մարզերում ձյուն է տեղում
Հայաստանի որոշ քաղաքներում ձյան տեսքով տեղումներ են։
22:08
30 Նոյեմբերի 2016
Facebook-ի մեսենջերում հայտնվել է խաղերի ծառայություն
Facebook-ի Messenger հաղորդագրություններով փոխանակվելու համար նախատեսված հավելվածում հայտնվել է Instant Games ծառայությունը: